Dashi

Sot është një ditë me mundësi për miqësi të reja. Puna paraqitet mjaft mirë, ku zhvillime pozitive paraqiten në horizont. Gjenda ekonomike nuk është shumë e mirë.

Demi

Sot duhet të bëni diçka tjetër dhe të njiheni me njerëz të rinj. Në punë do merreni me gjërat që doni, projketet e reja do të shkojë ashtu si dëshironi.

Binjakët

Sot është momenti i duhur për të thënë ato që doni. Ide të reja do t’ju bëjnë të ndryshoni diçka. Jeta sentimentale do të ketë probleme, përpiquni t’i sqaroni gjërat.

Gaforrja

Dita paraqitet pozitive për dashurinë. Në punë qëndroni larg bisedave, disa gjëra mirë është të mos i dëgjoni. Përpiquni të pushoni pak për të fituar energji.

Luani

Ky është momenti i duhur për të biseduar me partnerin. Në punë një projekt do të rezultojë i rëndësishëm, kushtoini vëmendje sepse është shumë i rëndësishë.

Virgjëresha

Në dashuri bëni mirë që të shmangni debatet. Nëse në punë ju ka ikur një mundësi, tashmë do të keni një shans tjetër, mos e humbisni.

Peshorja

Ky është moment pozitiv për dashurinë. Një dashuri mund të lind nga një miqësi. Çështjet financiare duhen riparë. Kujdesuni për familje, janë mbështetja më e madhe

Akrepi

Në dashuri duhet të toleroni partnerin. Raportet me të lindurit e shenjës së peshqve, paraqiten pozitive. Kujdes në ambientin e punës, gjërat mund të përkeqësohen.

Shigjetari

Në dashuri gjërat do të komplikohen gjatë fundjavës. Doni të sqaroni disa situata dhe të keni siguri, në mbylljen e disa çështjeve që nuk ju bindin.

Bricjapi

Dashuria do të kalojë në plan të dytë, si dhe do të ketë disa çështje që kërkojnë sqarim. Në punë do të jeni të favorizuar. Financat janë mjaf të mira.

Ujori

Në dashuri nuk duhet të tregoheni të ashpër me të tjerët, si dhe duhet të nisni të shikoni gabimet tuaja. Nuk duhet të bëni shpenzime.

Peshqit

Kjo është dita ideale për të folur me njeriun që doni, në mënyrë që të sqaroni marrëdhënien. Gjërat do shkojnë mirë. Në punë çdo gjë duket mirë.

REDAKTUAR nga:

“KORÇA BOOM”

Për ditën e sotme (premte) vendi ynë do të vijojë të ndikohet nga kushte atmosferike kryesisht të paqëndrueshme për shkak të aktivitetit të një qëndre ciklonare pozicionuar mbi Itali me zgjerim drejt një pjese të madhe të europës.

Moti parashikohet me vranësira mesatare dhe të dendura si dhe intervale të herëpashershme me kthjellime (diell) me këto të fundit më tepër në pjesën e dytë të ditës. Vranësirat do të shoqërohen me reshje shiu të herëpashershme dhe kryesisht intensitet të ulët.

Megjithatë, në periudha afatshkurtra reshjet lokalisht në formën e shtrëngatave shoqëruar me shkarkesa elektrike dhe intensitet deri dhe mesatar. Reshjet me intensitet deri dhe mesatar do të jenë të përqëndruara kryesisht përgjatë relieveve malore në lindje të territorit.

Era do të fryjë me drejtim verilindje – veriperëndim dhe shpejtësi mesatare 1-5 m/s ndërsa në momentin e zhvillimit të vranësirave si dhe përgjatë vijës bregdetare dhe lugina ajo hera-herës fiton shpejtësi 6-10m/s.

Temperaturat parashikohen:

në zonat malore 12 deri 20°C

në zonat e ulëta 12 deri 29°C

në zonat bregdetare 14 deri 29°C

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!  

Jemi së bashku në këtë të premte kur data shënon 20 shtator 2024.

Ditën e sotme kemi zgjedhur t’ju themi mirëmëngjes me një pamje nga Kolonja në këto ditë vjeshte dhe t’ju urojmë më të mirat për ju.

Ju urojmë një të premte sa më të bukur për të gjithë!  

Ditë të mbarë miq të faqes “Korça Boom”!

