Kryebashkiaku i Kolonjës, Erion Isai:

“Zjarr fare ritmi i asfaltimit të rrugës “Korçë – Ersekë”! Rruga e shumëpritur që horizontin e

zhvillimit të krahinës do ta rrisë në nivelet e merituara; sidomos në sektorin e turizmit malor;

ku Kolonja është!”

REDAKTUAR nga:

“KORÇA BOOM”

Nga fshati Turan në Korçë, me traditë të pasur e kulinari të shkëlqyer, ju uroj një fillim jave të

mbarë!

REDAKTUAR nga:

“KORÇA BOOM”

Për këtë javë që fillon sot vendi ynë pritet të përjetojë një javë “normale” vjeshte. Kalimi i një fronti të ftohtë pritet të sjellë mot të vranët dhe reshje shiu për disa ditë ndërsa depërtimi i masave ajrore të thata dhe të ngrohta do të sjelli mot të kthjellët e përsëri rritje të temperaturave.

Sipas Shërbimit Meteorologjik Ushtarak, për ditën e Hënë moti parashikohet me kthjellime e alternime vranësirash hera-herës deri të dendura si dhe reshje shiu të izoluara dhe të dobta në mesditë dhe pasdite.

Për ditën e Martë dhe ditën e Mërkurë pritet kalimi i një fronti të ftohtë atmosferik. Moti parashikohet kryesisht i vranët por nuk do të mungojnë edhe intervalet e herëpashershme me diell (kthjellime). Vranësirat do të shoqërohen me reshje shiu të herëpashershme (ndërprerje) me intensitet të ulët deri mesatar në formën e shtrëngatave.

Në vëmendje duhet patur zona e veriperëndimit ku reshjet parashikohen me intensitet mesatar deri dhe të lartë në formën e rrebesheve shoqëruar me shkarkesa elektrike.

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!

Sot është e hënë dhe data shënon 23 shtator 2024. Jemi kështu në një fillim jave të re.

Ditën e sotme kemi zgjedhur t’ju themi mirëmëngjes nga Moglica që me këtë pamje vërtet të mahnit dhe t’ju urojmë bekime nga zoti për Ju miqtë tanë.

Ju urojmë një ditë sa më të bukur për të gjithë!

Të hënë dhe javë të mbarë dhe të bukur miq të faqes “Korça Boom”!

REDAKTUAR nga:

“KORÇA BOOM”

Kolektori Sovjanit në fokus të punës së Bordit Rajonal të Kullimit Korçë.

Një punë shumë e domosdoshme që i paraprin rreshjeve të dimrit në zonën më të ulët dhe me

rrisk në Fushën e Maliqit.

REDAKTUAR nga:

“KORÇA BOOM”

Jemi mësuar gjithmonë të shikojmë mjekun fizioterapist të famshëm korçar Jorgo Pantazi që rikuperon në kohë rekord futbollistë, ndërkohë që një gjë të tillë e bëri edhe para pak ditësh, teksa rikuperoi shpejt, jo pak, por 5 lojtarë.

Sot po sjellim këtë foto të mësipërme, ku mjeku Jorgo Pantazi shikohet në foto me këngëtarin e famshëm korçar dhe një nga tifozët më të thekur të Skënderbeut, Klajdi Haruni.

Mësohet se Haruni ka pësuar një dëmtim në pjesën e mesit dhe rikuperimin e ka kryer te Pantazi, duke u bërë tashmë gati për koncertet që jep Klajdi kudo nëpër Shqipëri. Madje Jorgo Pantazi për këtë rikuperim për portalin tonë ka deklaruar: “Klajdi kishte dhimbje në pjesën e mesit, ngaqë kërcen “Ujku” nëpër shfaqjet që jep dhe ishte në klinikë për t’u rikuperuar.”

Ndërkohë që në këtë foto Jorgo Pantazi i shkruan Klajdit: “Faleminderit, Klajdi Haruni për besimin. Gati “Ujku” për shfaqjen e radhës.”

REDAKTUAR nga:

“KORÇA BOOM”

U përmbyll me super sukses dhe super energji edicioni i 5-të i UPSHIFT në Korçë.

Përgjatë dy ditëve, 11 grupe të rinjsh fantastikë punuan tek Korça Innovation Hub së bashku me mentorët e tyre në ideimin e zgjidhjeve të qëndrueshme, për të evidentuar rëndësinë e klimës për qytetin e Korçës.

Ju lumtë të gjithëve për punën e mrekullueshme!

Faleminderit për pjesëmarrjen!

Edhe ky vit i UPSHIFT në Korçë ishte një SUPER sukses!

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!  

Jemi së bashku në këtë të diel kur data shënon 22 shtator 2024.

Ditën e sotme kemi zgjedhur t’ju themi mirëmëngjes me një pamje nga bukuria e veçantë e ishullit të Maligradid  dhe t’ju urojmë më të mirat për ju.

Ju urojmë një të diel sa më të bukur për të gjithë!  

Ditë të mbarë miq të faqes “Korça Boom”!

REDAKTUAR nga:

“KORÇA BOOM”

Projekti hidroenergjetik “Moglica Shtesë” në territorin e Bashkisë Maliq po shkon drejt përfundimit.

Kompania norvegjeze “Statkraft” dhe “Devoll Hydropower” Sh.A. po mbajnë diskutime me aktorë lokalë mbi statusin e projektit, si dhe për Vlerësimin e Ndikimit Mjedisor dhe Social.

Ky projekt ka një ndikim që shtrihet përtej nivelit lokal dhe kombëtar, duke përfshirë edhe rajonin në sektorin e energjisë. Synimi është rritja e kapaciteteve prodhuese të energjisë së rinovueshme dhe përmirësimi i infrastrukturës energjetike, duke kontribuar në qëndrueshmërinë mjedisore dhe zhvillimin ekonomik në rajon.

REDAKTUAR nga:

“KORÇA BOOM”

Aksioni i pastrimit paraditen e kësaj të shtune, bashkë me nxënësit, mësues dhe punonjës për

të dhënë një mesazh kuptimplotë në ruajtjen dhe mbajtjen pastër të ambienteve të

përbashkëta publike. Mirënjohje për këdo që iu bashkua kësaj nisme!

REDAKTUAR nga:

“KORÇA BOOM”