Skënderbeu do të luajë kundër Tiranës, një kundërshtar që nuk njeh fitore, por ka vëtëm barazime. Tifozët korçarë duket se po e shfrytëzojnë këtë moment të Tiranës.

Në shumë komente që janë lënë tek “Korça Boom” dilet në një shprehje në unison se: “Tirana do të pësojë tani humbjen e parë.” Ndërkohë që Tirana mendon për fitoren e parë, korçarët i janë kundërpërgjigjur me humbjen e parë.

Do të jetë një takim ku të dy ekipet do të luajnë vetëm për tre pikë pasi kjo u bën punë. Gjithsesi të tre rezulatet janë në fushën e lojës dhe mbetet që të presim ditën e ndeshjes për të mësuar rezultatin.

REDAKTUAR nga:

“KORÇA BOOM”

Ekipi i bilishtarëve ka marrë një barazim në javën e parë kundër Turbinës, që në fakt ishte një takim që duhej të ishte fituar.

Duket se ata që kanë vendosur ishin të huajt, të cilët nuk kanë bindur aq sa duhet, kjo për atë se kanë shpërdoruar raste të shumta dhe nuk kanë dhënë edhe atë që ishte në pritshmëritë e trajnerit Trifon Meraku.

Gjatë këtyre ditëve presidenti Spartak Meraku ka qenë shumë kërkues ndaj tyre dhe natyrisht u ka kërkuar të reflektojnë që në ndeshjen e radhës.

Krejt ndryshe situata me futbollistët e tjerë të cilët kanë zhvilluar një ndeshje shumë të mirë dhe kjo është shumë pozitive.

REDAKTUAR nga:

“KORÇA BOOM”                                                    

Edicioni i 108-të i Giro d’Italia në çiklizëm do të startojë nga Shqipëria. Kanë ngelur vetëm disa detaje të vogla që të merret vendimi përfundimtar dhe zyrtar.

Në qoftë se kjo ndodh do të ishte një eveniment shumë i madh për çiklizmin shqiptar, por jo vetëm, kjo pasi qëllimi është edhe promovimi i zonave turistike të vendeve ku do të kalojë ky tur çiklistik.

Ka shumë mundësi që të zhvillohen tri etapa në tokën tonë dhe më pas do të vazhdohet në Itali. Në garë, për të patur etapa, kanë qenë disa kandidatura, por duket se këtë herë Shqipëria do t’ia dalë.

Gjithaçka do të mësohet zyrtarisht në ditët në vazhdim.

REDAKTUAR nga:

“KORÇA BOOM”

Nëse ka një ndeshje që edhe “gardiani” Marko Alia duhet të japë më të mirën, është kjo me Tiranën këtë të diel në mbrëmje në “Air Albania”. Themi këtë pasi presioni sigurisht që është i madh për të gjithë futbollistët, por për Markon ky është sezoni i dytë në këtë superligë dhe ka treguar se është një nga pikat kyçe të Skënderbeut sidomos në ndeshje të tilla.

Edhe gjatë seancave të fundit stërvitore si të gjithë lojtarët e tjerë edhe Marko Alia është optimist dhe është dukur në formë dhe gati për këtë transfertë në kryeqytet.

Skënderbeu në 6-të javë është një skuadër që shënon gola, por edhe pëson, ndërkohë që të gjithë golat e pësuar nuk është se janë gabimi i Alias.

Marko ka shpëtuar skuadrën nga gola të sigurt dhe është siguri më vete për prapavijën. Ka ardhur momenti që edhe Alia të mbyllë portën dhe këtë shpresohet dhe besohet ta bëjë qysh në këtë ndeshje të radhës ndaj bardhebluve.

Nën drejtimin e trajnerit të portierëve Erjon Llapanji, Marko ka zhvilluar seanca stërvitore me ngarkesë maksimale dhe tashmë në dy stërvitjet e fundit që kanë mbetur edhe vetë portieri është gati ta nbyllë në mënyrën më të mirë këtë javë anti-Tirana.

A do të arrijë Marko Alia ta mbyllë vërtet portën? Kjo mbetet për t’u parë. E diela nuk ëhstë e largët, por është në prag. Tirana-Skënderbeu është nga ato ndeshje ku emocionet pritet të jenë të mëdha.

REDAKTUAR nga:

“KORÇA BOOM”

Edhe pse ka vetëm 6-të ndeshje me Igdir FK në Turqi, Dean Liço është kthyer në një idhull për klubin turk të kategorisë së parë.

Deani ka luajtur në formacion në çdo ndeshje deri tani dhe ka qenë ndër më të mirët, por pas startit fantastit në katër ndeshjet e para do të vinin dy humbje radhazi që kanë tronditur disi skuadrën.

Nesër është dita e së vërtetës dhe e ktehsës sipas klubit turk Igdir, që në kategorinë e parë do të luajë ndeshjen e vetme të javës së 7-të. Igdir FK – Erzurumspor është përballja e vetme e mbrëmjes së nesërme që do të startojë në orën 19:00.

Për Igdir FK alternativa e vetme nesër është fitorja për të mos ju ndarë vendeve të kreut të tabelës së klasifikimit, pasi kujtojmë që vetëm dy vendet e para në renditje ngjiten direkt në superligën turke. Igdir FK klubi i Liços ndodhet në kuotën e 10 pikëve dhe nëse fiton mbrëmjen e nesërme barazon kreun e tabelës së klasifikimit, prandaj kjo ndeshje është shumë e rëndësishme.

