Në kuadër të javës së “Grassroots”, që po festohet në të gjithë Europën, Federata e Futbollit organizoi një festival futbolli me ekipet e Shoqatës Rajonale të Tiranës që i përkasin grupmoshës U-7.

Nën kujdesin e Shoqatës Rajonale të Futbollit Tiranë dhe Drejtorisë Teknike të FSHF-së, rreth 100 fëmijë mbërritën sot në “Shtëpinë e Futbollit”, të cilët u argëtuan me njëri-tjetrin duke luajtur futboll dhe duke zhvilluar ushtrime të ndryshme.

Prioriteti i Federatës së Futbollit është mbështetja dhe zhvillimi i futbollit të fëmijëve dhe ky festival synon pikërisht që të ndihmojë në masivizimin e futbollit dhe t’i afrojë sa më shumë ato me lojën më të bukur në botë. Ky është edhe objektivi i këtij festivali, që të sensibilizojë sa më shumë fëmijë që t’i bashkohen futbollit.

Drejtori Teknik i SHRFT, Igli Mumajesi tha se ky nuk do të jetë festivali i vetëm që do të zhvillohet nga FSHF dhe Shoqata e Futbollit të Tiranës, por do të ketë edhe festivale të tjera në vijim. “Nga të gjithë aktivitetet që FSHF zhvillon me fëmijët dhe nga takimet që kemi pasur me Drejtorinë Teknike të FSHF, kemi vendosur që të zhvillojmë një festival futbolli, që është i pari, por që do të pasohet edhe nga festivale të tjera. Ne si SHFRT po zhvillojmë këtë festival sot sepse përkon edhe me javën e Grassroots të UEFA-s. Është një festival që nuk është thjesht aktivitet për fëmijët, por ka si synim të prezantojë dhe të pilotojë edhe sistemin e ri që do të zhvillohet kampionati i ri për moshat U-7” – tha Drejtori Teknik i SHFRT-së, Igli Mumajesi.

Drejtoria Teknike e FSHF-së synon që ky festival të organizohet nga të gjitha Shoqatatat Rajonale në vendin tonë.

REDAKTUAR nga:

“KORÇA BOOM”

Nëse ka një ndeshje që tifozëria bardhekuqe do të kënaqet pafund nëse Skënderbeu fiton, është kjo e kësaj së diele në kryeqytet ndaj Tiranës.

Të dielën e 29 shtatorit në kryeqytet luhet Tirana-Skënderbeu, përballje e javës së 7-të të superligës, ndërkohë që tifozët korçarë sa herë luan skuadra e tyre e zemrës ndaj bardhebluve, duan që ekipi të marrë maksimalen në këtë 90 minutësh.

Edhe gjatë këtyre ditëve të fundit në stërvitje numri i tifozëve ka qenë i madh në mbështetje të ekipit, duke rritur edhe më shumë adrenalinën në radhët e futbollistëve.

Të dielën, përveç tifozëve korçarë që ndodhen në Tiranë dhe që do të jenë prezentë në shkallët e stadiumit, pritet që të udhëtojnë edhe tifozë nga qyteti juglindor, të gjithë në mbështetje të Skënderbeut.

Me pak fjalë futbollistët kanë një arsye më shumë që të japin shpirtin në fushë të dielën, kjo pasi tifozët tashmë duan që ekipi të dalë me fitore edhe pse luhet në transfertë.

Në miqësoren e verës që u zhvillua në stadiumin “Skënderbeu”, ku Skënderbeu barazoi 2-2 me Tiranën, kujtojmë që ishin të pranishëm 1 mijë tifozë.

Kjo do të thotë që edhe të dielën “ujqërit e dëborës” të jenë të shumtë në “Air Albania”.

Tashmë ju mbetet futbollistëve që të shpërblejnë tifozët: Ata duan fitore dhe ekipi duhet ta bëjë realitet dhe të plotësojë dëshirën e madhe të tifozëve korçarë.

REDAKTUAR nga:

“KORÇA BOOM”

Java e 7-të e superligës do të rikthehet qysh nesër (të premten) dhe për tre ditë me radhë do të luhen të 5 çiftet e kësaj jave.

Në këtë mënyrë kjo javë do të startojë që këtë të premte kur data shënon 27 shtator. Këtë ditë, java starton me kryendeshjen e kësaj jave Egantia-Partizani që do të luhet në Rrogozhinë dhe do të startojë në orën 16:00.

