Projekti i titulluar "STOP VIOLENCE" nga nxënësit e gjimnazit "Themistokli Gërmenji"
- Korca Boom
- Apr 8
- 1 min read
Projekti i titulluar "STOP VIOLENCE", realizuar nga nxënësit e klasës XII F nën drejtimin e mësueses së Anglishtes Eva Çërava, ka si qëllim të sensibilizojë opinionin publik dhe, veçanërisht të rinjtë për t'i thënë stop dhunës të çdo lloji dhe forme të saj.
Në këtë projekt u trajtuan disa forma dhune si: dhuna ndaj gruas, dhuna ndaj fëmijëve, dhuna kibernetike, dhuna në Shqiperi dhe dhuna në familje.
Nxënësit trajtuan çështjet duke u bazuar në raste konkrete dhe histori të vërteta. Trajtuan dhe analizuan rezultatet e pyetësorëve të cilët ishin mjet kryesor në analizën e projektit, duke përdorur grafikë të llojeve të ndryshme.
Ky projekt është produkt i një bashkëpunimi të frutshëm me Shërbimin psikosocial të shkollës, Zyrës së mbrojtjes të femijeve, Bashkia Korçë, Zyrës së mbrojtjes të viktimave të dhunës në familje, Shërbimi i shëndetit mendor dhe Policia Korçë.
Nxënësit përgatitën si formë denoncimi website si edhe video sensibilizuese. Ky projekt u finalizua me një thirrje të fuqishme nëpërmjet programit televiziv "Pak nga të gjitha" në RTSh Korca.
“KORÇA BOOM”