Ditën e sotme klubi turk ka njoftuar ndeshjen e së premtes me foton e Dean Liços duke e bërë protagonist kudo.

Forca Dean!

REDAKTUAR nga:

“KORÇA BOOM”

Ditën e diel luhet përballja Tirana- Skënderbeu, një takim në kryeqytet tek “Air Albania”. Nga sa mësohet çmimet e biletave nuk janë fort të lira, çka do të thotë se ka bileta që fillojnë nga 400 lekë dhe më e shtrenjta 3000 lekë, kjo sipas zonave dhe sektorëve.

Kushdo që është i interesuar mund të marrë një informacion tek fotoja që ne ju sjellim.

REDAKTUAR nga:

“KORÇA BOOM”

Një lajm shumë i mirë mbërrin nga futbolli. Bëhet fjalë për organizimin e kampionatit

Europian për U-21. Kështu është vendosur se ky aktivitet madhor për futbollin do të zhvillohet

në Shqipëri dhe në Serbi në vitin 2027.

REDAKTUAR nga:

“KORÇA BOOM”

Si rezultat i gabimeve individuale në mbrojtje korçarëve ju janë mohuar edhe pikët, kjo e pranuar si nga stafi ashtu edhe nga specialistët. Gvozdenoviç ka bërë ndryshime duke i besuar vendin e titullarit pikërisht Luko Vaskez.

Por mundësitë janë gjithnjë në rritje pasi së fundi ka mbërritur edhe Randi Dumfor. Por atje ka gjetur edhe Dokën, Zenullarin, Shaqen, Ramosin për të shtuar edhe Vangjelin, Prençin dhe Gercon. Pra shikoni sa shumë mbrojtësa a do të jenë në gjendje që katër prej tyre të bëjnë diferencë.

Në fakt, Prençi është i pagubueshmi deri tani dhe bën përjashtim por me rritjen e konkurencës dhe aritjen e formës nga të afruarit besohet se shumë shpejt, ky repart do të bëhet i pagabueshmi dhe shpresohet që këtë fundjavë të duket qartë ndryshimi.

REDAKTUAR nga:

“KORÇA BOOM”

Shqipëria U-15 fitoi ndeshjen e dytë miqësore ndaj Malit të Zi U-15 me rezultatin 3-2.

Kuqezinjtë zhvilluan një ndeshje shumë të mirë në stadiumin “Reshit Rusi” dhe golat i shënuan Haxhi Rrena dhe Fabio Hyseni (x2).

Trajneri Armand Dama e nisi me këtë formacion titullar ndeshjen ndaj Malit të Zi: Marsid Hoxha (GK), Joart Mile, Eno Resuli, Rian Neza, Angelos Çomo, Fabio Hyseni, Sean Sulaj, Tom Keqi, Leonel Meço, Rajan Dybeli dhe Haxhi Rrena (C).

Ndeshja nisi shumë mirë për Shqipërinë që gjeti rrugën e rrjetës që në minutën e 6-të. Kapiteni Haxhi Rrena shënoi gol dhe i dha avantazhin kuqezinjve. Edhe minutat në vazhdim folën vetëm për Kombëtaren shqiptare që shënoi golin e dytë në të 23-ën me Fabio Hysenin.

Në fundin e pjesës së parë Shqipëria trefishoi rezultatin, sërish ishte Fabio Hysenin që gjeti rrugën e rrjetës. Pjesa e parë u mbyll 3-0 për kuqezinjtë.

Sapo nisi fraksioni i dytë Mali i Zi ngushtoi diferencën me Luka Vusurovic. Trajneri Armand Dama në pjesën e dytë i dha mundësinë të gjithë lojtarëve të grumbulluar të tregojnë cilësitë e tyre.

Deri në fundin e ndeshjes Mali i Zi shënoi edhe një gol dhe në fund sfida u mbyll me fitoren e Shqipërisë 3-2.

Këto dy teste miqësore ishin një mundësi shumë e mirë për trajnerin Armand Dama dhe stafin teknik të Kombëtares U-15 për të testuar e vëzhguar nga afër lojtarët e grumbulluar. Ndeshja e parë në Podgoricë u mbyll në barazim 2-2, ndërsa në “Reshit Rusi” fituan kuqezinjtë 3-2.

REDAKTUAR nga:

“KORÇA BOOM”

Në sezonin e kaluar Skënderbeu e ka mundur Tiranën me katër gola të shënuar. Por sot jemi në një realitet tjetër, pasi nga tre lojtarët që i shënuan kundërshtarit, dy prej tyre nuk janë në ekip.

Kështu, Franklin dhe Liço janë larguar nga Skënderbeu për të vazhduar aventurën e tyre jashtë vendit. I vetmi që ka shënuar me kokë në minutën e 18-të është Klevis Shaqe, por edhe ky duket se e ka humbur vendin e titullarit dhe aktivizohet në pjesët e dyta.

A do të jenë të tjerët të aftë të shënojnë dhe ta mundin këtë kundërshtar? Kjo është për t’u parë, por pse jo, mundësitë janë për të gjithë.

Ekipi korçar është plotësuar më futbollistë të tjerë dhe kanë treguar se dinë të shënojnë dhe të fitojnë edhe ndaj një kundërshtari të tillë.

REDAKTUAR nga:

“KORÇA BOOM”