Më pas të shtunën e 28 shtatorit luhen 2 ndeshjet e radhës. Në Orën 16:00 Laçi-Teuta është sfida e parë e ditës, ndërkohë që në mbrëmje në orën 19:00 Dinamo do të presë Vllazninë.

Të dielën do të jetë dita e fundit e kësaj jave dhe 29 shtatori do të nisë me sfidën e orës 16:00 në Ballsh, ku Bylisi do të presë në shtëpi Elbasanin.

Sfida e fundit e kësaj jave do të luhet në orën 19:00 të mbrëmjes, atje ku gjithë vëmendja do të jetë në kryeqytet në përballjen Tirana-Skënderbeu.

Të gjitha ndeshjet e kësaj jave duken tepër interesante dhe me rivalitet, duke shpresuar që edhe Skënderbeu të vijojë tashmë me rezultate pozitive, pavarësisht se përballë ka Tiranën dhe luhet në transfertë.

Suksese “Ujqër”!

JAVA E SHTATË E SUPERLIGËS

TË PREMTEN 27 SHTATOR 2024 

ORA 16:00 EGNATIA-PARTIZANI

TË SHTUNËN 28 SHTATOR 2024 

ORA 16:00 LAÇI-TEUTA

ORA 19:00 DINAMO-VLLAZNIA

TË DIELËN 29 SHTATOR 2024 

ORA 16:00 BYLIS-ELBASANI

ORA 19:00 TIRANA-SKËNDERBEU

REDAKTUAR nga:

“KORÇA BOOM”

28.01.2024  

Tirana-Skënderbeu 3-4

Shënues: Abazaj 28’ (11-m), Përgjoni 36’, Patrick 84’ / Franklin 13’, 63’ Shaqe 18’, Liço 33’

Tirana-Skënderbeu është ndeshja e fundit e javës së 7-të të superligës që do të luhet ditën e diel më 29 shtator dhe do të startojë në orën 19:00. Ndërkohë që kjo do të jetë përballja e parë për këtë sezon mes këtyre dy ekipeve, duhet thënë se sezonin e kaluar në 4 ndeshjet e luajtura mes tyre, Skënderbeu e mundi 1 herë Tiranën, 1 herë fitori Tirana dhe dy ndeshje të tjera përfunduan në barazim.

Pra, vjet Skënderbeu dhe Tirana ndanë nga 5 pikë me njëra-tjetrën dhe presim këtë fundjavë për të parë ndeshjen e parë të fazës së parë që luhet në kryeqytet.

Të gjithë në qytetin juglindor, por edhe te Tirana, e mbajnë mend atë ndeshje të çmendur që u luajt në “Air Albania” dhe që Tirana u mund 3-4 nga Skënderbeu.

Ndeshja Tirana-Skënderbeu 3-4 u luajt më 28 janar të këtij viti dhe Skënderbeu zhvilloi një super ndeshje, teksa qysh në fillim Skënderbeu kaloi në avantazhin 0-2. Më pas shënoi 1 gol Tirana dhe do të vinte goli i Skënderbeut 1-3, teksa përpara fundit të pjesës së parë do të shënonte Tirana për të mbyllur 45 minutëshin 2-3. Në pjesën e dytë shënon sërish Skënderbeu 2-4 dhe në fundin e ndeshjes Tirana mbyll ndeshjen me gol 3-4, duke mbyllur krejt ndeshjen me fitoren e Skënderbeut dhe 7 gola të shënuar në 90 minuta.

Të shohim këtë të diel çfarë do të ndodhë në kryeqytet në ndeshjen e javës së 7-të, por Skënderbeu është gati, përse jo të përsëritë edhe njëherë janarin e këtij viti.

REDAKTUAR nga:

“KORÇA BOOM”

Ndërkohë që trajneri Ivan Gvozdenoviç është munduar gjatë këtyre ditëve që të mbajë me “këmbë në tokë” të tijtë, duket se atmosfera në kampin bardhekuq është vërtet optimiste.

“Do të dalim me pikë nga Tirana në fundjavë.” Kështu shprehen disa nga lojtarët e Skënderbeut pak ditë përpara Tiranës, ndërkohë që nuk duan që të flasin me shumë euforizëm, pasi ndeshje të tilla janë delikate dhe sigurisht që duan përqëndrim maksimal.

Në fakt, pas fitores së fundit ndaj kurbinasve me 6 pikë bardhekuqtë janë më të qetë në renditje dhe sigurisht që qetësia është kthyer.

