Këngëtarja e shquar greke Marinella ka humbur ndjenjat kur po interpretonte në skenë gjatë një koncerti në sallën e teatrit Irodio.

Gjatë këngës së tretë të saj ajo ka pësuar marrje mendsh dhe ka humbur ndjenjat. Menjëherë ajo është dërguar në spitalin Hygeia, ku po i nënshtrohet analizave, ndërsa sipas informacioneve fotoja e parë klinike që mjekët kanë shfaqur është një goditje celebrale.

Në videon tronditëse që po qarkullon në rrjetet sociale, shihet Marinella duke kënduar këngët “Fjalët janë të panevojshme” dhe ngadalë humbet ekuilibrin dhe shembet në skenë.

Marinella, emri i së cilës është Kyriaki Papadopoulou ka lindur në maj të vitit 1938 dhe ka një vend të vecantë në disa zhanre të muzikës greke. Ajo këndon profesionalisht që nga viti 1956, pra për gati 68 vjet. Ka nxjerrë me dhjetëra albume personale, shumica e të cilëve kanë pasur sukses komercial.

REDAKTUAR nga:

“KORÇA BOOM”

Një ngjarje jo normale ka ndodhur në Luiziana të SHBA-ve ku një vajzë 10-vjeçare, teksa ecte në gjumë, përfundoi në një pyll.

E mitura u shpall e zhdukur mbrëmjen e 14 shtatorit, e cila ecte në mënyrë të pandërgjegjshme në gjumë drejt një pylli afër banesës së saj.

E mitura u gjet falë forcave policore, rreth 2 km larg shtëpisë së saj. Fatmirësisht vajza nuk kishte marrë asnjë lëndim dhe gëzonte shëndet të plotë.

REDAKTUAR nga:

“KORÇA BOOM”

Këngëtari dhe regjisori i njohur turk Metin Arolat, u nda nga jeta të shtunën me  21 shtator gjatë një shfaqjeje live në Kozjatagi në Stamboll.

Artisti 52-vjeçar u rrëzua në skenë gjatë performancës, me miqtë që dyshonin se shëndeti i tij ishte i rrezikuar nga një dietë e rreptë, sipas raporteve të mediave lokale.

Pavarësisht se përjetoi dhimbje dhe mpirje në dorë, Arolat vazhdoi me performancën, por pësoi një atak në zemër në skenë.

Një infermier që ndodhej në lokal nxitoi në ndihmë të tij dhe thirri 911. Pavarësisht përpjekjeve të mjekëve, Arolat vdiq rrugës për në spital.

Këngëtarja Demet Sagiroglu, mikeshë e ngushtë e Arolat, ka folur për mediat jashtë spitalit, duke lënë të kuptohet se shëndeti i tij mund të jetë ndikuar nga dieta e tij.

“Ai ishte shumë i afërt me mua, si një vëlla. Ishte në dietë… nuk besoj se ia duronte zemra. Ajo u përkeqësua pasi ai doli në skenë,” – tha ajo.

Metin Arolat fitoi popullaritet në vitet 1990 si këngëtar. Përveç karrierës së tij në këngë, Arolat ishte i njohur për regjinë e videoklipeve për artistë të shumtë turq.

REDAKTUAR nga:

“KORÇA BOOM”

Një sherr masiv ka ndodhur mbrëmjen e djeshme në Greqi, ku kanë mbetur të plagosur edhe dy nënkryetarë bashkie.

Sipas mediave helene ngjarja ndodhi gjatë një festivali në sheshin Grigoriou Lambrakis, në Korydallos.

Mes të plagosurve është edhe nënkryetari i Bashkisë Korydallos, Charalambos Tsirakdis, i cili u sulmua gjatë përleshjes së ashpër teksa po i afrohej vendit të ngjarjes për të qetësuar situatën.

“Nuk e kam idenë se si dhe pse filloi sherri. Unë isha ulur në anën e kundërt dhe shkova të shikoja se çfarë po ndodhte.

Ne ishim bashkë me persona të tjerë nga komuna dhe pamë që diçka po ndodhte dhe shkuam t’i ndajmë.

Sapo na panë që po afroheshim, mua dhe nënkryetart tjetër, filluan të na gjuanin me tavolina e karrige.

Nuk mbaj mend as sa njerëz ishin”, tregon Tsirakis, i shtruar në spital me lëndime në krahun e majtë dhe në shpinë.

Në Spitalin e Atikës u transferua edhe nënkryetari i dytë i Koridallos, i cili e ka pësuar dëmtime në kokë.

REDAKTUAR nga:

“KORÇA BOOM”

Ylli portugez i futbollit, Cristiano Ronaldo do të paraqitet në një monedhë të re euro. Kjo monedhë, me vlerë 7 euro, do të mbajë portretin e Ronaldos, një nderim për numrin legjendar 7, të cilin ai e ka mbajtur gjatë karrierës së tij.

Ky emetim special përfshin detaje unike që përfaqësojnë arritjet e tij në futboll dhe kontributin e tij në sport. Monedha do të jetë një objekt koleksionues për tifozët dhe admiruesit e Ronaldos anembanë botës, duke përjetësuar trashëgiminë e tij si një nga futbollistët më të mëdhenj të të gjitha kohërave.

REDAKTUAR nga:

“KORÇA BOOM”

Një tjetër tentativë për antentat për Trump ka ndodhur ditën e dielë paradite. E gjitha ka ndodhur kur Donald Trump po luante Golf, një person në afësi prej 500 m po bëhej gati ta qëllonte. Personit i janë kapur dy çanta dhe një pushkë, në momentin që është diktuar.

