Aktualitet

Ndërroi jetë sot në moshën 44-vjeçare/ Kush ishte Gerti Bogdani babai i Ajrës dhe Reinartit

KUSH ISHTË GERTI BOGDANI

Gerti Bogdani, ka lindur dhe është rritur në Tiranë. Ai vjen nga dy familje autoktone tiranase Bogdani dhe Bërxolli. Pasi mbaroi shkollën e mesme “Harry Fultz”, me rezultate të shkëlqyera dhe ‘Medalje Ari’, Gerti Bogdani vijoi studimet e larta në Universitetin Politeknik të New York-ut në Shtetet e Bashkuara të Amerikës, ku u diplomua me ‘Nderimet më të Larta’ (Summa Cum Laude), duke u shpallur edhe fitues i Outstanding Graduate Award – ‘Medalje Ari’ në degën e Shkencave Kompjuterike. Pas rikthimit në Shqipëri, e nisi karrierën e tij profesionale në fushën akademike si Pedagog në Universitetin e New Yorkut –Tiranë.

Gjatë viteve të studimeve, si përfaqësues i shkollës “Harry Fultz”, Bogdani ka qenë pjesëmarrës dhe fitues i një sërë turnamentesh rajonale dhe kombëtare të programit të debatit, e të aktiviteteve të tjera në rang kombëtar, si edhe pjesë e ekipit fitues të disa trofeve e kampionateve të basketbollit mes shkollave të mesme të Tiranës. Ai është angazhuar në Këshillin Rinor Shqiptar në një sërë aktivitetesh si edhe për krijimin e Rrjetit të Qeverive të Nxënësve – sot, Parlamenti Rinor, dhe është gjithashtu një nga themeluesit e Rrjetit të Studentëve Shqiptarë në Botë, me aktivitet dhe qëllim kryesor rikthimin në Shqipëri të studentëve të diplomuar jashtë vendit.

Në vitin 2005, pranon ftesën për t’u angazhuar në politikë shtyrë nga thirrja e brendshme qytetare për të kontribuar për vendin. Në vitin 2007 fillon detyrën si Sekretar i Marrëdhënieve me Jashtë i PD, të cilën e kryen me sukses deri në vitin 2019, duke zgjeruar ndjeshëm rrjetin ndërkombëtar në mbështetje, jo vetëm të Partisë Demokratike, por sidomos të Shqipërisë – që nga Kongresi e Senati Amerikan, Parlamenti Europian e Bundestagu Gjerman, veçanërisht në raste të votimeve të rëndësishme për Shqipërinë dhe Kosovën.

Në këtë detyrë ai ka arritur me sukses të mbështesë anëtarësimin e PD në Bashkimin Ndërkombëtar Demokrat – IDU, aplikimin e LDK-së për anëtarësimin në Partitë Popullore Europiane – EPP, si dhe ka kontribuar në anëtarësimin me të drejtë vote të Partisë Demokratike në EPP. Në vitin 2007 kandidon në Zgjedhjet Vendore, duke qenë i pari kandidat nga e djathta që bëhet kryetar i Minibashkisë nr. 10 në Tiranë dhe Kryebashkiaku më i ri i zgjedhur ndonjëherë, duke bërë për vete komunitetin dhe duke marrë mbështetjen e elektoratit të njësisë përtej ndryshimeve politike majtas apo djathtas.

Në vitin 2009, Gerti Bogdani, kandidon në Zgjedhjet Parlamentare të 28 qershorit 2009 dhe zgjidhet deputeti më i ri në Kuvendin e Shqipërisë. Gjatë dy legjislaturave parlamentare 2009 – 2013 dhe 2013 – 2017 kontribuoi në nisma ligjore me impakt për arsimin, mbështetjen sociale dhe të rinjtë. Gjatë dy mandateve parlamentare shërbeu në komisionin e Integrimit Europian & në komisionin e Medias, si dhe i përkushtohet problematikave të komunitetit autokton tiranas. Në 2009 Bogdani mori edhe detyrën e kryetarit të FRPD.

