Sot fillon zyrtarisht edhe gara për kategorinë e dytë. Janë dy ekipe të prefekturës së Korçës që marrin pjesë në grupin B. Pikërisht Devolli dhe Maliqi, për të cilët gjejmë rastin t’i urojmë që të jenë sa më të suksesshëm në realizimin e objektivave të tyre që të paktën është thënë se do të jenë madhore.

Ekipi maliqar do të presë edhe një javë për të zbritur në fushë, pasi sipas kalendarit është pushim. Ndërkohë që Devolli do të “vërshojë” drejt Turbinës në një ndeshje transferte në Cërrik. Një takim që pritet me interes për të parë se në çfarë forme dhe mundësish është ekipi i devollinjve, një ekip me investime dhe me një punë mjaft të madhe, të bërë gjatë kësaj periudhe.

Urime dy trajnerëve Trifon Meraku të devollinjve dhe Egli Malësija të maliqarëve.

REDAKTUAR nga:

“KORÇA BOOM”

Këtë të dielë starton kategoria e dytë e futbollit, ndërkohë që kujtojmë që në Grupin B të kësaj kategorie bëjnë pjesë dy skuadrat e Prefekturës së Korçës, Devolli dhe Maliqi.

Qysh në javën e parë, pra të dielën, do të bëjë prezantimin e parë Devolli, ndërkohë që maliqarët në bazë edhe të shortit e kanë pushim dhe startojnë një javë më pas në shtëpi ndaj Luftëtarit.

Në këtë javë të parë Devolli do të luajë në një transfertë të vështirë si ajo e Cërrikut, ndërkohë që trajneri Trifon Meraku është në përgatitjet e fundit për këtë përballje të parë.

Stafi dhe presidenti Spartak Meraku duken se janë optimistë për këtë ndeshje të parë, në mënyrë që ti bëjnë një start dinjitoz kategorisë.

Me shumë afrime në këtë merkato vere objektivat e Devollit janë madhore në këtë sezon, duke synuar padiskutim ngjitjen në kategorinë e parë. Presidenti nuk ka kursyer asgjë për të ngritur një skuadër vërtet dinjitoze, ndërkohë që tashmë e ka radhën fusha e lojës.

Turbina-Devolli të dielën në orën 16:00, mezi pritet në Devoll nga ana e tifozëve, të cilët dëshirojnë shumë që ekipi të mos kthehet pa pikë nga kjo transfertë e parë.

Suksese Devolli!

SHORTI I DEVOLLIT

Java 1: Turbina – Devolli

Java 2: Devolli – Butrinti

Java 3: Delvina – Devolli

Java 4: Devolli – (pushim)

Java 5: Devolli – Orikumi

Java 6: Shkumbini – Devolli

Java 7: Devolli – Tomori

Java 8: Maliqi – Devolli

Java 9: Devolli – Luftëtari

Java 10: Memaliaj – Devolli

Java 11: Devolli – Këlcyra

REDAKTUAR nga:

“KORÇA BOOM”

Java e parë e kategorisë së dytë do të startojë këtë fundjavë, të dielën në orën 16:00 dhe në Grupin B atje ku bëjnë pjesë dy skuadrat e Prefekturës, Maliqi dhe Devolli.

Në këtë javë të parë Maliqi në bazë të shortit do ta ketë krejtësisht pushim, ndërkohë që vetëm devollinjtë do të startojnë në këtë javë të parë sezonin e ri.

Është Turbina-Devolli ndeshja hapëse, gjë që do të thotë se Devolli prezantimin e parë do ta bëjë në Cërrik, atje ku i pret një sfidë e vështirë.

Devolli ka ambicie të mëdha në këtë sezon dhe presidenti Spartak Meraku ka blerë disa lojatrë të huaj dhe ka ngritur një skuadër nga e para.

Për Grupin B do të luhet këtë të dielë 5 çifte, ndeshje që i sjellim më poshtë, ndërkohë që të gjitha ndeshjet do të startojnë në orën 16:00.

Më poshtë sjellim dhe kalendarin e javës së parë:

Grupi B (22 shtator 2024)

ORA 16:00 AF Luftëtari – Tomori

ORA 16:00 Memaliaj – Shkumbini

ORA 16:00 Këlcyra – Oriku

ORA 16:00 Turbina – Devolli

ORA 16:00 Butrinti – Delvina

REDAKTUAR nga:

“KORÇA BOOM”

Maliqarët pak momente më parë kanë mbyllur zyrtarisht edhe listën e ekipit në prag të ezonit të ri 2024-2025.

Në fakt kampionati i kategorisë së dytë starton qysh këtë fundjavë, por maliqarët e kanë pushim dhe në këtë mënyrë ndeshjen e parë do ta luajnë më 29 shtator ku do të presin në start Luftëtarin pretendent.

Trajneri Egli Malësia dhe stafi i tij kanë zyrtarizuar 21 futbollistë që janë federuar tashmë, ndërkohë që më sipër në foton e publikuar sjellim të gjithë emrat e lojtarët dhe rolet e tyre.

Ja dhe njoftimi i KF Maliqit:                                            

Kjo do të jetë përbërja e ekipit për sezonin e ri futbollistik!

Duelin e parë të kampionatit e luajmë në shtëpi ndaj Luftëtarit në datën 29 shtator.

REDAKTUAR nga:

“KORÇA BOOM”

Romario Çelniku ka vendosur ta mbyllë me futbollin e luajtur në moshën 27-vjeçare duke “varur këpucët në gozhdë”.

