Duke filluar nga viti i ardhshëm, çmimet e sigurimit të detyrueshëm të mjeteve nuk do të jenë të njëjta për të gjithë. Tarifat e reja do të jenë të diferencuara, bazuar në një listë faktorësh që ndikojnë në rrezikun për të shkaktuar dëme nga drejtuesit e mjeteve.

Bordi i Autoritetit të Mbikëqyrjes Financiare (AMF) ka miratuar këtë muaj rregulloren “Për përcaktimin e faktorëve të riskut që përfshihen në përllogaritjen e primit për produktet e sigurimit të detyrueshëm në sektorin e transportit”.

Në përllogaritjen e primit të sigurimit, kompanitë duhet të zbatojnë disa faktorë kryesorë risku, si historiku i dëmeve, përfshirë edhe rastet kur shkaktari i aksidentit nuk është i shënuar në policën e sigurimit; fuqia motorike e mjetit; mosha e të siguruarit; eksperienca në drejtimin e mjetit motorik; përdorimi i mjetit nga një subjekt apo nga një individ; qarku i regjistrimit të mjetit; vjetërsia e mjetit.

Përveç faktorëve të mësipërm, rregullorja parashikon që shoqëritë e sigurimit mund të zbatojnë edhe faktorë të tjerë risku, të përcaktuara prej tyre.

Këta faktorë risku do të përdoren në përllogaritjen e primit të sigurimit për kategorinë e autoveturave, në produktin e sigurimit të detyrueshëm motorik për përgjegjësitë e brendshme ndaj palëve të treta (MTPL e brendshme), por jo për produktet e sigurimit kufitar dhe të kartonit jeshil.

Shoqëritë e sigurimit do t’i përcaktojnë vetë tarifat e primit të sigurimit, sipas metodologjisë së përcaktuar, por janë të detyruara të njoftojnë AMF-në të paktën 30 ditë kalendarike përpara aplikimit të tarifave të reja të primit.

Së bashku me njoftimin për aplikimin e tarifave të reja të primit, shoqëritë e sigurimit duhet të depozitojnë pranë Autoritetit bazën teknike të të dhënave, faktorët e riskut dhe vlerësimet aktuariale të përdorura për llogaritjen e primeve të sigurimit, të shoqëruara me opinionin e aktuarit të autorizuar të shoqërisë, të paraqitur në formën e një raporti me shkrim.

Autoriteti, në funksion të mbikëqyrjes së veprimtarisë së shoqërisë së sigurimit, mund të urdhërojë rishikimin e tarifave të reja të primeve, nëse konstaton se baza e të dhënave për hartimin e tabelave të primit të sigurimit nuk është e saktë, ose shoqëria e sigurimit nuk ka vepruar në përputhje me parimet aktuariale dhe metodologjinë e përdorur për përfshirjen e faktorëve të riskut të përcaktuar me këtë rregullore.

Shoqëritë e sigurimit nuk mund të aplikojnë tarifa të primit të sigurimit të ndryshme nga ato të raportuara në Autoritet dhe nuk mund t’i ndryshojnë tarifat e primit të sigurimit të detyrueshëm më shumë se dy herë brenda një viti kalendarik.

Shoqëritë e sigurimit duhet të publikojnë në faqen zyrtare të internetit, gjatë gjithë periudhës së zbatimit, koeficientët e faktorëve të riskut, shoqëruar me raste të zbatimit të tyre në praktikë, si dhe primet e sigurimit të detyrueshëm në sektorin e transportit.

Shoqëritë e sigurimit gjithashtu duhet të mbajnë të afishuara në çdo pikë shitjeje tabelat me primet e sigurimit, të miratuara gjatë periudhës së zbatimit të tyre. Rregullorja e re do të hyjë në fuqi në 1 janar 2025.

REDAKTUAR nga:

“KORÇA BOOM”

Mirëmëngjes miq dhe fansa të faqes sonë! Jemi së bashku në këtë të mërkurë kur data shënon 25 shtator 2024.

Ditën e sotme kemi zgjedhur t’ju themi mirëmëngjes me një pamje nga Drenova dhe t’ju urojmë më të mirat për ju.

Ju urojmë një të mërkurë sa më të bukur për të gjithë!

Ditë të mbarë miq të faqes “Korça Boom”!

REDAKTUAR nga:

“KORÇA BOOM”

“Dita Botërore pa Makina në Pogradec”

Bashkia Pogradec në bashkëpunim me ZVAP organizoi një pedalim me nxënësit e shkollave të mesme, duke shënuar “Ditën Botërore pa Makina”!

Ky aktivitet i veçantë kishte për qëllim ndërgjegjësimin mbi rëndësinë e mbrojtjes së mjedisit dhe promovimin e një jete të shëndetshme. Nxënësit tanë treguan edhe një herë se sa shumë mund të kontribuojnë për një të ardhme të pastër dhe më të gjelbër!

