Kampionati kombëtar i volejbollit rikthehet të shtunë me ndeshjet e kampionatit, si për meshkuj, por edhe për femra.

Të shtunën në mesditë të parët që do të zbresin në parket do të jenë meshkujt e Arben Priftit. Pikërisht në orën 12:00 të mesditës Skënderbeu-Vllaznia është ndeshja e mesditës, atje ku bardhekuqtë e rrjetës pas humbjes së një javë më parë në kryeqytet do të përpiqen ti rikthehen fitores dhe të paktën në letër Skënderbeu duket më favorit.

Më pas në orën 15:00 radhën do ta kenë femrat e Orlando Kojës. Pas 2 fitoreve radhazi në orën 14:00 Skënderbeu do të presë po Vllazninë në “Tamara Nikolla”, në një ndeshje që pritet të dhurojë emocione nga vajzat bardhekuqe.

Skënderbeu nuk do ta ketë shumë problem Vllazninë dhe do të synojë fitoren e pastër, por që sigurisht Koja dhe Haxhillari duan të mbajnë me këmbë në tokë lojtaret dhe fitoren do ta kërkojnë vetëm në parket.

Suksese këtë të shtunë vajzave të volejbollit dhe meshkujve që këtë sezon kanë një skuadër vërtet ndryshe dhe me objektiva të mëdha.  

REDAKTUAR nga:

“KORÇA BOOM”

Partizani ka kryer sot një hakmarrje të vogël për finalen e humbur në sezonin e kaluar, teksa ka mundur në shtëpinë e saj Egnatian 2-0, duke e kaluar në renditjen e Superiores në atë që ishte ndeshja e parë e javës së shtatë.

Të dy skuadrat vinin pas një barazimi zhgënjyes në kampionat në javën paraardhëse por në sfidën e sotme ishte Partizani që u shfaq shumë më ngulmues duke kërkuar golin dhe duke e gjetur atë me anë të Ismailit.

Më pas të kuqtë administruan me qetësi shifrat duke tentuar të mbanin larg portës rrogozhinasit, të cilët kanë humbur shkëlqimin e tyre në fazën ofensive. Goli në kundërsulm me Bintsuka në pjesën e dytë ia bëri punën më të thjeshtë kryeqytetasve të cilët rrallëherë u rrezikuan me Qirkon i cili u vu në vështirësi vetëm në minutat e fundit të ndeshjes, kur fati i saj ishte vendosur.

Ndërkohë që të shtunën luhen dy ndeshjet e radhës së javës së 7-të teksa, Laçi pret Teutën në shtëpi dhe Dinamo-Vllaznia.

Kjo javë do të mbyllet ditën e dielë, teksa në orën 16:00 Bylis pret Elbasanin dhe në mbrëmje në orën 19:00 në “Air Albania” Tirana pret Skënderbeun.

JAVA E SHTATË E SUPERLIGËS

TË PREMTEN 27 SHTATOR 2024 

EGNATIA-PARTIZANI 0-2

TË SHTUNËN 28 SHTATOR 2024 

ORA 16:00 LAÇI-TEUTA

ORA 19:00 DINAMO-VLLAZNIA

TË DIELËN 29 SHTATOR 2024 

ORA 16:00 BYLIS-ELBASANI

ORA 19:00 TIRANA-SKËNDERBEU

REDAKTUAR nga:

“KORÇA BOOM”

Federata Shqiptare e Futbollit (FSHF) ka kënaqësinë të njoftojë se është në fazat e fundit të organizimit të Kampionatit Europian UEFA për të rinjtë U-17 në vitin 2025. Ky aktivitet prestigjioz do të zhvillohet nga data 19 maj deri më 1 qershor 2025, në katër qytete të mrekullueshme: Tiranë (Stadiumi “Air Albania”), Durrës (Stadiumi “Niko Dovana”), Elbasan (Stadiumi “Elbasan Arena”) dhe Rrogozhinë (Stadiumi “Egnatia Arena”).