Personi quhet Ryan Routh dhe është 58 vjeç. Ai njihet si një person kundër Trumpit ku në rjetet socile është shumë i ashpër. Nga FBI dhe CIA njihet si një person përkarhës i Ukrainës në luftën kundër Rusisë.

Personi ishte i armatosur me një pushkë të prodhimit sovjetik, ai është qëlluar nga forcat specile, më pas është larguar për është kapur shumë pranë vendit ku ndodhej në tentativë për tu larguar.

REDAKTUAR nga:

“KORÇA BOOM”

Një aksident rrugor ka ndodhur në ishullin grek të Santorinit, ku viktima është një 29-vjeçar me origjinë shqiptare.

Sipas informacioneve të para, ngjarja ka ndodhur kur motori që drejtohej nga 29-vjeçari ka dalë nga rruga, është përmbysur në rrugë dhe më pas është përplasur kokë më kokë me një mjet që kalonte.

Automjeti drejtohej nga një 27-vjeçare, e cila nuk ka pësuar lëndime.

Përplasja e rëndë shkaktoi plagosjen me pasojë vdekje të drejtuesit të motoçikletës, i cili u transportua me autoambulancën e EKAV në Spitalin e Përgjithshëm Thira, ku u konstatua vdekja.

Policia rrugore po heton rrethanat në të cilat ka ndodhur aksidenti.

REDAKTUAR nga:

“KORÇA BOOM”

Përmbytjet shkatërruese në Evropën Lindore kanë shkaktuar dëme të mëdha, me rajonet më të prekura që përballen me kushte të rënda. Stuhia e quajtur “Boris” ka sjellë shira të rrëmbyeshëm dhe erëra të fuqishme, duke lënë mijëra familje pa energji elektrike dhe fatkeqësisht duke shkaktuar humbje jete.

Në Poloni, mijëra banorë janë evakuuar për shkak të përmbytjeve të shkaktuara nga dalja e lumenjve, ndërkohë që qeveria ka vendosur të shpallë gjendjen e fatkeqësisë natyrore. Banorëve të zonave jugperëndimore të vendit u është kërkuar të largohen nga shtëpitë e tyre për të shmangur rrezikun.

Situata është e rënduar edhe në Rumani, ku mbi 700 banesa janë përmbytur, ndërsa autoritetet po punojnë me zjarrfikësit dhe ekipet e emergjencave për të menaxhuar krizën. Ndërkohë, në Çeki, rreth 80% e qytetit të Krnovit është përmbytur, me mijëra banorë të evakuuar dhe operacionet e shpëtimit.

REDAKTUAR nga:

“KORÇA BOOM”

Vala e ftohtë e Atlantikut ka filluar të ndjejë ndikimin e saj mbi Evropë, dhe tashmë është duke u përhapur drejt lindjes. Në Slloveni, reshjet e para të dëborës janë shfaqur në Kredarica, një nga zonat më të larta të vendit. Ky fenomen ka qenë i pritur, dhe në disa vende është vërejtur bora e parë, duke sinjalizuar fillimin e sezonit të dimrit.

Stuhia e ftohtë ka shkaktuar probleme kryesisht në bregdetin slloven, ku era e fortë dhe reshjet e mëdha kanë ndikuar në trafikun dhe aktivitetet e përditshme. Megjithatë, sipas njoftimeve nga Agjencia Sllovene e Mjedisit (Arso), skenarët më të këqij që ishin parashikuar nuk janë realizuar. Kjo do të thotë se ndonëse situata është e vështirë në disa zona, nuk ka pasur ndodhi të rënda që do të shkaktonin shqetësime të mëdha për qytetarët.

Edhe pse reshjet vazhdojnë të bien dhe bora e parë ka mbuluar disa zona, autoritetet lokale dhe ekipet emergjente janë në gatishmëri për të përballuar çdo sfidë të mundshme. Për momentin, nuk priten probleme të mëdha që mund të dëmtojnë infrastrukturën apo të ndikojnë ndjeshëm në jetën e përditshme të qytetarëve.

Në përgjithësi, edhe pse kushtet e motit janë të ftohta dhe dimri ka nisur të bëhet i ndjeshëm, situata duket të jetë nën kontroll dhe nuk pritet që të shkaktojë pasoja të rëndësishme. Qytetarët e Sllovenisë janë inkurajuar të jenë të kujdesshëm dhe të ndjekin udhëzimet e autoriteteve për të siguruar sigurinë e tyre dhe të komunitetit.

REDAKTUAR nga:

“KORÇA BOOM”

Një ngjarje e rëndë ka ndodhur në Itali, ku një shqiptar ka goditur me thikë nusen e djalit.

Mediat italiane shkruajnë se 70-vjeçari Luan Xaxhi, përfshirë në një debat të ashpër me nusen e djalit, ka marrë thikën në kuzhinë dhe e ka goditur disa herë me thikë, duke i shkaktuar lëndime në kokë dhe pjesë të tjera të trupit.

Ishin fqinjët të cilët kanë njoftuar policinë, pasi kanë dëgjuar të bërtiturat e 28-vjeçares.

Sapo kanë mbërritur, efektivët italianë kanë vënë në pranga të moshuarin, të cilit në xhep iu gjet dhe bileta që kishte prerë për t’u kthyer në Shqipëri. Ndërsa bëhet me dije se 28-vjeçarja ndodhet jashtë rrezikut për jetën.