Unë jam Steisi Yzeiri, nxënëse dhe senatore e klasës XIIF. Falë mbështetjes së miqve të mi dhe nxënësve që duan të kenë një vit shkollor të bukur dhe argëtues, ju prezantohem si presidentja juaj e ardhshme. Me një pjesë prej jush njihemi nga aktivitetet shkollore dhe jashtëshkollore, ku kemi qënë pjesëmarrës dhe këto aktivitete, statistikisht jane te shumta në CV time. Pjesëmarrja ime në këto aktivitete si lider, pjesëmarrëse apo si fituese më ka mësuar dhe përmirësuar aftësitë e mia komunikuese,drejtuese,oranizuese, bashkëpunuese dhe më ka qartësuar idetë dhe objektivat në aspekte që lidhen ngushtë në procesin e dije marrjes, ambjentin shkollor, por njëkohësisht edhe në integrimin e shoqërisë bashkëkohore dhe vec këtyre kritereve formale që më cojnë një hap pranë këtij posti, dua të rikujtoj që edhe unë jam nxënëse e këtyre bankave dhe mikja e një pjese prej jush, cka më avantazhon në inteligjencën time emocionale , në problematikat e përditshmërisë dhe mënyrën e të menduarit si nxënëse dhe bashkëmoshatare. Përpara se të prezantoj planin tim, dua të theksoj se unë jam zëri juaj i lartë ndaj cdo ide do të mirëpritet dhe diskutohet për të bërë zgjedhjen më të kënaqshme të shumicës. Qëllimi im është të krjoj vitin më të bukur dhe argëtues shkollor.

PLANIMI IM

Forcimi i përfaqësimit studentor të funksionojë si një zë i vetëm për të marrë vendime që shumica i dëshiron, nëpërmjet krijimit të një forumi të zërit të nxënësve ku do të zhvillohen mbledhje dhe komunikime të rregullta për cdo cështje dhe me administrarën e shkollës.

Aktivitete kurikulare:Këtu përfshihen aktivitete në nderim dhe respekt të ditëve të vecanta kalendarike që kanë lënë shenjë historike dhe sociale si:

Festat e Nëntorit

Festat e Mësuesit

Dita Kundër Dhunës ndaj Grave

Muaji i Autizmit

Dita e Rinisë

Muaji Rozë

Panairi i Librit

Panairi i Gatimit

Karnavalet

Dita e Tokës

Dita e Dëshmorëve

Festat e Fundvitit

RINSHOW

Në kuadër të tyre do të zhvillojmë aktivitete, shfaqe, vizita sensibilizuese ku të gjithë nxënsit do të jenë pjesmarrës të paktën një herë në këto aktivitete.

Krijimi i klubeve të nxënsve për të gjithë ata që jan t apasionuar në fusha të ndryshme si arti, muzika, teknologjia dhe kodimi, leximi, debati,ambjentalistët,drama dhe teatri duke pasur mundësite shpalosin dhe të gjejnë veten e tyre në aktivitetet e krijuara nga vetë ata brenda shkollës si psh një ekspozitë pikturash.Të gjitha këto grupe talentesh do të shfaqin shpirtin e tyre krijues në shfaqen më të madhe të organizuar mes shkollave, Rinshow

Aktivitete dhe ture sportive,duke zhvilluar kampionate midis klasave në disiplina të ndryshme,

Festat dhe mbrëmjet shkollore ku do të organizojmë ballo dhe festa me tematika të ndryshme duke mos harruar impenjimin e të gjithëve në Mbremjen e Maturës.

Organizimi i një balloje në ambjentet e palestrës së shkollës me tematikën dhe kodin e veshjes

Party pranë festave të Fundvitit

Balloja e Pranverës

Party për Halloween

Festa në bashkëpunim me gjimnazet e tjera.

Fushata për mirqënien e nxënësve, ndërmjetësimi në zgjidhjezgjidhjen e problematikave dhe projekte për të luftar një fenomen të përhapur si bullizmi, promovimi nëpërmjet aktiviteteteve mbi shëndetin dhe mirqënien mendore të nxënësve në bashkëpunim me administratën e shkollës dhe bordin e prindërve për të lehtësuar mbingarkesën dhe stresin.