Tetë nga ekipet më të mira të të rinjve në Europë që do të konkurrojnë në 15 ndeshje gjithësej, UEFA Euro U-17 2025 pritet të jetë një vitrinë e paharrueshme e talentit në zhvillim dhe e sportivitetit. Ky event do të transmetohet nga UEFA TV, duke i ofruar markës tuaj një ekspozim të gjerë ndërkombëtar dhe një mundësi unike për të arritur audienca globale.

Ftesë për partnerë dhe furnitorë:

FSHF fton të gjithë partnerët dhe furnitorët potencialë që të bashkëpunojnë me ne për organizimin e këtij eventi historik. Duke u bashkuar me ne, marka juaj do të fitojë ekspozim të jashtëzakonshëm dhe do të jetë pjesë e një momenti historik në sportin shqiptar. Ne ofrojmë paketa të ndryshme sponsorizimi dhe furnizimi që përfshijnë përfitimet e mëposhtme:

• Asociimi me Markën: Njihuni si partner zyrtar ose furnitor i UEFA Euro U-17 2025, duke lidhur markën tuaj me përsosmërinë dhe zhvillimin e të rinjve.
• Vizibilitet dhe Ekspozim Ndërkombëtar: Mundësi për vizibilitet të markës përmes reklamave në stadium, në materialet mediatike, në programin zyrtar dhe aktivitete promovuese në qytetet pritëse, si dhe transmetim ndërkombëtar përmes UEFA TV.
• Mikpritje dhe Akses VIP: Akses në bileta VIP, funksione zyrtare dhe evente ekskluzive, siç janë darka e hapjes së turneut dhe ceremonitë e mbylljes.
• Angazhim me Komunitetin: Angazhim me tifozët përmes zonave të fansave, aktiviteteve promovuese dhe iniciativave të përfshirjes në komunitet, duke krijuar përvoja të paharrueshme për mbështetësit.

Kategoritë për Sponsorizim dhe Furnizim:

Ne kërkojmë partneritete në kategori të ndryshme, duke përfshirë, por jo kufizuar në:

• Sponsorë Zyrtarë: Kontribute financiare ose në natyrë për të mbështetur operacionet e turneut.
• Furnitorë Zyrtarë: Ofrimi i mallrave dhe shërbimeve të tilla si akomodim, transport, ushqim dhe pije, pajisje dhe teknologji.
• Partnerë Komunitarë: Mbështetje për aktivitete të angazhimit të tifozëve, duke përfshirë zonat e tifozëve, angazhimin e të rinjve dhe eventet kulturore.

Si të Aplikoni:

Palët e interesuara janë të ftuara të paraqesin një propozim që përmban kontributin e tyre të mundshëm, përshtatshmërinë e markës dhe nivelin e synuar të sponsorizimit, në ekipin e sponsorizimit të FSHF-së në [sponsorship@fshf.org]. Propozimet duhet të dorëzohen pranë zyrave të FSHF për të siguruar planifikim dhe koordinim të përshtatshëm.

Pse të bashkëpunoni me ne?

Bashkëpunimi me FSHF-në për UEFA Euro U-17 2025 nuk është vetëm një mundësi sponsorizimi. Është një mundësi për të kontribuar në zhvillimin e futbollit të të rinjve, për të promovuar Shqipërinë si një destinacion sportiv të klasit të parë dhe për të qenë pjesë e një trashëgimie që do të frymëzojë brezin e ardhshëm të sportistëve dhe tifozëve.

Së bashku, le të bëjmë UEFA Euro U-17 2025 kampionatin e të rinjve më të suksesshëm dhe të paharrueshëm deri tani!

Me kënaqësi presim të mirëpresim bashkëpunimin tuaj dhe të krijojmë së bashku momente të paharrueshme.

REDAKTUAR nga:

“KORÇA BOOM”

Në raportin teknik të UEFA-s për Kampionatin Europian “Gjermani 2024” ka detaje interesante për të gjitha ekipet pjesëmarrëse.