REDAKTUAR nga:

“KORÇA BOOM”

U organizua sot takimi në qendrën e zhvillimit rajonal “MIK” në Korçë, lidhur me prezantimin nga përfaqësuesit e studios “ARS Progetti S.P.A & Bolles+Wilson”, të cilët po hartojnë projektin teknik paraprak me ndërhyrjet e propozuara, qe do të stimulojnë zhvillimin e turizmit të aventurës në zonën natyrore të fshatrave Dardhë, Arrëz, Sinicë dhe Nikolicë, financuar nga Banka Evropiane për Rindërtim dhe Zhvillim (BERZH) nëpërmjet Fondit Shqiptar të Zhvillimit, në kuadër të Programit për Fuqizimin e Infrastrukturës Turistike (Albanian Infrastructure Tourism Enabling Program).

Realizimi i këtij projekti do të shtojë premisat e një zhvillimi të ri ekonomik dhe turistik për zonën me natyrë të mrekullueshme të këtyre fshatrave, duke e pasuruar edhe më shumë ofertën turistike që ofron qarku ynë.

REDAKTUAR nga:

“KORÇA BOOM”

Ndarja e parakohshme nga jeta e ish-deputetit, Gert Bogdani, ka trishtuar të gjithë opinionin publik. 44-vjeçari, i cili njihej dhe si një dashamirës i madh i futbollit, ndërroi jetë sot pas një arresti kardiak.

Presidenti i FSHF-së, Armand Duka, i ka shprehur ngushëllimet familjes Bogdani për këtë humbje të madhe, duke vlerësuar kontributin që Gerti dha në politikën dhe shoqërinë shqiptare gjatë karrierës së tij.

“Jam i tronditur për lajmin e ndarjes së parakohshme nga jeta të Gert Bogdanit. Ky është një moment i dhimbshëm për familjen, miqtë dhe gjithë ata që patën fatin të njihnin një njeri me vlera të jashtëzakonshme si Gerti. Ai ishte një personalitet i rrallë, me integritet dhe përkushtim të pashoq, që dha kontribut të rëndësishëm në politikën shqiptare, por njëkohësisht ishte edhe një dashamirës i madh i futbollit, që nuk mungonte në stadiumet shqiptare si tifoz.

Humbja e tij lë një boshllëk të madh, por trashëgimia e tij do të jetojë në kujtimet e gjithë atyre që e vlerësuan për zemrën e tij të madhe dhe përkushtimin e tij ndaj Shqipërisë. Në këto momente të vështira, i shpreh ngushëllimet më të ndjera familjes Bogdani dhe të gjithë të afërmve të tij. Pushoftë në paqe!”, – shkruan Presidenti Duka në mesazhin e tij të publikuar në rrjetet sociale.

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!   
Jemi sot në këtë të enjte, kur data shënon 19 shtator 2024. 

Sot kemi zgjedhur t’ju themi mirëmëngjes me këtë pamje të bukur nga kisha e Shën Triadhës në Tudas të Oparit, shpallur si monument i trashëgimisë kulturore, duke uruar më të mirën për ju miq të “Korça Boom”.

Ju urojmë një ditë sa më të bukur për të gjithë Ju dhe të dashurit tuaj!   

Të enjte të mbarë dhe të bukur miq të faqes sonë! 

KUSH ISHTË GERTI BOGDANI

Gerti Bogdani, ka lindur dhe është rritur në Tiranë. Ai vjen nga dy familje autoktone tiranase Bogdani dhe Bërxolli. Pasi mbaroi shkollën e mesme “Harry Fultz”, me rezultate të shkëlqyera dhe ‘Medalje Ari’, Gerti Bogdani vijoi studimet e larta në Universitetin Politeknik të New York-ut në Shtetet e Bashkuara të Amerikës, ku u diplomua me ‘Nderimet më të Larta’ (Summa Cum Laude), duke u shpallur edhe fitues i Outstanding Graduate Award – ‘Medalje Ari’ në degën e Shkencave Kompjuterike. Pas rikthimit në Shqipëri, e nisi karrierën e tij profesionale në fushën akademike si Pedagog në Universitetin e New Yorkut –Tiranë.

Gjatë viteve të studimeve, si përfaqësues i shkollës “Harry Fultz”, Bogdani ka qenë pjesëmarrës dhe fitues i një sërë turnamentesh rajonale dhe kombëtare të programit të debatit, e të aktiviteteve të tjera në rang kombëtar, si edhe pjesë e ekipit fitues të disa trofeve e kampionateve të basketbollit mes shkollave të mesme të Tiranës. Ai është angazhuar në Këshillin Rinor Shqiptar në një sërë aktivitetesh si edhe për krijimin e Rrjetit të Qeverive të Nxënësve – sot, Parlamenti Rinor, dhe është gjithashtu një nga themeluesit e Rrjetit të Studentëve Shqiptarë në Botë, me aktivitet dhe qëllim kryesor rikthimin në Shqipëri të studentëve të diplomuar jashtë vendit.