Përmirësimi i ambjentit shkollor si pastrimi dhe mirëmbajtja e hapësirës përreth nesh si dhe shtimi i lehtësirave si pasurimi i bibliotekës, laburatoreve dhe ambjenteve të tjera shkollore.

Bashkëpunimi me komunitetin duke zhvilluar projekte sociale që ndihmojnë komunitetin si bamirësia,fushata ndërgjegjësimi në cështjet sociale, duke krijuar eksperienca edhe me shkollat e tjera.

Krijimi i kutisë së ankesave

Krijimi i një libri dixhital për të memorizuar përmes fotove kujtimet e shkollës tonë si një trashigimi për brezat e nxënësve të ardhshëm.

Ekskursion “Shtigjet e Shqipërisë” nëse lejohen nga drejtoria arsimore.

Konkursi i fotografisë dhe të gjitha konkurset e tjera të zhvilluara nga drejtoria e shkollës.

Këshillim kariere me nxënës të degëve dhe universiteteve të ndryshme për të ndihmuar sadopak në zgjedhjet e profilizimit tuaj.

Mbremja e Matures në të cilën do të zgjedhim Prom Queen & Prom King

Dita e graduimit dhe tradita e hedhjes së kapelave për të urruar suksese të gjithë maturantëve duke mos harruar falenderimetsi për mësuesit dhe për të gjithë ata që lehtësuan dhe zbukuruan këtë udhëtim drejt rrugës së të ardhmes.

ARSYET E KANDIDATURES TIME

Gjithmonë e gatshme për të përfaqësuar interesat e nxënësve

Pasioni për ndryshime pozitive

E hapur ndaj çdo ideje apo problemi që secili prej jush mund të ketë

Aftësi komunikimi dhe lidershipi

Ndërgjegjësimi për nevojat e bashkëmoshatarëve

Kreativiteti dhe inovacioni

Diplomate dhe aftësi ne menaxhimin e problemeve

Çfarëdo që të zgjidhni, kujtoni: Jo të gjithë mund tju udhëheqin në mënyrën që duhet! Vizioni im, suksesi Ynë!

REDAKTUAR nga:

“KORÇA BOOM”

Shkolla “Bardhyl Pojani” në fshatin Pojan gati të presë nxënësit me standarte bashkëkohore mësimi.

Shkolla e rindërtuar “Bardhyl Pojani” në Pojan të bashkisë Maliq do të presë së shpejti nxënësit dhe mësuesit e kësaj zone, duke ofruar për ta një mjedis arsimor me standarde bashkëkohore, falë investimit të Ministrisë së Arsimit dhe Sportit dhe Bashkisë Maliq.

Bashkia Maliq e pati si prioritet të projekteve të saj këtë shkollë për të shmangur mësimin me dy turne të nxënësve atje, duke investuar në një godinë të amortizuar.

REDAKTUAR nga:

“KORÇA BOOM”

Unë quhem Anika Hali, senatore në klasën e XIIB, kandidaturë për postin e presidencës 2024-2025 në gjimnazin “Raqi Qirinxhi”. Besoj se shumë prej jush më njohin,pasi kontributi im për shkollën ka qënë gjithmonë i pranishëm. Preferoj të jem një vajzë,e cila merr pjesë në shumë aktivitete të shkollës e ndonjeherë dhe të marr drejtimin e tyre. Duke qënë pjesë e pandashme e grupit organizues kam arritur të kuptoj se për çfarë ndryshimesh ka nevojë vertetë shkolla jonë. Talentet e përfituara pas çdo eksperience që kam kaluar më kanë bërë të jem pjesë e shumë organizimeve jo vetëm të shkollës sonë por dhe të qytetit të Korçës. Uroj të jem njeriu i duhur në të cilin mund të gjeni përkrahje për të shprehur gjithmonë mendimet tuaja. Do të jem zëri juaj në çdo hap që do të hedhim së bashku, për të mirën e përbashkët. Karakteri im i bazuar në ndienjat humane, do të bëjë komunikimin tonë, çelësin e suksesit, të gjithë bashkë do të sjellim ndryshimin.