Mesatarja e mbajtjes së topit në të tre ndeshjet e grupit për Kombëtaren shqiptare është 35 %. Vlen të theksohet se mesatarja më e lartë e mbajtjes së topit për kuqezinjtë është në ndeshjen ndaj Spanjës 42%, ndërsa më e ulëta ndaj Italisë 32%.

Për pasimet e tentuara mesatarja është 363 për ndeshje. Sërish vlera më e lartë është arritur në duelin ndaj Spanjës me 407 pasime, ndërsa më e ulëta në duelin ndaj Kroacisë 311. Mesatarja e saktësisë së pasimeve është 83%. Vlen të theksohet edhe një tjetër detaj shumë interesant ku Shqipëria renditet në vendin e katërt nga të gjitha ekipet pjesëmarrëse në Europian për pasimet e gjata të sakta, ku janë tentuar 44 të tilla.

Mesatarja e kilometrave të përshkruar nga ekipi është 115.8 km gjatë 3 ndeshjeve të Europianit. Në sfidën ndaj Spanjës është arritur vlera më e lartë me 117.2 km, ndërsa më e ulëta në takimin ndaj Italisë 115.1 km.

Vetëm pesë lojtarë i kanë luajtur të gjitha minutat në Europian dhe ata janë: Thomas Strakosha, Mario Mitaj, Arlind Ajeti, Berat Gjimshiti dhe Kristjan Asllani.

Klaus Gjasula, Nedim Bajrami dhe Qazim Laçi kanë gjetur rrugën e rrjetës, ndërsa Jasir Asani ka dhënë një asist. Mosha mesatare e Kombëtares në Europian ka qenë 26.7 . Futbollistët kuqezi janë ndëshkuar me 7 kartona të verdhë dhe asnjë të kuq.

Kristjan Asllani është lojtari kuqezi me numrin më të lartë të pasimeve kyçe, 8. Gjithashtu, Asllani ka tentuar numri më të lartë të pasimeve, 175 dhe ka një saktësi prej 86%, ndërsa lojtari me saktësinë më të madhe të pasimeve është Berat Gjimshiti 89% dhe pas tij Mario Mitaj me 88%.

Mario Mitaj dhe Ylber Ramadani kanë rikuperuar nga 15 topa. Gjithashtu mbrojtësi, Mitaj ka 4 duele të fituara dhe 7 ndërprerje të aksioneve kundërshtare.

Gjatë kampionatit Europian “Gjermani 2024” janë shënuar 12 gola në kohën shtesë, ku mes tyre është edhe goli i Klaus Gjasulës ndaj Kroacisë në minutën e 90+5.

Gjithashtu, goli më i shpejtë në historinë e kampionateve Europiane u shënua në “Gjermani 2024” nga lojtari kuqezi, Nedim Bajrami, në ndeshjen ndaj Italisë për vetëm 23 sekonda.

REDAKTUAR nga:

“KORÇA BOOM”

Në kampionatin shqiptar “vërshojnë” të huajt sidomos nga vendet e varfëra. Shumë futbollistë vijnë dhe nuk u dihet saktësisht se ku kanë kanë luajtur dhe ku janë aktivizuar apo në çfarë gjendje shëndetësore janë.

Janë menaxherët që mundohen t’i “ngecin” ku të mundin, madje edhe në kategoritë inferiore me shpresën se mund të kalojnë një kategori më lart. Duket se vërtet është shqetësim fakti i moshës së tyre. Madje pretendohet se janë 18-19 vjeçarë, por nga sa është bërë e mundur nga verifikimet janë me moshë më të madhe dhe shpesh mundohen të kenë edhe dokumente jo të regullt.

Edhe pse ka tashmë një sistem kontrolli, përsëri gjithçka ndodh në vendet e origjinës së tyre dhe duke qenë edhe me shumë emra, kanë mundësinë të “fshihen”.

