Mirënjohje dhe festë për 32 vite kontribut nga Dorcas Albania!

Me emocion dhe krenari, shprehim mirënjohjen tonë për Dorcas Albania, e cila ka qenë një dritë shprese për shumë familje që nga viti 1992. Nga ndihma humanitare në periudha të vështira deri te zhvillimi i qëndrueshëm ekonomik, Dorcas Albania ka ndryshuar jetë.

Në veçanti, bashkëpunimi mes Këshillit të Qarkut dhe Dorcas Albania ka sjellë impakt të madh në jetën e të moshuarve dhe fëmijëve në qarkun tonë, përmes qendrave ditore dhe programeve të ndryshme.

Falenderojmë popullin holandez dhe Dorcas International për mbështetjen e tyre të vazhdueshme. Pa përkushtimin dhe pasionin e stafit dhe vullnetarëve, këto arritje nuk do të ishin të mundura.

Le të vazhdojmë këtë rrugëtim së bashku, duke ndërtuar një të ardhme më të mirë për të gjithë!