Tashmë duhet vazhdimësia dhe kjo vazhdimësi do të vijë vetëm nëse Skënderbeu vërtet mer pikë në kryeqytet për tu futur në rjedhën e zakonshme, atë që bëri edhe një vit më parë.

Skënderbeu ndaj Tiranës duhet i qetë edhe në fushën e blertë dhe lojtarët sidomos prapavija duhet të jetë shumë e përqëndruar për të mos gabuar, ndërkohë që sulmi do të bëjë punën e vet, teksa është zgjuar në këto javë të fundit dhe ka shënuar gola të shumtë.

Tirana-Skënderbeu është nga ato ndeshje që për Skënderbeun edhe 1 pikë vlen shumë dhe optimizmi që kanë lojtarët në vetvete të bën të shpresosh shumë se “ujqërit”, janë gati të surprizojnë edhe bardhelbutë brenda në shtëpinë e tyre.

REDAKTUAR nga:

“KORÇA BOOM”

Ndërkohë që java e parë e kategorisë së dytë startoi një javë më parë, për maliqarët ajo ditë ka qenë një ditë pushimi dhe starti do të jetë këtë të dielë në shtëpi. Në bazë të shortit këtë të dielë Maliqi do të kërkojë ta nisë më këmbën e mbarë këtë sezon.

Kjo do të thotë se në Maliq duan fitoren edhe pse përballë është Luftëtari, një skuadër pretendente për tu ngjitur një kategori më lart. Këtë javë Maliqi ka prezantuar gjithë grupin e lojtarëve dhe stafit teknik.

Maliqi ka kryer edhe foton zyrtare, ka prezantuar uniformat, ka bërë të ditur edhe kapitenin dhe zv/kapitenët dhe në këtë mënyrë duket se tashmë mendja në Maliq është vetëm te ndeshja.

Optimizimi nuk mungon, ndërkohë që klubi maliqar ka bërë dhe këtë postim së fundi, duke shpresuar që do ta nisë vërtet me këmbën e mbarë të dielën.

Suksese Maliqit!                                                  

“Dita e ndeshjes po afron!

Të dielën në orën 16:00, ftojmë të gjithë tifozët të jenë sa më të shumtë në numër në mbështetje të skuadrës, në duelin special ndaj Luftëtarit.

Ta nisim me këmbën e mbarë .”

SHORTI I MALIQIT

JAVA 1: Maliqi (pushim)

JAVA 2: Maliqi-Luftëtari

JAVA 3: Memaliaj-Maliqi

JAVA 4: Maliqi-Këlcyra

JAVA 5: Turbina-Maliqi

JAVA 6: Maliqi-Butrinti

JAVA 7: Delvina-Maliqi

JAVA 8: Maliqi-Devolli

JAVA 9: Oriku-Maliqi

JAVA 10: Maliqi-Shkumbini

JAVA 11: Tomori-Maliqi

REDAKTUAR nga:

“KORÇA BOOM”

Në prag të ndeshjes me Tiranën klubi “Skënderbeu” ka zgjedhur të njoftojë për këtë ndeshje me një foto ku protagonist kryesor në të është mesfushori Juri Merlim.

Si në çdo ndeshje edhe këtë herë klubi bardhekuq ka bërë njoftimin e vet zyrtar duke zgjedhur nga një lojtar protagonist dhe këtë herë është përzgjedhur Juri Merlim, lojtar që padiskutim është nga pikat kryesore në mesin e fushës.

Deri tani në 6-të javë të luajtura Merlim ka qenë titullar i padiskutueshëm dhe ka ndihmuar shumë skuadrën e tij, ndërkoh që shpresohet që të bëjë të njëjtën gjë edhe këtë të dielë ndaj Tiranës.

Suksese Juri! Suksese Skënderbe!              

Ja njoftimi i klubit:

Ndeshja e rradhës!

Tirana – Skënderbeu

E Diel, 29 Shtator | Ora 19:00

Stadiumi “Air Albania”

REDAKTUAR nga:

“KORÇA BOOM”

Ekipi i Skënderbeut është përqëndruar totalisht tek puna e vet. Ka qenë e vështirë të marrësh një deklaratë për ndeshjen e radhës, kjo pasi korçarët mendojnë se është shpejt për të folur, pasi të gjithë mendojnë si ta përgatitin sa më mirë ndeshjen dhe më pas do të flasim në fushë.

