Gazifikimi / Prefekti Jole takon Ambasadorin e Azerbaxhanit

Ja njoftimi i para pak momentesh i Prefektit të Korçës, Nertli Jole, i cili ka takuar Ambasadorin e Azerbaxhanit, ku ka folur për gazifikimin.

Ja postimi i plotë i Prefektit, Nertil Jole…

Pata kënaqësi të takoj këtë mëngjes Ambasadorin e Azerbajxhanit në Shqipëri, z. Anar Huseynov, me të cilin zhvillova një bisedë miqësore, ku padyshim folëm kryesisht për projektin e ardhshëm të gazifikimit të vendit, si vëmendje e qeverisë dhe kryeministrit Rama për ta inicuar dhe pilotuar këtë projekt strategjik fillimisht në Korçë, duke e shtrirë më pas edhe në qytete të tjera të Shqipërisë.

Ekspertiza e një prej kompanive të ekselencës botërore në fushën e gazit, SOCAR, është garanci që procesi i realizimit të këtij projekti me rëndësi shumë strategjike të jetë i suksesshëm.

Me zotin Huseynov diskutuam edhe për çështje të tjera me interes të përbashkët dhe promovimin e ndërsjelltë të dy vendeve tona.