Në Kishën e “Shën Gjergjit” në vitin 1914 dhe më konkretisht më datën 28 shtator është mbajtur mesha e parë në gjuhën shqipe. Ishte një vit i vështirë, por besimtarët ortodoksë me besimin tek Zoti, për të përballuar gjithçka po e përjetonin.

Sa i dëshiruar është pikërisht fakti që të mbahej një meshë në këtë kishë e cila sot nuk është më.

Gjithsesi, besimi në Zot mund të mbahet edhe në atë vend.

REDAKTUAR nga:

“KORÇA BOOM”

Një ekip me më shumë figura se ai i viteve ’88-të nuk mund të gjesh tek korçarët. Janë të gjithë bashkë, lojtarë me përvojë, por edhe të rinj si edhe dy trajnerët si Piro Prifti dhe Petrika Suxho të cilët ishin më parë lojarët më të mirë të rrjetës korçare.

Kanë qenë vitet kur Skënderbeu, Dinamo, Vllaznia, Tirana ishin në një rivalitet për titullin kampion.

Ja përbërja e ekipit: P. Prifti(Tr), R. Qirici, T. Balli, P. Kapedani, J. Melka, A. Shaho, R. Bimbli, (Tr) P. Suxho

Poshtë: A. Prifti, R. Damo, F. Shkëmbi, O. Xhamballo.

REDAKTUAR nga:

“KORÇA BOOM”

Muzeu Arkeologjik Korçë aktivitet me gjimnazin ‘Themistokli Gërmenji” për Ditët Europiane të Trashëgimisë Kulturore.

Në kuader të Ditëve Europiane të Trashëgimisë Kulturore, Muzeu Arkeologjik Korçë, në bashkëpunim me gjimnazin ‘Themistokli Germenji”, Korçë, zhvilluan një vizitë njohëse në muze.

Pas vizitës, një grup nxënësish nga ky gjimnaz punuan një hartë të Trashëgimisë Kulturore të Qarkut Korçë me monumentet kryesore.

REDAKTUAR nga:

“KORÇA BOOM”

Shoqëria sportive nuk njeh kufi, moshë, apo ekip. Kështu ka ndodhur me këta tre mjeshtër të atletikës sonë. Bëhet fjalë për Lorenc Ndocin, kampion dhe rekordmen në garat e gjysmë thellësive, kampion në ski, një sportist model që la emrin e tij në historinë e atletikës sonë.

Në mes është Kostika Fani, ai që u nda nga jeta para disa muajsh, një ish-kampion në 800m dhe në krah të tij rekordmeni dhe kampioni në 400m dhe 800m Mehmet Bozgo, i cili ishte sportist me Tiranën (ish-17 Nentorin) e asaj kohe.

Pas shumë vjetësh ata kanë qenë bashkë, duke treguar se ishin konkurrentë në garë dhe miq në jetë.

REDAKTUAR nga:

“KORÇA BOOM”

Korça është një qytet që shumë pak ose asapk nuk ka ndryshime thelbësore, në të paktën këto 50 vitet e fundit.

Kështu në foton e mëposhtme të fiksuar në vitin 1970 me atë që mund të shikosh sot në pedonalen e qytetit, është pothujase e njëjta strukturë ndërtimore, po ato godina me ndonjë ndërhyrje të vogël në fasada.

Korça ruan kështu traditën e vet ndërtimore dhe kjo foto tregon dhe vërteton gjithçka.

REDAKTUAR nga:

“KORÇA BOOM”

Historia shkruhet edhe nëpërmjet fotove. Dëgjojmë shpesh që tifozët korçarë kanë qenë të shumtë në stadiumin “Skënderbeu”.

Kjo është e dukshme në këtë foto. Dikur të rinj, këta tifozë mbushnin shkallët e stadiumit. Ka nga ata që edhe sot janë përsëri në këtë stadium, duke shprehur dashurinë për futbollin dhe për këtë ekip. Eshtë një foto e vitit 1980.

REDAKTUAR nga:

“KORÇA BOOM”

Hërë pas herë ju sjellim historinë sportive të Skënderbeut, si çdo ekip ka pasur uljet dhe ngritjet e veta, por brezi më i artë i para viteve 90-të ka qënë ky ekip që shikoni në foto.

Një foto e fiksur në një ndeshje për kupën Ballkanike të luajtur me ekipin e Arisit të Selanikut. Janë ata futbollistë që edhe sot ne i cilësojmë si krenaria e futbollit korçar , natyrisht pa mohuar edhe brezat e kaluar të para këtij ekipi.

Nga ky ekip shumë prej atyre futbollistëve i kemi sot mes nesh si një histori e gjallë e asaj periudhe të lavdishme.

REDAKTUAR nga:

 “KORÇA BOOM”

“Hë more, të thashë që nuk është vendi yt këtu?

Përgjigju vetë tani…

Apo sta ka ënda kritikën?!”

Meqë jemi te Cirku dhe te prishja e tij, kthehemi në kohë me nostalgji, te treni që i drejtohej fshatit ku edhe do të ngrihej skena dhe çadra e madhe për të argëtuar kooperativën dikur…

“Cirku në fshat”, një film gazmor ku Arben Shaka ka luajtur rolin kryesor fantastik, pa i hequr meritat gjelit Kopi, natyrisht!

REDAKTUAR nga:

“KORÇA BOOM”

Sot në përvjetorin e “Batalionit 6 Deshmorët”.

Sot në Festën e Rëmbecit!

Lavdi Dëshmorëve të Atdheut dhe Gëzuar!

REDAKTUAR nga:

“KORÇA BOOM”

Duke shëtitur në rrugicat e qeta të Korçës, mund të hasni një nga burimet më të veçanta të qytetit – Çezmën e Amzës.

Me një histori që daton prej shekujsh, kjo çezmë është një simbol i freskisë dhe mikpritjes tradicionale.

E vendosur mes rrugëve të kalldrëmta, ajo mbetet një vend i dashur për banorët e qytetit dhe një pikë ndalimi e preferuar për vizitorët.

REDAKTUAR nga:

“KORÇA BOOM”