REDAKTUAR nga:

“KORÇA BOOM”

Janë katër futbollistë që kanë shënuar 100 gola me ekipet e tyre , por 100 gola me më pak ndeshje i kanë shënuar Haaland dhe Ronaldo , pikërisht në 105 ndeshje me ekipet e tyre. Ndërkohë janë Suares dhe Ibrahimoviç që kanë shënuar nga 100 gola respektevisht në 120 ndeshje dhe 131 ndeshje. Janë kështu shënuesit më të mirë që kanë vendosur rekorde që vështirë se do të thyhen pasi sulmues të tillë race dalin shumë pak.

REDAKTUAR nga: “KORÇA BOOM”

Trajneri i korçarëve Ivan Gvozdenoviç së bashku me të tijtë kanë mbyllur edhe seancën e radhës dhe sot janë tre ditë para ndeshjes së radhës. Duke ndjekur seancat stërvitore të këtyre ditëve, ishte deri diku e vështirë të mësoje se cili do të jetë formacioni për këtë takim.

Në fakt në një përqindje të dukshme dihet, por kishte edhe shumë dilema nga ana e trajnerit dhe kjo nga sa mësohet për atë se do të shikojë deri në fund se kush ka gjendjen më të mirë dhe çfarë skeme do të përdoret.

Madje edhe reparti i mbrojtjes dhe ai i mësfushës pritet të ketë ndryshime. Se në çfarë mase do të jenë këto ndryshime, kjo mbetet për t’u parë, por që do të ketë ndryshime kjo është mëse e sigurt.

Gjithsesi vendimi do të merret vetëm ditën e diel kur edhe t’u bëhet komunikimi futbollistëve

REDAKTUAR nga:

“KORÇA BOOM”

Skënderbeu do të luajë kundër Tiranës, një kundërshtar që nuk njeh fitore, por ka vëtëm barazime. Tifozët korçarë duket se po e shfrytëzojnë këtë moment të Tiranës.

Në shumë komente që janë lënë tek “Korça Boom” dilet në një shprehje në unison se: “Tirana do të pësojë tani humbjen e parë.” Ndërkohë që Tirana mendon për fitoren e parë, korçarët i janë kundërpërgjigjur me humbjen e parë.

Do të jetë një takim ku të dy ekipet do të luajnë vetëm për tre pikë pasi kjo u bën punë. Gjithsesi të tre rezulatet janë në fushën e lojës dhe mbetet që të presim ditën e ndeshjes për të mësuar rezultatin.

REDAKTUAR nga:

“KORÇA BOOM”

Ekipi i bilishtarëve ka marrë një barazim në javën e parë kundër Turbinës, që në fakt ishte një takim që duhej të ishte fituar.

Duket se ata që kanë vendosur ishin të huajt, të cilët nuk kanë bindur aq sa duhet, kjo për atë se kanë shpërdoruar raste të shumta dhe nuk kanë dhënë edhe atë që ishte në pritshmëritë e trajnerit Trifon Meraku.

Gjatë këtyre ditëve presidenti Spartak Meraku ka qenë shumë kërkues ndaj tyre dhe natyrisht u ka kërkuar të reflektojnë që në ndeshjen e radhës.

Krejt ndryshe situata me futbollistët e tjerë të cilët kanë zhvilluar një ndeshje shumë të mirë dhe kjo është shumë pozitive.

REDAKTUAR nga:

“KORÇA BOOM”                                                    

Edicioni i 108-të i Giro d’Italia në çiklizëm do të startojë nga Shqipëria. Kanë ngelur vetëm disa detaje të vogla që të merret vendimi përfundimtar dhe zyrtar.

Në qoftë se kjo ndodh do të ishte një eveniment shumë i madh për çiklizmin shqiptar, por jo vetëm, kjo pasi qëllimi është edhe promovimi i zonave turistike të vendeve ku do të kalojë ky tur çiklistik.

Ka shumë mundësi që të zhvillohen tri etapa në tokën tonë dhe më pas do të vazhdohet në Itali. Në garë, për të patur etapa, kanë qenë disa kandidatura, por duket se këtë herë Shqipëria do t’ia dalë.

Gjithaçka do të mësohet zyrtarisht në ditët në vazhdim.

REDAKTUAR nga:

“KORÇA BOOM”