Në vitin 2005, pranon ftesën për t’u angazhuar në politikë shtyrë nga thirrja e brendshme qytetare për të kontribuar për vendin. Në vitin 2007 fillon detyrën si Sekretar i Marrëdhënieve me Jashtë i PD, të cilën e kryen me sukses deri në vitin 2019, duke zgjeruar ndjeshëm rrjetin ndërkombëtar në mbështetje, jo vetëm të Partisë Demokratike, por sidomos të Shqipërisë – që nga Kongresi e Senati Amerikan, Parlamenti Europian e Bundestagu Gjerman, veçanërisht në raste të votimeve të rëndësishme për Shqipërinë dhe Kosovën.

Në këtë detyrë ai ka arritur me sukses të mbështesë anëtarësimin e PD në Bashkimin Ndërkombëtar Demokrat – IDU, aplikimin e LDK-së për anëtarësimin në Partitë Popullore Europiane – EPP, si dhe ka kontribuar në anëtarësimin me të drejtë vote të Partisë Demokratike në EPP. Në vitin 2007 kandidon në Zgjedhjet Vendore, duke qenë i pari kandidat nga e djathta që bëhet kryetar i Minibashkisë nr. 10 në Tiranë dhe Kryebashkiaku më i ri i zgjedhur ndonjëherë, duke bërë për vete komunitetin dhe duke marrë mbështetjen e elektoratit të njësisë përtej ndryshimeve politike majtas apo djathtas.

Në vitin 2009, Gerti Bogdani, kandidon në Zgjedhjet Parlamentare të 28 qershorit 2009 dhe zgjidhet deputeti më i ri në Kuvendin e Shqipërisë. Gjatë dy legjislaturave parlamentare 2009 – 2013 dhe 2013 – 2017 kontribuoi në nisma ligjore me impakt për arsimin, mbështetjen sociale dhe të rinjtë. Gjatë dy mandateve parlamentare shërbeu në komisionin e Integrimit Europian & në komisionin e Medias, si dhe i përkushtohet problematikave të komunitetit autokton tiranas. Në 2009 Bogdani mori edhe detyrën e kryetarit të FRPD.

Pas 2 viteve në pozicionin e Zv.Presidentit, në vitin 2014 zgjidhet President i IYDU – Bashkimi Rinor Ndërkombëtar Demokrat, në Asamblenë në Lisbonë & ushtron këtë detyrë 2014 – 2016, duke u bërë politikani i parë shqiptar që zgjidhet në një pozicion kaq të lartë drejtues në një organizatë ndërkombëtare. Pas vitesh angazhimi aktiv në strukturat drejtuese, në zgjedhjet e 2019, bëhet anëtari më i votuar në Kryesinë e Partisë Demokratike, me mbi 70% të votave. Gerti është i martuar me aktivisten Edlira Çepani dhe është babai i Ajrës dhe Reinartit.

REDAKTUAR nga:

“KORÇA BOOM”

Ish-deputeti i PD, Gerti Bogdani ka pësuar arrest kardiak dhe më pas ka ndërruar jetë.

Bogdani ka pësuar arrest kardiak në hotel “Rogner” në Tiranë.

Deputetët e Partisë Demokratike kanë braktisur mbledhjen dhe janë nisur me urgjencë në QSUT.

Bogdani ndodhej në gjendje të rëndë dhe nuk mundi të kalonte momentin e arrestit kardiak.

REDAKTUAR nga:

“KORÇA BOOM”

Ditën e djeshme kursi i volejbollit nën kujdesin e profesore Elena Bego organizoi një ndeshje miqësore me skuadrën e Devollit.

Aktivitete të tilla konkuruese në një ambjent miqësor dhe argëtues përmirësojnë aftësitë e fëmijëve në këtë sport, rritin vetëbesimin e tyre si dhe ndihmojnë në ndërtimin e bashkëpunimit dhe punës në grup.

REDAKTUAR nga:

“KORÇA BOOM”

Zëmblaku-Nj.Ad.Pojan një kantier pune!

Po punohet për lirimin e kolektorit kryesor nga ndërtimet pa lejë, për të filluar shumë shpejt me betonimin dhe sistemimin e territorit në të gjithë gjatësinë e tij.

Zëmblaku në vëmendjen e Qeverisë Shqiptare me këtë financim kaq të rëndësishëm.

REDAKTUAR nga:

“KORÇA BOOM”