Java e 6-të e kampionatit “Abissnet Superiore” uli siparin mbrëmjen e sotme me dy takimet e fundit AF Elbasani – Egnatia dhe Teuta – Dinamo City.

Të dy takimet u mbyllën në barazim. Në “Elbasan Arena” ndeshja AF Elbasani – Egnatia përfundoi 0-0, ndërsa në “Niko Dovana” sfida Teuta – Dinamo City 1-1.

Po sot u zhvillua edhe takimi Vllaznia – Bylis. Në “Loro Boriçi” shkodranët regjistruan fitoren e tretë radhazi, pasi mundën Bylisin 2-0.

Të shtunën u luajtën dy ndeshjet e tjera të javës së gjashtë. Derbi i kryeqytetit Partizani – Tirana në “Air Albania “ u mbyll në barazim pa gola 0-0, ndërsa në Korçë Skënderbeu mundi Laçi 2-1.

REDAKTUAR nga:

“KORÇA BOOM”

Skënderbeu duhet të harrojë sa më parë fitoren e fundit ndaj Laçit, pasi përpara janë dy ndeshje shumë të rëndësishme për bardhekuqtë dhe sigurisht që vështirësia është e madhe.

Tashmë ka ditë që janë bërë zyrtare se kur luhen java e 7-të dhe e 8-të e superligës, teksa FSHF ka zbardhur kalendarin me datat dhe oraret zyrtare.

Në këtë mënyrë, të dielën e ardhshme Skënderbeu do të udhëtojë për të luajtur ndaj Tiranës në kryeqytet dhe kjo ndeshje do të startojë në orën 19:00 të datës 29 shtator. Pra, një javë për të përgatitur Tiranën.

Më pas në javën e 8-të të superligës Skënderbeu do të kthehet të luajë në stadiumin “Skënderbeu”, në një ndeshje tjetër po kaq të vështirë, teksa do të presë Egnatian në javën pasardhëse. Kjo ndeshje është planifikuar të luhet të shtunën e 5 tetorit dhe do të startojë në orën 19:00 të mbrëmjes.

Këto janë dy ndeshjet e radhës zyrtare, teksa më pas do të ketë pushim për shkak të grumullimit të kombëtares kuqezi.

Java 7

29 shtator (E diel)

Ora 19:00 Tirana-Skënderbeu

Java 8

5 Tetor (E Shtunë)

Ora 19:00 Skënderbeu-Egnatia

REDAKTUAR nga:

“KORÇA BOOM”

U-19 Skënderbeu – U-19 Dinamo 2-0

Shënues: Shuri 9’, Xhixho 83’

Skënderbeu për të rinj arrin një tjetër fitore në javën e 4-t të superligës, duke mposhtur dje në aneksin e stadiumit “Skënderbeu” Dinamon me rezultatin e pastër 2-0.

Dy gola nga një për secilën pjesën kanë shënuar të rinjtë e Skënderbeu, ku protagonist në pjesën e parë ishte Shuri që në minutën e 9-të shënoi dhe kaloi në avantazh Skënderbeun.

Edhe në pjesën e dytë rastet kanë qenë të shumta për Skënderbeun, ndërkohë që vetëm në minutën e 83-të do të vinte edhe goli i sigurisë, teksa është Xhixho që shënon dhe i jep një tjetër trepikësh Skënderbeut.

Me këtë fitore Skënderbeu është në vendin e dytë të tabelës së klasifikimit me pikë të barabarta me Partizanin që ka një ndeshje më pak.

Skënderbeu këtë sezon kujtojmë që është pretendent për fitimin e titullit kampion.

Suksese Skënderbeut U-19!

REDAKTUAR nga:

“KORÇA BOOM”

Në qoftë se ka Korça një futbollist të talentuar dhe tashmë mjaft cilësor krahas të tjerëve, është edhe Jorgo Pëllumbi, futbollisti që ka kaluar të gjitha shkallët e karrierës me ekipet tona kombëtare dhe tashmë vazhdon aventurën me ekipin e Debreçenit.

Por vallë pse është harruar nga Silvinjo?!

Duhet të jetë qoftë edhe në fazat seleksionuse kur përgatit ekipin kombëtar. Një djalë shumë punëtor, pa fjalë dhe një profesionist i vërtetë që ka treguar se është një nga më të mirët e futbollit tonë në repartin e mbrojtjes.