E falenderojmë për të gjithë kontributin e dhënë ndër vite me fanelën e Maliqit.

Do të mbetesh një legjendë e sportit maliqar, duke qenë pjesë e historisë së klubit.

REDAKTUAR nga:

“KORÇA BOOM”

Kampionati i Kategorisë së Dytë do të fillojë më 21 shtator. Në Grupin B të Kategorisë së Dytë marrin pjesë 11 ekipe: AF Luftëtari, Tomori, Memaliaj, Shkumbini, Këlcyra, Oriku, Turbina, Devolli, Butrinti, Delvina, Maliqi.

SHORTI I MALIQIT

JAVA 1: Maliqi (pushim)

JAVA 2: Maliqi-Luftëtari

JAVA 3: Memaliaj-Maliqi

JAVA 4: Maliqi-Këlcyra

JAVA 5: Turbina-Maliqi

JAVA 6: Maliqi-Butrinti

JAVA 7: Delvina-Maliqi

JAVA 8: Maliqi-Devolli

JAVA 9: Oriku-Maliqi

JAVA 10: Maliqi-Shkumbini

JAVA 11: Tomori-Maliqi

REDAKTUAR nga:

“KORÇA BOOM”

Kampionati i Kategorisë së Dytë do të fillojë më 21 shtator. Në Grupin B të Kategorisë së Dytë marrin pjesë 11 ekipe: AF Luftëtari, Tomori, Memaliaj, Shkumbini, Këlcyra, Oriku, Turbina, Devolli, Butrinti, Delvina, Maliqi.

SHORTI I DEVOLLIT

Java 1: Turbina – Devolli

Java 2: Devolli – Butrinti

Java 3: Delvina – Devolli

Java 4: Devolli – (pushim)

Java 5: Devolli – Orikumi

Java 6: Shkumbini – Devolli

Java 7: Devolli – Tomori

Java 8: Maliqi – Devolli

Java 9: Devolli – Luftëtari

Java 10: Memaliaj – Devolli

Java 11: Devolli – Këlcyra

REDAKTUAR nga:

“KORÇA BOOM”

Devollinjtë edhe pas humbjes në miqësore me Maliqin 4-1 vijojnë me intensitet të lartë stërvitjet nën drejtimin e trajnerit Trifon Meraku.

Humbja e fundit edhe pse ishte thjesht në një miqësore, duket se zbriti me “këmbë në tokë” devollinjtë që në fakt kanë investuar shumë në prag të këtij sezoni.

Shumë blerje për devollinjtë për të pasur një skuadër të denjë dhe në vendet e para të kategorisë së dytë. Presidenti Spartak Meraku nuk ka kursyer asgjë në lidhje me afrimin e futbollistëve, duke afruar edhe shumë lojtarë të huaj dhe pritet të kemi edhe emra të tjerë në ditët në vazhdim.

Në startin e sezonit që fillon javën e ardhshme, Devolli do të udhëtojë për të luajtur në Cërrik ndaj Turbinës dhe sigurisht që në Devoll besojnë shumë që starti do të jetë dinjitoz.

Edhe fotoja që kemi shkëputur është nga seanca e fundit stërvitore, ndërkohë që trajneri Trifon Meraku po punon fort që fundjava e ardhshme ta gjejë gati Devollin e tij.

Suksese Devollit në sezonin e ri!

REDAKTUAR nga:

“KORÇA BOOM”

Maliqi – Devolli 4-1

Shënues: Elmazi, Lipo (2) Xaka/ Ibrahim

Maliqarët dhe devollinjtë kanë zhvilluar një miqësore mes tyre. Një ndeshje me mjaft ritëm nga të dy ekipet dhe me një grintë, kjo edhe për faktin se janë në prag të startit të kampionatit dhe vërtet të dy ekipet u munduan të jepnin maksimumin.

Pjesa e parë, me gjithë rastet e të dy ekipeve është mbyllur pa gola. Në pjesën e dytë, të parët që kaluan në avantazh ishin miqtë nga Devolli të cilët shënuan me anë të Ibrahimit, pasi ka rrëmbyer një top nga mesfusha. Më pas gjithçka ka folur për maliqarët që arrijnë të barazojnë rezultatin me anë të Lipos dhe më pas është Xaka që dyfishon rezultatin. Por nuk ndalen këtu vendasit pasi shënojnë edhe dy gola të tjerë me anë të Lipos dhe Elmazit.

Kjo ndeshje u shërbeu të dy trajnerëve, Egli Malësia të Maliqit dhe Trifon Merakut të Devollit për të parë gjendjen e ekipit si dhe të futbollistëve të afruar.

Tek devollinjtë, në këto momente janë gjashtë futbollistë të huaj që kanë nënshkruar edhe kontratat e tyre dhe nga sa është mësuar nga presidenti Spartak Meraku pas dy ditësh do të mbërrijë edhe një tjetër futbollist.

Do të jetë një mesfushor organizator me mjaft vlera dhe do të mbyllet kështu edhe një prej pikave që devollinjtë duan ta mbyllin sa më shpejt. Mund të thuhet se ky do të jetë afrimi i fundit nga të huajt dhe ka shumë mundësi që deri në çastet e fundit të ketë përfunduar.

Mund të ketë edhe ndonjë surprizë tjetër, por me futbollistë korçarë që plotësojnë kështu edhe kushtin pët të qenë brenda prefekturës.