Faleminderit të gjithë pjesëmarrësve për energjinë pozitive dhe përkushtimin! Të zgjedhim transportin alternativ dhe të kujdesemi për mjedisin tonë!

REDAKTUAR nga:

“KORÇA BOOM”

Shëngjergj -Nj.Ad.Pojan.

OSHEE kabinë të re elektrike, duke zgjidhur përfundimisht tensionon për komunitetin e këtij

fshati.

REDAKTUAR nga:

“KORÇA BOOM”

Ecje në natyrë

Sektori i Turizmit në Bashkinë Devoll, në bashkëpunim me ADZM Korçë, organizoi ditën e sotme guidë në një nga shtigjet më të bukura që i ka falur natyra zonës së Devollit.

Për më tepër se 6 orë, të apasionuarit pas hiking, përshkuan 16 km në shtegu “Guri i Cjapit – Grapsh”, me një lartësi që arrinte deri në 1600 m.

Gjatë guidës, i gjithë grupi pati mundësinë të shijonte bukuritë natyrore, ajrin e pastër mes gjelbërimit, dy monumentet e natyrës që ishin pjesë e këtij shtegu, Gurin e Cjapit dhe Ahishten e Shën Kostandinit në Bradvicë.

Një nga prioritetet e Bashkisë Devoll dhe Sektorit të Turizmit është zhvillimi i sportit të hiking duke i tërhequr të apasionuarit pas tij dhe për të vizituar shtigje të paeksploruara më parë.

REDAKTUAR nga:

“KORÇA BOOM”

Vinçan

Ka nisur puna për përforcimin e argjinaturës së përroit në fshatin Vinçan, Njësia Administrative Voskop.

Një investim ky, që zgjidh rrezikun e gërryerjes në shtratin e lumit si dhe shmang përmbytjen e tokave.

REDAKTUAR nga:

“KORÇA BOOM”

Në ambientet e Prefekturës u mblodh Tryeza Teknike Antitrafik në kuadër të Planit Kombëtar të Veprimit për Luftën kundër Trafikimit të Personave 2024-2025 (miratuar me VKM nr. 458, datë 10.07.2024).

Në takim u diskutuan disa nga aktivitetet sensibilizuese dhe ndërgjegjësuese që mund të zhvillohen nga institucionet shtetërore dhe organizatat partnere, përgjatë muajit Tetor, tashmë i nominuar si “Muaji i Luftës kundër Trafikimit të Personave”.

Aktivitetet do të alternohen me njëra-tjetrën në një kalendar të përbashkët, i cili do të miratohet nga Drejtoria e Politikave të Antitrafikut dhe Migracionit në Ministrinë e Brendshme.

REDAKTUAR nga:

“KORÇA BOOM”

Super energjia e fëmijëve që argëtohen dhe mësojnë çdo ditë tek Qyteza e Fëmijëve në Korçë.

REDAKTUAR nga:

“KORÇA BOOM”

Sot bashkohu me skuadrën e AdZM Korçë për një aventurë të paharrueshme në shtegun natyror “Guri i Cjapit-Grapsh”! Ky ekskursion ofron një mundësi të shkëlqyer për të eksploruar bukuritë e natyrës dhe për t’u lidhur me ambientin përreth.

Gjatë rrugëtimit, do të takoni dy monumente natyrore mbresëlënëse: “Guri i Cjapit”, një formacion shkëmbor që ndan legjenda dhe histori, dhe “Ahishtja e Bradvicës”, e njohur për biodiversitetin e saj të pasur dhe peisazhet magjepsëse.

Ky është një rast i shkëlqyer për të mësuar, për të fotografuar dhe për të kaluar kohë me miqtë e rinj. Mos e humbisni këtë mundësi për t’u aventuruar në natyrë dhe për të përjetuar emocionet që ajo ofron!

REDAKTUAR nga:

“KORÇA BOOM”

Bashkia Pogradec së bashku me Bashkinë e Strugës në Maqedoninë e Veriut morën pjesë për herë të parë në panairin International French Travel & Market-IFTM 2024 në kuadër të projektit ndërkufitar “COOULTURE, Struga dhe Pogradeci për promovimin e turizmit dhe trashëgimisë kulturore” financim i Bashkimit Evropian, i cili u zhvillua nga data 17-19 shtator në Paris.

Ky panair është ngjarja kryesore për industrinë e udhëtimit, duke bërë bashkë mbi 30 mijë profesionistë të turizmit nga e gjithë bota. Gjatë tre ditëve u zhvilluan 90 konferenca, u prezantuan 140 marka, si dhe u promovuan mbi 170 destinacionet turistike botërore.

Bashkia Pogradec dhe Bashkia e Strugës bënë një promovim të përbashkët të projektit si dhe të produkteve turistike në bashkëpunim me turoperatorët e dy qyteteve.

REDAKTUAR nga:

“KORÇA BOOM”