Plani vjetor shkollor:

1.Dita ndërkombëtare e të moshuarëve

2.Java portokalli (aktivitet sensibilizues:”Stop dhunës ndaj grave”)

3.Dita info- sensibilizuese në nder të Tetorit “rozë”

4.Dita ndërkombëtare e të drejtave të fëmijëve

5.Aktivitet për 28-29 Nëntorin

6.Muaji i vullnetarizmit

7.Organizim mbi festat e fundvitit.

8.Konkursi i drejtshkrimit.

9.Organizim mbi 7-8 Marsin.

10.Panairi i ushqimeve tradicionale.

11.Kampionati i sporteve (basketboll,futboll,volejboll)

12.Zhvillimi i konkurseve të shkencës.

13.Karnavalet e shkollës.

14. 2 Ballo organizuar nga shkolla.

Objektivat e mija lidhur me planin vjetor:

1.Organizimi i klubeve të shkollës: Shkolla jonë

ka shumë talente e për këtë është e domosdoshme krijimi i klubeve si i sportit, aktrimit, pikturës, këngës, librit, shkencave.

Klubi i sportit-Çdokush i lidhur me sportet e që zotëron aftësi,njeh rregullat e bashkëpunimit do të jetë pjese e këtij Klubi. Do të organizohen ndeshje në ditë të veçanta ku çdokush do të jetë i lirë të luaj në palestrën e shkollës. Finalizimi do të jetë i mundur me realizimin e “Kampionatit të sportit” ku në fund do të ndahen çmimet sipas klasave pjesëmarrëse.

Klubi i aktrimit- Kam hasur të njoh shumë talente në këtë fushë kështu që ky klub do të arrijë të interpretojë një shfaqje në fundin e vitit shkollor,në ambientet e hollit ku gjithçka do t’i përngjajë një teatri eksperimental.

Klubi i pikturës-Piktura është mënyra më e mirë e hedhjes së ndienjave në telajo, kështu që të gjithë të talentuarit do të jenë të lirë ta bëjnë këtë. Një ekspozitë me punime do të realizohet në fillim të muajit mars me temë: “Një stinë si pranvera”, ku peisazhet e pikturuara nga ju do të flasin vetë.

Klubi i këngës-Bazuar tek zërat pjesmarrës në korin e shkollës ky klub do të merret me përgatitjet e konkursit të këngës ,ku çdo klase do të përfaqësohet nga një material pjesmarrës në “Këngët e Shekullit” dhe kështu këngëtarët tanë do të shpalosin talentin e tyre.

Klubi i librit – Do të vazhdohet ti jepet zë këtij klubi, i cili aktualisht në shkollën tonë nuk është shumë aktiv. Çdokush i cili është i aftë të shkruajë poezi dhe tekste, e ndien veten afër me librin,duhet të jetë pjesë e këtij klubi. Podcasti i shkolles do të jetë i hapur për këdo që do zgjedhë të paraqesë shkrimet e tij në një studio të mirfilltë.

Klubi i shkencave -Dhe kushdo që ka prirje në shkenca do të jenë pjesë e këtij grupi ku do të jenë të shpeshta organizimet e quizz-eve apo konkurseve që do i përkasin lëndëve të fizikës,kimisë,matematikës e biologjisë.

2.Shfaqja e filmave në bibliotekën e shkollës.

Do të ishte e domosdoshme që të shikonim filma ne biblotekën e shkollës ku klasa të caktuara në orarin e caktuar do të shikonin filmin e përzgjedhur nga vetë ata. Kështu do të kalonim disa momente zbavitëse duke përzgjedhur filma që do të jenë pjesë ndihmëse dhe e orëve tona mësimore.

3.Krijimi i një albumi apo libri fotografik (Yearbook) i maturantëve ku çdokush do të ketë disa kujtime gjithmonë me vete në atë libër.

4.Organizimi i ballove me maska. Çdokush i cili do të marrë ftesën do të jetë pjesë e një balloje me maska, ku veshja dhe kërcimet klasike do të jenë e veçanta.