Çdo futbollist këtë përgjigje ka kur e pyet për ndeshjen: “Do të flasim më mirë në fushën e lojës.”

Ndërkohë që kryefjala nga të gjithë është fitore, pavarësisht se kë kundërshtar kanë para dhe realisht kanë treguar se jo vetëm janë të barabartë, por edhe superiorë në lojë ndaj çdo kundërshtari.

Mund të jenë edhe pak paragmatistë në marrjen e rezulatit pozitiv edhe kjo është e pranueshme, por ka akoma kohë deri të dielën që ekipi të marrë më të mirën.

REDAKTUAR nga:

“KORÇA BOOM”

Kombëtarja e vajzave U-15 nis të premten grumbullimin për aventurën e radhës në turneun “UEFA Development”, që do të zhvillohet në vendin tonë në datat 27 shtator – 5 tetor dhe që ka në fokus zhvillimin e futbollisteve të kësaj grupmoshe.

Në këtë turne do të marrin pjesë edhe përfaqësueset e Kosovës, Estonisë dhe Maqedonisë së Veriut. Të gjitha ndeshjet janë planifikuar të luhen në datat 30 shtator, 2 tetor dhe 5 tetor në “Shtëpinë e Futbollit”.

Trajnerja e skuadrës U-15, Daniela Kodra ka shpallur edhe listën me 20 lojtaret e grumbulluara për këtë turne. 8 futbolliste me origjinë shqiptare që luajnë në kampionatet jashtë vendit i janë përgjigjur pozitivisht ftesës së Shqipërisë për të përfaqësuar ngjyrat kuqezi në këtë turne, ndërsa 12 lojtaret e tjera janë pjesë e klubeve shqiptare të moshave. Një punë shumë e mirë është bërë edhe me ekipet në kampionatet e shkollave 9-vjeçare në disa zona të Shqipërisë, ku aktivizohen çdo vit mbi 800 vajza të vogla që kanë pasion futbollin.

Shqipëria U-15 do të grumbullohet në Tiranë më 27 shtator dhe do të kryejë seancat stërvitore në “Shtëpinë e Futbollit”.

Me poshtë lista me 20 lojtaret e thirrura nga trajnerja Daniela Kodra:

REDAKTUAR nga:

“KORÇA BOOM”

28.01.2024  

Tirana-Skënderbeu 3-4

Shënues: Abazaj 28’ (11-m), Përgjoni 36’, Patrick 84’ / Franklin 13’, 63’ Shaqe 18’, Liço 33’

Tirana-Skënderbeu është ndeshja e fundit e javës së 7-të të superligës që do të luhet ditën e diel më 29 shtator dhe do të startojë në orën 19:00. Ndërkohë që kjo do të jetë përballja e parë për këtë sezon mes këtyre dy ekipeve, duhet thënë se sezonin e kaluar në 4 ndeshjet e luajtura mes tyre, Skënderbeu e mundi 1 herë Tiranën, 1 herë fitori Tirana dhe dy ndeshje të tjera përfunduan në barazim.

Pra, vjet Skënderbeu dhe Tirana ndanë nga 5 pikë me njëra-tjetrën dhe presim këtë fundjavë për të parë ndeshjen e parë të fazës së parë që luhet në kryeqytet.

Të gjithë në qytetin juglindor, por edhe te Tirana, e mbajnë mend atë ndeshje të çmendur që u luajt në “Air Albania” dhe që Tirana u mund 3-4 nga Skënderbeu.

Ndeshja Tirana-Skënderbeu 3-4 u luajt më 28 janar të këtij viti dhe Skënderbeu zhvilloi një super ndeshje, teksa qysh në fillim Skënderbeu kaloi në avantazhin 0-2. Më pas shënoi 1 gol Tirana dhe do të vinte goli i Skënderbeut 1-3, teksa përpara fundit të pjesës së parë do të shënonte Tirana për të mbyllur 45 minutëshin 2-3. Në pjesën e dytë shënon sërish Skënderbeu 2-4 dhe në fundin e ndeshjes Tirana mbyll ndeshjen me gol 3-4, duke mbyllur krejt ndeshjen me fitoren e Skënderbeut dhe 7 gola të shënuar në 90 minuta.

Të shohim këtë të diel çfarë do të ndodhë në kryeqytet në ndeshjen e javës së 7-të, por Skënderbeu është gati, përse jo të përsëritë edhe njëherë janarin e këtij viti.

REDAKTUAR nga:

“KORÇA BOOM”