Ndërkohë që portali ynë gjatë këtyre ditëve ka zbuluar krejt shortin e Skënderbeut në volejboll për femra, madje me informacione po ndjek hap pas hapi volejbollin e femrave të Skënderbeut, është klubi që ka dalë me njoftimin e vet zyrtar.

Klubi “Skënderbeu” ka publikuar sot në mëngjes foton me njoftimin e ndeshjes Skënderbeu-Vllaznia që do të luhet ditën e shtunë dhe do të startojë në orën 14:00.

Sigurisht që gjithë vëmendja e klubit shumësportësh është te vajzat e volejbollit të cilat po i japin tonin volejbollit shqiptar dhe padiskutim që edhe këtë sezon kanë vetëm një objektiv, titullin kampion.

Pas dy fitoreve radhazi, Skënderbeu është në krye bashkë me Partizanin në kuotën e 6 pikëve, ndërkohë që kjo do të jetë java e tretë dhe vajzat e trajnerit Orlando Koja do të kërkojnë një tjetër fitore të pastër 3-0.

Paraqitja e shkëlqyer e vajzave të Skënderbeut në Kupën e Federatës që u zhvillua përpara disa javësh ku Skënderbeu fitoi edhe trofeun e parë, ka bërë që edhe starti i këtij sezoni të ri 2024-2025, të jetë i mirë për vajzat e rrjetës të Skënderbeut.

Dy ekipet që do të rivalizojnë Skënderbeun këtë sezon do të përballen në javën e 6-të dhe të 7-të. Në këtë mënyrë në javën e 6-të Skënderbeu do të presë Partizanin në pallatin e sportit “Tamara Nikolla” dhe në javën e 7-të Skënderbeu do të udhëtojë për t’u përballur me Tiranën. Këto dy përballje do të luhen në fund të muajit tetor.

Gjithsesi të presim dhe të shohim këtë të shtunë ku Skënderbeu do të presë Vllaznisë dhe synon fitoren e pastër.

Suksese vajzave bardhekuqe!

REDAKTUAR nga:

“KORÇA BOOM”

Të premten më 27 shtator do të nisë java e 7-të e kampionatit “Abissnet Superiore”. Egnatia – Partizani është takimi i parë i kësaj jave, që do të luhet në stadiumin “Egnatia Arena” në orën 16:00.

Të shtunën do të zhvillohen dy ndeshjet e tjera të javës së 7-të. Laçi – Teuta është dueli i parë, që do të luhet në stadiumin e Laçit në orën 16:00. Në mbrëmje, në orën 19:00 në stadiumin “Elbasan Arena”, Dinamo City do të përballet me Vllazninë.

Java e 7-të e kampionatit “Abissnet Superiore” do të mbyllet të dielën. Bylis – AF Elbasani do të luhet në stadiumin “Adush Muça” në orën 16:00. Tirana do të presë në stadiumin “Air Albania” Skënderbeun, në orën 19:00.

REDAKTUAR nga:

“KORÇA BOOM”

Komisioni i Disiplinës dhe Etikës pasi u njoh me relacionin e Sekretariatit Teknik, korrespondencën me Drejtorinë Vendore të Policisë Lezhë lidhur me aktet e dhunës në ndeshjen e Abissnet Superiore KF Laçi – FK Partizani të zhvilluar më datë 16.09.2024 ora 16:00 në stadiumin “Laçi” dhe me Drejtorinë Vendore të Policisë Tiranë lidhur me aktet e dhunës në ndeshjen e Abissnet Superiore FK Partizani – KF Tirana të zhvilluar më datë 21.09.2024 ora 20:00 në stadiumin “Air Albania”, ku janë konstatuar shkelje të parashikimeve ligjore të nenit 48 e vijues të Ligjit 79/2017 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE

VENDOSI:

1. Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të më poshtëm:

• Pirro Gjok Fufi
• Klejdi Alket Lamllari
• Raid Lantan Kavaja
• Mateo Thoma Gjoka

2. Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.

