Ekspozita imersive “Ikonografia Shqiptare – Mjeshtrat e Mëdhenj”, e cila u shfaq për herë të parë për publikun tek Galeria e Arteve Digjitale në Korçë është kandidate dhe përfaqëson Shqipërinë në Festivalin Evropian të Trashëgimisë Kulturore “Heritage in Motion”.

Është hera e parë që Shqipëria kandidon me një produkt të tillë artistik të arteve të reja, në kategorinë “New Digital Experiences”.

“Ikonografia Shqiptare – Mjeshtrat e Mëdhenj”, e bazuar në fondin e jashtëzakonshëm të Muzeut të Artit Mesjetar në Korçë, është një ekspozitë digjitale që sjell në jetë kryeveprat e emrave të njohur si Onufri, David Selenica, Konstandin Shpataraku, etj., duke shfaqur punën e tyre të jashtëzakonshme që karakterizon artin fetar mesjetar, bizantin dhe post-bizantin shqiptar.

REDAKTUAR nga:

“KORÇA BOOM”

Kryetari i Bashkisë Korinth, Greqi z.Nikolao Stavrelisnë vizitë në Bashkinë Maliq.

Në fokus të takimit bashkëpunimi midis dy institucioneve tona në fushën e kulturës, sportit,

turizmit e trashëgimisë kulturore.

REDAKTUAR nga:

“KORÇA BOOM”

– Biblioteka Publike”Mitrush Kuteli” –

Vogëlushët e kopshtit “Tomka Laçka” së bashku me mësueset Monika dhe Mira vizituan ambientet e bibliotekës.

Dëgjuan me vëmendje përrallën “Derrkuci që bëri dush” nga autori Tasim Gjokutaj si dhe zhvilluam nje bisedë rreth këtij libri.

Faleminderit vogëlushëve për këtë ditë të bukur!

REDAKTUAR nga:

“KORÇA BOOM”

Ditën e sotme vendi ynë do të ndikohet nga kushte të qëndrueshme atmosferike, për shkak të depërtimit të masave ajrore të thata dhe më të ngrohta me origjinë jugore.

Moti parashikohet i kthjellët në pjesën më të madhe të territorit për pjesën më të madhe të ditës, përjashtuar vranësirat kalimtare në orët e mesditës, të cilat në relievet e larta malore do të shoqërohen me reshje shiu të izoluara.

Era parashikohet të jetë nga kuadrati i jugut me shpejtësi mesatare deri në 7 m/sek, e cila hera-herës përgjatë vijës bregdetare pritet të fitoi shpejtësi deri në 12 m/sek.

Temperaturat parashikohen:
në zonat malore 10 deri 27°C
në zonat e ulëta 11 deri 30°C
në zonat bregdetare 14 deri 29°C

REDAKTUAR nga:

“KORÇA BOOM”

I urojmë Mitropolitit të Korçës, Hirësi Imzot Joanit Pelushi në ditën e emrit të tij, në kujtim të Jetëndërrimit të Apostullit dhe Ungjillorit Joan, vite të shumta dhe të bekuara.

Zoti ta fuqizojë në veprën e tij baritore dhe qoftë gjithmonë një kryeprift i denjë dhe shembull për grigjën e zgjedhur të Mitropolisë së Korçës. Për shumë vjet o Kryezot!

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!

Sot është e enjte, 26 shtator 2024 dhe kemi zgjedhur të ndajmë me ju një pamje të bukur të kishës së Shën Ilias.

Kjo kishë, me historinë dhe arkitekturën e saj të veçantë, përfaqëson një pjesë të rëndësishme të trashëgimisë sonë kulturore.

Në këtë ditë, le të lutemi për bekime nga Zoti për të gjithë ju. Urojmë që çdo moment i ditës suaj të jetë i mbushur me lumturi dhe energji pozitive.

Ju dëshirojmë një ditë sa më të mbarë dhe të bukur!

Me dashuri, ekipi i “Korça Boom”!

REDAKTUAR nga:

“KORÇA BOOM”

Lagjja 15

Vijon puna për shtrimin e trotuareve me pllaka dhe vendosjen e bordurave.

Aktualisht po punohet në Lagjen 15, Rruga “10 Korriku”.

Në çdo skaj të Korçës punojmë për t’u siguruar banorëve kushte bashkëkohore.

REDAKTUAR nga:

“KORÇA BOOM”

Vijon puna pranë Kabineteve Dentare të Shërbimit Stomatologjik pranë NJVKSH Korçë dhe prane Kabineteve Dentare të pozicionuara në shkollat 9- vjeçare:

“Stavri Themeli”, “Sotir Gura” dhe në shkollën e mesme te bashkuar “ Bardhyl Pojani”.