Jo vetëm kaq, por ai është një lojtar me një vazhdimësi, që për asnjë moment nuk ka qëndruar jashtë fushave dhe disa herë ka hyrë në merkato për të kaluar tek ekipe cilësore. Mos vallë ka ardhur momenti që edhe për të të ketë një sy nga ana e Silvinjos?!

REDAKTUAR nga:

“KORÇA BOOM”

Vllaznia ka siguruar tre pikë të arta në shtëpi përballë Bylisit duke fituar 2-0 për të tentuar një arrati të vogël në kryesimin e Superiores.

Shkodranët diktuan ritmin e tyre në ndeshje, duke qenë vazhdimisht pranë zonës kundërshtare derisa gjetën golin me anë të Stojanoviç në fillimin e fraksionit të dytë të lojës. Pastaj ata shpërdoruan mundësi të mira për të shënuar përsëri në portën kundërshtare, teksa ballshiotët shfaqeshin pak të rrezikshëm para Qarrit.

Megjithatë, ata mund të ktheheshin në ndeshje nga një penallti e akorduar me VAR, i cili më parë kishte anuluar një të tillë për shkodranët. Por Ruçi gaboi me “Panenka”, duke i dhënë frymëmarrje vendasve, të cilët më pas gjetën golin e dytë me Balajn dhe siguruan tre pikët.

Në orën 20:00 startojnë edhe dy ndeshjet e fundit të javës së 10-të, teksa Elbasani pret në shtëpi Egnatian dhe Teuta pret në Durrës, Dinamon. Pas përfundimit të këtyre dy ndeshjeve do të shikojmë edhe më qartë renditjen e superligës në 6-të javë të plota.

DJE 21 SHTATOR 2024 

SKËNDERBEU-LAÇI 2-1

PARTIZANI-TIRANA 0-0

SOT 22 SHTATOR 2024 

VLLAZNIA-BYLIS 2-0

ORA 20:00 ELBASANI-EGNATIA

ORA 20:00 TEUTA-DINAMO

REDAKTUAR nga:

“KORÇA BOOM”

Kanë përfunduar pak momente më parë 5 ndeshjet e javës së parë të kategorisë së dytë për Grupin B, teksa sot luante edhe Devolli, skuadër që nuk shkoi më shumë se barazimi në Cërrik.

2-2 kanë barazuar devollinjtë në transfertë, në një ndeshje që në fakt duhet ta kishin fituar, pasi qysh në start humbën edhe një 11-metërsh.

Më pas do të ishin vendasit që do të shënonin të parët golin e avantazhit, ndërkohë që Devolli gjen forca dhe shënon dy herë në harkun kohor të dy minutave. Ivani dhe Ibrahim kthyhen rezultatin 1-2 në favor të Devollit. Në minutën e 68-të Turbina barazon shifrat në 2-2 dhe me këtë barazim mbyllet edhe krejt ndeshja.

Në këtë mënyrë devollinjtë e nisin me një pikë në transfertë në fushën e vështirë të Turbinës, ndërkohë që në fakt nga loja që zhvilluan duhet ta kishin fituar këtë takim.

Rezultatet e javës së parë

Luftëtari – Tomori 1-0 (Vucaj 59′)

Memaliaj – Shkumbini 0-3 (Mustafaj 22′, Camara 49′, Matushi AG 59′)

Këlcyra – Oriku 0-2 (Shkreli 13′, 26′)

Turbina – Devolli 2-2 (Ismailaj 37′, Ranxha 68′ / Ivani 44′, Ibrahim 45′)

Butrinti – Delvina 2-1 (Tafa 47′, Llana 83′ / Arroyo 86′)

REDAKTUAR nga:

“KORÇA BOOM”

Komiteti Ekzekutiv i FSHF ka marrë disa vendime në lidhje me futbollistët e huaj. Kështu për superligën do të këtë një numër prej 7 të tillësh nga 5 që ishte aktivizimi i të huajve dhe sezonin e ardhshëm nuk do të ketë limit. Kjo në një farë mase sipas specialistëve që punojnë me akademitë, sjell dëm pasi u mbyll rrugën për të ecur para.

Por a është kështu? Në një këndvështrim tjetër mund të thuhet se është treg dhe konkurrencë dhe kjo mund të nxisë akademitë të rrisin nivelin dhe të nxjerrin futbollistë cilësorë, të cilët të konkurrojnë me të huajt. Nga ana tjetër ekipet kanë mundësinë dhe shanset të rrisin nivelin e ekipeve të tyre, ku mund të gjëjnë futbollistë që nesër të jenë edhe pjesë e tregut për merkato.