3. Një kopje e këtij vendimi t’i përcillet Policisë së Shtetit.
4. REDAKTUAR nga:
5. “KORÇA BOOM”

3. KF Pogradeci U-19, për mospërmbushje të detyrimeve dhe përgjegjësive duke shkaktuar braktisjen e ndeshjes së vlefshme të Kampionatit Kombëtarë të Kategorisë së Parë U-19, kundër KF Erzeni U-19, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
4. KF Pogradeci U-17, për mospërmbushje të detyrimeve dhe përgjegjësive duke shkaktuar braktisjen e ndeshjes së vlefshme të Kampionatit Kombëtarë të Kategorisë së Parë U-17, kundër KF Erzeni U-17, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
5. KF Pogradeci U-13, për mospërmbushje të detyrimeve dhe përgjegjësive duke shkaktuar braktisjen e ndeshjes së vlefshme të Kampionatit Kombëtarë të Kategorisë së Parë U-13, kundër KF Erzeni U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
6. REDAKTUAR nga:
7. “KORÇA BOOM”

Vendimet e Komisionit të Disiplinës dhe Etikës së FSHF datë 25.09.2024

1. KF Tirana, për sjellje të gabuar të spektatorëve duke hedhur sende në fushë, ndezur flakadanë dhe duke dëmtuar ambientet e stadiumit “Air Albania”, në bazë të neneve 17/2/b, 17/2/c dhe 17/2/f të KDE, dënohet me gjobë në masën 200.000 (dyqind mijë) lekë.

KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

2. FK Partizani, për sjellje të gabuar të spektatorëve duke hedhur sende në fushë, ndezur flakadanë dhe duke dëmtuar ambientet e stadiumit “Air Albania”, në bazë të neneve 17/2/b, 17/2/c dhe 17/2/f të KDE, dënohet me gjobë në masën 100.000 (njëqind mijë) lekë.

FK Partizani, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

3. AF Elbasani, për sjellje të gabuar të spektatorëve duke hedhur sende në fushën e lojës dhe duke ndezur mjete piroteknike, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.
4. REDAKTUAR nga:
5. “KORÇA BOOM”

Nga kampi korçar vijnë lajme të mira përsa i përket organikës së ekipit. Nga sa është njoftuar nuk do të ketë asnjë mungesë për ndeshjen e radhës.

Kështu së pari për fat të mirë nuk ka asnjë futbollist të skulifikuar për shkak kartonash. Së dyti nuk ka asnjë futbollist të dëmtuar dhe së treti të gjithë futbollistët po arrijnë formën e tyre maksimale të gjendjes fizike.

Kjo më shumë për ata që kanë erdhur nga merkatoja e ditëve dhe javëve të fundit. Kështu një Skënderbe i plotë do të udhëtojë drejt Tiranës në ndeshjen e radhës.

REDAKTUAR nga:

“KORÇA BOOM”

“Jepni maksimumin tuaj dhe rezultati nuk mungon as në këtë ndeshje,” – këto janë fjalët e trajnerit të korçarëve Ivan Gvozdenoviç që u’a ka thënë shpesh herë të tijve në stërvitje dhe pas saj. Në fakt duket se trajneri beson shumë në aftësitë e futbollistëve të tij dhe kërkon t’u marrë maksimumin.

Madje trajneri duket qartë se është shumë i kënaqur nga përkushtimi i futbollistëve të tij kur deklaron se: “I gjithë grupi është shumë i përkushtuar në proces stërvitor dhe mundohet të marrë maksimumin e mundëshëm.”

Edhe pse janë djem të rinj dhe të talentuar duket se gjithçka e kërkojnë nga puna dhe vetëm nëpërmjet punës duan suksesin.

REDAKTUAR nga:

“KORÇA BOOM”

Lajmi më i fundit vjen nga kampi i Laçit, kjo na ka tërhequr vëmendjen pasi ka qënë humbja e këtij ekipi në Korçë që ka vënë në dilemë edhe të ardhmen e trajnerit Armando Cungu.

Ka qenë vetë trajneri që ka deklaruar se do të shikojë qëndrimin tek ky ekip apo jo? Madje ai ka shtuar se nuk mund të luajë askush me nervat e tij.

Por lajmi më i fundit bën me dije se Armando Cungu do të vazhdojë të jetë trajner i ekipit të Laçit edhe në vazhdim ai ka besimin e plotë të presidencës kurbinase.