Fëmijët e moshës 0-18 vjeç mund të marrin shërbimin e nevojshëm pranë këtyre kabineteve dentare nga e hëna deri ditën e premte.

REDAKTUAR nga:

“KORÇA BOOM”

Në Javën Europiane të Trashëgimisë Kulturore, Muzeu i Artit Mesjetar në Korçë mirëpriti nxënësit e klasës së parë të Shkollës “Demokracia”, të cilët u njohën me thesaret që mban ky muze dhe organizuan aktivitetin “Ngjyrosim së bashku”.

Shumë aktivitete të bukura ju presin përgjatë gjithë kësaj jave në Muzeun e Artit Mesjetar.

REDAKTUAR nga:

“KORÇA BOOM”

Duke filluar nga viti i ardhshëm, çmimet e sigurimit të detyrueshëm të mjeteve nuk do të jenë të njëjta për të gjithë. Tarifat e reja do të jenë të diferencuara, bazuar në një listë faktorësh që ndikojnë në rrezikun për të shkaktuar dëme nga drejtuesit e mjeteve.

Bordi i Autoritetit të Mbikëqyrjes Financiare (AMF) ka miratuar këtë muaj rregulloren “Për përcaktimin e faktorëve të riskut që përfshihen në përllogaritjen e primit për produktet e sigurimit të detyrueshëm në sektorin e transportit”.

Në përllogaritjen e primit të sigurimit, kompanitë duhet të zbatojnë disa faktorë kryesorë risku, si historiku i dëmeve, përfshirë edhe rastet kur shkaktari i aksidentit nuk është i shënuar në policën e sigurimit; fuqia motorike e mjetit; mosha e të siguruarit; eksperienca në drejtimin e mjetit motorik; përdorimi i mjetit nga një subjekt apo nga një individ; qarku i regjistrimit të mjetit; vjetërsia e mjetit.

Përveç faktorëve të mësipërm, rregullorja parashikon që shoqëritë e sigurimit mund të zbatojnë edhe faktorë të tjerë risku, të përcaktuara prej tyre.

Këta faktorë risku do të përdoren në përllogaritjen e primit të sigurimit për kategorinë e autoveturave, në produktin e sigurimit të detyrueshëm motorik për përgjegjësitë e brendshme ndaj palëve të treta (MTPL e brendshme), por jo për produktet e sigurimit kufitar dhe të kartonit jeshil.

Shoqëritë e sigurimit do t’i përcaktojnë vetë tarifat e primit të sigurimit, sipas metodologjisë së përcaktuar, por janë të detyruara të njoftojnë AMF-në të paktën 30 ditë kalendarike përpara aplikimit të tarifave të reja të primit.

Së bashku me njoftimin për aplikimin e tarifave të reja të primit, shoqëritë e sigurimit duhet të depozitojnë pranë Autoritetit bazën teknike të të dhënave, faktorët e riskut dhe vlerësimet aktuariale të përdorura për llogaritjen e primeve të sigurimit, të shoqëruara me opinionin e aktuarit të autorizuar të shoqërisë, të paraqitur në formën e një raporti me shkrim.

Autoriteti, në funksion të mbikëqyrjes së veprimtarisë së shoqërisë së sigurimit, mund të urdhërojë rishikimin e tarifave të reja të primeve, nëse konstaton se baza e të dhënave për hartimin e tabelave të primit të sigurimit nuk është e saktë, ose shoqëria e sigurimit nuk ka vepruar në përputhje me parimet aktuariale dhe metodologjinë e përdorur për përfshirjen e faktorëve të riskut të përcaktuar me këtë rregullore.

Shoqëritë e sigurimit nuk mund të aplikojnë tarifa të primit të sigurimit të ndryshme nga ato të raportuara në Autoritet dhe nuk mund t’i ndryshojnë tarifat e primit të sigurimit të detyrueshëm më shumë se dy herë brenda një viti kalendarik.

Shoqëritë e sigurimit duhet të publikojnë në faqen zyrtare të internetit, gjatë gjithë periudhës së zbatimit, koeficientët e faktorëve të riskut, shoqëruar me raste të zbatimit të tyre në praktikë, si dhe primet e sigurimit të detyrueshëm në sektorin e transportit.

Shoqëritë e sigurimit gjithashtu duhet të mbajnë të afishuara në çdo pikë shitjeje tabelat me primet e sigurimit, të miratuara gjatë periudhës së zbatimit të tyre. Rregullorja e re do të hyjë në fuqi në 1 janar 2025.

REDAKTUAR nga:

“KORÇA BOOM”