Pas 2 viteve në pozicionin e Zv.Presidentit, në vitin 2014 zgjidhet President i IYDU – Bashkimi Rinor Ndërkombëtar Demokrat, në Asamblenë në Lisbonë & ushtron këtë detyrë 2014 – 2016, duke u bërë politikani i parë shqiptar që zgjidhet në një pozicion kaq të lartë drejtues në një organizatë ndërkombëtare. Pas vitesh angazhimi aktiv në strukturat drejtuese, në zgjedhjet e 2019, bëhet anëtari më i votuar në Kryesinë e Partisë Demokratike, me mbi 70% të votave. Gerti është i martuar me aktivisten Edlira Çepani dhe është babai i Ajrës dhe Reinartit.

REDAKTUAR nga:

“KORÇA BOOM”

Post Views: 261

Aktualitet

Tërmet 3.1 ballë para pak momentesh në Shqipëri/ Ja epiqendra!

Një tërmet është regjistruar pas momente më parë pranë Elbasanit dhe më konkretisht në orën 22:49.

EMSC shkruan se tërmeti ka qenë me magnitudë 3.1 ballë të shkallës rihter dhe epiqendra e saj ka qenë në Polic i Vogël pranë Fushë Labinotit në Elbasan, ndërsa thellësia e saj ka qenë 6.2 km.

Tërmeti është ndjerë nga banorët e Elbasanit, duke u përhapur panik.

Të shohim nëse do të ketë paslëkundje të mëtejshme.

REDAKTUAR nga:

“KORÇA BOOM”

Post Views: 106

Aktualitet

Korça Alpin ekspeditë studimore në Liqenin Akullnajor të Gramozit!

Sapo u kthyen nga ekspedita studimore e Liqenit Akullnajor të Gramozit, i përzgjedhur si pjesë e projektit kërkimor ‘Burimet ujore në rajonin e Korçës: vlerat mjedisore, turistike dhe shëndetësore”.

Universiteti Fan S. Noli” Korçë- UNIKO

Agjencia Kombëtare e Kërkimit Shkenvor dhe Inovacionit

Korça Alpin

Ekipi i pedagogëve dhe studentëve u nda në dy grupe pune; një realizoi takimin me komunitetin dhe specialistët për të cilët gjejmë rasti ti falenderojmë për mbështetjen e pa kursyer! Kurse grupi tjetër shkoi tek liqeni akullnajor i Gramozit, për të marr kampionet e ujit, për të vlerësuar vlerat mjedisore dhe ato turistike! Për këtë të fundit pamjet flasin vetë !

Faleminderit të gjithëve!

REDAKTUAR nga:

“KORÇA BOOM”

Post Views: 62

Aktualitet

Lamtumirë Diana Kapo! Të qoftë dheu i lehtë!

Me hidhërim të thellë, në emër të kryetarit të bashkisë Devoll, Z. Eduard Duro dhe gjithë institucionit, i shprehim ngushëllimet më të sinqerta familjes, të afërmve, miqve të Znj. Diana Kapo.

Prej shumë vitesh, Diana punoi në bashkinë Devoll, ku ishte përgjegjëse në Sektorin e Arsimit, ndërsa doli në pension dy vite më parë. Për kolegët do të mbetet njeriu me shpirtin e pastër, me kontribut të madh në këtë bashki, duke ndihmuar mijëra qytetarë me përgjegjshmëri dhe seriozitet në punën e saj.

Fjalët në këtë ditë të trishtë janë të pakta! U prehsh në paqe Diana! Do mbetesh e paharruar për të gjithë që patën fatin të punonin me ju!

REDAKTUAR nga:

“KORÇA BOOM”

Post Views: 137

Aktualitet

Bashkia Maliq fillon nga zbatimi për vitin e 5 radhë të projektit “Rehabilitim i banesave për komunitete në nevojë”

Bashkia Maliq fillon nga zbatimi për vitin e 5 radhë të projektit “Rehabilitim i banesave për komunitete në nevojë”.

Një bashkëfinancim i Ministrise së Ekonomisë, Kulturës dhe Inovacionit, dhe Bashkisë Maliq në raportin 80 : 20 % shumë i domosdoshëm.

49 Familje do të përfitojnë nga ky projekt këtë vit në të gjitha Nj. Ad për kategori të pa favorizuara si Rome/Egjiptianë, të moshuar, familje që kanë në përbërje persona që trajtohen me PAK, NE e familje me të ardhura shumë të ulëta.