Aftësitë e mija si kandidate:

1-Jam bashkëpunuese dhe zotëroj aftësi të mira komunikimi.Çdokush që më njeh e di fprt mirë se unë dëgjoj dhe ndihmoj. Kam zgjedhur kështu pasi kjo shkollë ka nevojë për të tillë individë.

2-Kam aftësi drejtuese dhe për mua objektivat e vendosura duhet patjetër të plotësohen. Preferoj të jem drejtuese por gjithmonë me dëshirën e të gjithëve, për mua duke qënë e tillë mund të bëhesh e sukseshme në qëllimet e tua.

3-Të sjell risi në shkollë duke e bërë atë një ambient edhe më komod dhe argëtues, pa harruar detyrat dhe obligimet. Një shkollë e mbushur me mësime dhe aktivitete,ndërthurrur sa më bukur bashkë do të ishte idealja për të gjithë.

4-Të jem një vajzë e cila të plotësojë sa më mirë imazhin e shkollës “Raqi Qirinxhi”.Shpresoj të jem një model për të gjithë!

Mendo të ardhmen, zgjidh tani!

REDAKTUAR nga:

“KORÇA BOOM”

Përshëndetje të nderuar nxënës dhe mësues/e!

Unë jam Mikael Lipi, nxënës në klasën e XIIA, në seksionin dygjuhësh dhe kam vendosur të shpall kandidaturën time për President të gjimnazit “Raqi Qirinxhi” për vitin shkollor 2024-2025.

Arsyet se përse unë kam vendosur të shpall kandidaturën time për të qënë zëri dhe përfaqësuesi i të gjithë nxënësve të gjimnazit “Raqi Qirinxhi” është, sepse jam një person ambicioz, largpamës, ideator dhe një njeri shumë bashkëpunues me këdo i cili dëshiron të shprehë një talent, një problematikë apo dëshire për ti sjellë gjimnazit dhe nxënësve tanë nje risi në shkollën e tyre.

Kontributi im në organizimin ,ideimin dhe pjesëmarrjen në çdo aktivitet apo konkurs që shkolla ka organizuar, vërteton më së miri aftësite dhe vlerat e mia si nje person që di të organizojë, vlerësoje, analizojë dhe zgjidhë çdo problem për të përfaqësuar sa më denjësisht ,ashtu sic e meriton , gjimnazi “Raqi Qirinxhi”, mesuesit dhe nxenesit e tij.

Për këtë qëllim, do të doja t’iu bëja të ditur planin vjetor shkollor për aktivitetet gjithashtu bashkëngjitur me to, të shpalos dhe idetë e mia të reja për të sjellë risi dhe kënaqesi në realizimin e tyre .

Plani Vjetor Shkollor 2024-2025:

1.Dita Ndërkombëtare e të moshuarve , datë 14 dhjetor.

2.Java portokalli

3.Dita ndërkombëtare kunder dhunës ndaj grave , date 25 nëntor.

4.Dita Ndërkombëtare e Fëmijëve , datat 20 nëntor /1 qershor

5. Aktivitete për Ditën e Pavaresisë dhe Clirimit , datat 28-29 Nentor

6.Dita Botërore e Vullnetarizimt, datë 5 dhjetor

7.Festat e Fundvitit, periudha 25 dhjetor -31 dhjetor

8.Konkursi i Drejtshkrimit

9.Panair me ushqime tradicionale

10. Aktivitete për Festat e 7-8 Marsit

11.Aktiviteti shkollor i shahut dhe pikturës

12.Karnavalet e Shkollës

13. Dy Ballo të Shkollës

14. Muaji i librit

Plani vjetor mbi idetë e reja:

Si fillim për të qënë sa më të qartë dhe produktivë në punën që do të bëjmë, në muajin e ardhshëm, do të organizojmë një sondazh i cili do të vendosë në veprim të gjithë senatorët në klasat e tyre përkatese.