REDAKTUAR nga:

“KORÇA BOOM”

Në 6 javë të luajtura deri tani, Skënderbeu ka shënuar 8 gola dhe ka pësuar 9. Këto shifra tregojnë se skuadra e Gvozdenoviç deri tani është skuadra e tretë më e mirë pas Vllaznisë dhe Egnatias që ka shënuar kaq shumë gola, ndërkohë që përsa i përket golave të pësuar është skuadra e tretë më e dobët, pas Teutës dhe Bylsit që ka pësuar kaq shumë gola.

Skënderbeu në 6 javë ka treguar se di të shënojë, por edhe të pësojë. Deri tani 8 golat e shënuar të Skënderbeut janë shënuar nga 6 lojtarë të ndryshëm, ku padiskutim me dy 2-golësha janë Rashica dhe Bismark, pra dyshja sulmuese. Nga një gol kanë shënuar katër lojtarë të tjerë, ku bie në sy se kanë shënuar edhe mbrojtësit e Skënderbeut.

E rëndësishme është se në 6-të javët e luajtura për Skënderbeun kanë shënuar të tre sulmuesit kryesorë, gjë që nuk e benin në javët e para. 5 gola në total kanë shënuar Rashica, Bismark dhe Nikaj dhe kjo tregon se sulmi tashmë është rikthyer.

Një tjetër e veçantë dhe pozitive është se Skënderbeu ka shënuar në të 6-ta ndeshjet e deritanishme.

Golashënuesit e Skënderbeut në 6 javë kampionat

Ermir Rashica          2 gola

Bismark Çarls           2 gola

Ardit Nikaj                1 gol

Elvis Prençi               1 gol

Mario Rabiu             1 gol

Luço Vaskez             1 gol

REDAKTUAR nga:

“KORÇA BOOM”

Emanuel Egbo dhe Bylisi kanë mbyllur bashkëpunimin pas gjashtë javëve të kampionatit. Vetë trajneri nigerian ka pasur edhe një bisedë me presidencën, duke i parashtruar qëndrimin e tij, ndërsa në një prononcim për faqen e klubit, Egbo ka pohuar:

“Ka qënë një vendim shumë i vështirë për mua, por kur bëhet fjalë për Bylisin kam menduar për më të mirën e skuadrës! Më mirë të lëviz unë, duke marrë përsipër ndryshimin, por edhe duke shpresuar sa më parë te kthesa.

E kam menduar gjerë e gjatë dhe ja kam parashtruar edhe presidentit si mik prej vitesh, se një ndryshim tashmë që është herët mund të sjellë përmirësimin e ekipit dhe kjo lëvizje mund të jetë në të mirën e Bylisit. Unë jam pjesë e këtij klubi, jam mik me presidentin dhe dua kthesën e Bylisit, që mua më ka dhënë shumë si lojtar por edhe si trajner vite më parë.

Nuk e heq presidenti trajnerin, sidomos duke ditur edhe mardhëniet që unë kam me Kapllanajn prej vitesh, sepse janë lojtarët ata që luajnë, prej nga varet rezultati, por edhe trajneri. Por edhe pas kësaj, unë do të vazhdoj që të jem afër Bylisit, si tifozi më fanatik, sepse Ballshi është, ka qënë dhe do të mbetet shtëpia ime!

E bëra këtë hap sepse dua që Bylisi të ndryshoj dhe në fund të sezonit ta shoh në Europë, sepse skuadrat e tjera nuk kanë asgjë më shumë. Ky është një vendim personal i imi, falënderoj të gjithë ata që bashkëpunuam, Ballshi dhe Bylisi janë në zemrën time! Mirupafshim, Forca Bylis”, – tha Emanuel Egbo.

Trajneri i ri i Bylisit do të jetë një tjetër emër me shumë eksperiencë në drejtim në kampionatin tonë, Nevil Dede, që nis punën nga sot me Bylisin, në prag të sfidës me Elbasanin që luhet të dielën në orën 16:00, në “Adush Muçaj”.

REDAKTUAR nga:

“KORÇA BOOM”