Kështu rriten edhe të ardhurat, pasi po të shohësh më shumë në merkato janë futbollistët e huaj, që vijnë në Shqipëri dhe më pas kalojnë në ekipe jashtë vendit.

Pra janë dy anë të një medaljeje që realisht do të kenë ndikim në zhvillimin e futbollit.

REDAKTUAR nga:

“KORÇA BOOM”

Pogradeci ka mundur të marrë një fitore në limitin e kohës këtë javë duke mundur Erzenin, ekipin e vendit të fundit vetëm në minutën e tretë të shtesës. Duhet thënë se goli i shënuar ka vlera të mëdha edhe pse në këtë takim kanë prodhuar lojë, kanë shpërdoruar raste, por në fund është sulmuesi Pandiç që u jep fitoren e munguar pogradecarëve.

Liqenorët janë ankuar në ndeshjet e kaluara edhe për gjykimin, çka sipas tyre u ka mohuar edhe fitoret. Ama këtë herë duket se gjithçka e zgjidhën vetë, në fushën e lojës.

Pas ndeshjes trajneri Samuel Nikaj është shprehur entuziast për të tijtë. Në deklaratën e tij ai thekson: “Të ishin zgjidhur më shpejt situatat e lojës, pasi mundësitë ishin të mëdha, raste të shumta kemi patur, por kemi ndeshur edhe me pak ngarkesë psikologjike. Mendoj se kjo fitore do të na japë mundësinë e qetësisë. Unë kam besuar tek ekipi.”

REDAKTUAR nga:

“KORÇA BOOM”

7 pikë pas 6 javëve të para për Skënderbeun dhe duket se kjo fitore e mbrëmshme ndaj kurbinasve erdhi vërtet në momentin dhe në kohën e duhur. Mbrëmë në stadiumin “Skënderbeu”, bardhekuqtë thyhen edhe tersin ndaj kurbinasve, pasi kishin 6 vite që nuk e mundnin Laçin në stadiumin juglindor.

 Një fitore me zemër në dorë arriti skuadra e Gvozdenoviç, ndërkohë që pas 3 pikëshit edhe njëshi i stolit bardhekuq ka marrë frymë lirisht, sepse Skënderbeu la pas krahëve ato rezultate negative.

Në fakt përpara takimit kemi theksuar se edhe një vit më parë Skënderbeu kthesën e bëri në javën e 6-të dhe dje ishte java e 6-të ku Skënderbeu u kthye sërish te fitorja.

“Fitore me zemër në dorë,” – ka deklaruar trajneri Ivan Gvozdenoviç, ndërkohë që për të dhe gjithë futbollistët erdhi në kohën e duhur. Skënderbeu dje kishte presionin psikologjik kundër për shkak të mungesës së rezultateve dhe sigurisht që pas barazimit të gjithë lojtarët ditën të reagonin, duke shënuar edhe golin e fitore.

Tashmë Skënderbeu qetësisht është në kuotën e 7 pikëve dhe dita e sotme edhe krejtësisht pushim, për të filluar nesër sërish të mendohet oër javën anti-Tirana, ku do të jetë një transfertë e vështirë, por fitorja e fundit ktheu dhe qetësinë dhe rriti moralin e ekipit.

Suksese Skënderbe!

REDAKTUAR nga:

“KORÇA BOOM”

U-13 Skënderbeu – U-13 Dinamo 0-0

Në kampionatin kombëtar të superligës për javën e 4-t Skënderbeu nuk shkoi më shumë se një barazim ndaj Dinamos, në ndeshjen e djeshme të luajtur në aneksin e stadiumit “Skënderbeu”.

Pavarësisht rasteve të korçarëve të vegjël krejt takimi është mbyllur në barazimin pa gola dhe si Skënderbeu U-13, por edhe Dinamo U-13 nuk ndanë më shumë se nga 1 pikë.

Me këtë pikë të fituar Skënderbeu renditet pas katër javëve të para në vendin e 8-të me 4 pikë, 1 fitore, 1 barazim dhe 2 humbje.

Nga ana tjetër Dinamo ka një pikë më shumë, 5 pikë dhe renditet në vendin e 5-të.

Duket se ky sezon nuk ka nisur ashtu siç duhet për Skënderbeun U-13, ku priten rezultate edhe më të mira në këtë sezon.

Suksese “ujqërve” të vegjël!

REDAKTUAR nga:

“KORÇA BOOM”