Do të synojmë edhe për vitin që vjen , ndaj: Aplikoni edhe Ju pranë Zyrës së Strehimit në Bashkinë Maliq, me qëllim, shpalljen fitues e përfitues nga projekte të tilla sociale .

Faleminderit Ministrisë të Ekonomisë dhe Inovacionit për mbështetjen.

REDAKTUAR nga:

“KORÇA BOOM”

Post Views: 79

Aktualitet

Bashkia Korçë/ Vijojmë punën për vijëzimet dhe vendosjen e sinjalistikës rrugore

Vijojmë punën për vijëzimet dhe vendosjen e sinjalistikës rrugore.

Punonjësit e Shërbimeve Publike kanë punuar gjatë orëve të natës në disa rrugë të qytetit, për të përfunduar shënjimet e reja të kalimtarëve.

Këto përmirësime janë të domosdoshme për një trafik më të rregullt dhe për t’u dhënë përparësi këmbësorëve.

REDAKTUAR nga:

“KORÇA BOOM”

Post Views: 74

Aktualitet

Monedha europiane në ditët e veta më të errëta

Kjo javë rezultoi në shkallën më të ulët të vlerës të monedhës europiane. Kështu në pikat e këmbimit valuator vlera në këmbim ishte 98.6 lekë dhe në shitje me 99.2 lekë.

Të fituarit më të mëdhenj janë importuesit që po blejnë më lirë dhe qeveria që po ul kostot e borxhit të jashtëm. Ndërkohë edhe ata qytetarë që kanë marrë kredi ne euro.

Rënia e euros ka ndikuar negativisht tek eksportuesit, madje fasonët ndihen në vështirësi.

REDAKTUAR nga:

“KORÇA BOOM”

Post Views: 67

Aktualitet

Mirëmëngjes nga Kanioni i Holtës!

Mirëmëngjes miq dhe fansa te faqes sonë!

Sot është e shtunë, 28 shtator dhe kemi zgjedhur t’ju përshëndesim me një pamje mahnitëse nga Kanionin e Holtës.

Kjo bukuri natyrore është një destinacion që duhet vizituar patjetër. Duke qenë se sot është e shtunë, një ditë pushimi për shumë prej jush, pse të mos planifikoni një udhëtim për ta zbuluar këtë thesar natyror.

Një aventurë në këtë zonë të mrekullueshme do ta bëjë fundjavën tuaj më të veçantë.

“Korça Boom” ju uron një fundjavë të qetë dhe të mbushur me momente të bukura me familjet tuaja.

REDAKTUAR nga:

“KORÇA BOOM”

Post Views: 61

Aktualitet

Nevruz Nazarko i jepet titulli “Qytetar Nderi” i Kolonjës

Nevruz Nazarko i jepet titulli “Qytetar Nderi” i Kolonjës, me motivacionin; “Për kontribut të çmuar në ruajtjen, përcjelljen, forcimin e traditave, kulturës, identitetin e Kolonjës. Për ndërtimin e diasporës kolonjare në nivele dhe standarte të larta”

Faleminderit për gjithçka bëni për Kolonjën në diasporë dhe kolonjarët Nevruz Nazarko!

REDAKTUAR nga:

“KORÇA BOOM”

Post Views: 73

Aktualitet

Dy Ambulanca të Reja për fshatrat Symiz e Novoselë pjesë të Bashkisë Maliq!

Dy Ambulanca të Reja për fshatrat Symiz e Novoselë pjesë të Bashkisë Maliq!

Faleminderime Gjysmëhënës së Kuqe për financimin këtij projekti kaq të rëndësishëm për

shënderin e qytetarëve.

REDAKTUAR nga:

“KORÇA BOOM”

Post Views: 75

Aktualitet

Nevruz Nazarko merr titullin “Qytetar Nderi i Kolonjës”

Nevruz Nazarko është vlerësuar nga Bashkia e Kolonjës me një titull të lartë, kjo për meritat që Nevruz Nazarko ka dhënë për ruajtjen dhe përcjelljen e traditës kolonjare.

Ndërkohë ai ka dhënë një kontribut të madh në ndërtimin e Diasporës kolonjare në nivele dhe standarde të larta në çdo drejtim.

Në ceremoni kanë marrë pjesë personalitete të të gjitha fushave duke nderuar këtë figurë.

REDAKTUAR nga:

“KORÇA BOOM”

Post Views: 78