Ata do të shpërndajnë tek nxenesit një format, tek i cili nxënesit mund të shprehin kerkesa të caktuara personale në lidhje me procesin mësimor dhe edukativ, si dhe do të shprehin aftesitë ,preferencat dhe fushat ku ata e ndjejnë veten më komode dhe më produktive. Kështu do të kuptojmë talentin dhe prirjet e secilit nxënës ,si dhe idëtë e tyre .

Rezultatet e këtij sondazhi,do e bëjnë më të lehtë punën tonë në mbledhjen dhe organizimin e grupeve artistike, si dhe atyre shkencore dhe sportive, per të filluar sa më pare me realizimin e objektivave shkollorë dhe njëkohësisht aktivizimin e çdo nxënësi.

Më pas do të hartohet një raport perfundimtar, i cili do të shpallë, të gjitha klubet, të cilat do ti nevojiten shkollës për të realizuar aktivitetet saj dhe nxenesit do ta perfshijnë veten, duke shkruar emër-mbiemër dhe klasën ,në klubin të cilin ata do të dëshirojnë të angazhohen. Ne këtë mënyrë ata do të ndjejnë njëkohësisht edhe përgjegjesinë në realizimin me sukses të çdo aktiviteti në dobi të tyre dhe të gjimnazit në tërësi.

Pasi të jetë kryer me sukses ky proces do të vazhdojmë me aktivitetet e mëposhtme:

1.Kampionati sportiv i klasave

Konkurs ky që do të vërë përballe njëra-tjetrës të gjitha klasat pjesëmarrëse në këtë event në disiplinat football, basketball, volleyball. Me qëllim promovimin e frymës sportive në shkollën tonë, evidentimin e talenteve dhe grumbullimin e tyre për të formuar ekipet sportive në shkollë, të cilat do të përfaqësojnë gjimnazin Raqi Qirinxhi në kompeticionet përkatëse.

2.Skena Shqiptare

Aktivitet i cili do të sjellë risi dhe përkrahje nga nxënësit vëçanërisht të apasionuarit pas aktrimit. Skena Shqiptare do të bëjë të mundur vënien në jëtë të shfaqeve të ndryshme shqiptare ,të cilat do të riinterpretohen nga nxenesit tanë. Qëllimi është njohja dhe vlerësimi nga të gjithë nxënësit ,e veprave të mëdha të autor

REDAKTUAR nga:

“KORÇA BOOM”

Korçë/Vijojnë takimet informuese dhe sensibilizuese në shkolla.

Në zbatim të marrëveshjes së bashkëpunimit mes Ministrisë së Brendshme dhe Ministrisë së Arsimit dhe Sportit, për programin “Siguria e të rinjve”, shërbimet e Policisë kanë vijuar takimet sensibilizuese me nxënësit e shkollës 9-vjeçare të fshatit Çaushli.

Gjatë takimit të zhvilluar nga ndihmësspecialisti i DVP Korçë, me nxënësit dhe stafin pedagogjik të kësaj shkolle, u bashkëbisedua për çështje që lidhen me trafikimin e qenieve njerëzore, bullizmin dhe format e shfaqes së tij, për dhunën në shkollë dhe në familje, për sigurinë që ofron interneti.

Punonjësit e Policisë kishin përgatitur materiale ilustruese për nxënësit, për të pasur një bashkëbisedim më të thjeshtë dhe më praktik ndërmjet tyre. Nxënësit treguan interes për çështjet që u diskutuan dhe iu drejtuan pyetje të ndryshme, punonjësve të Policisë.

REDAKTUAR nga:

“KORÇA BOOM”

DITA EVROPIANE E GJUHËVE-VEPRIMTARI NË UNIVERSITETIN “FAN S. NOLI”

Në kuadër të Ditës Evropiane të Gjuhëve, në mjediset e UNIKO po zhvillohet veprimtaria me temë: “Mbi praktikën e përkthimit letrar shqip-frëngjisht bazuar në përvojën e Evelyne Noygues, përkthyese letrare në Francë.

Kjo veprimtari vjen si një bashkëpunim i departamentit të Gjuhwve tw Huaja INIKO me Aleancën Franceze të Korçës dhe me Qendrën e Botimeve pwr Diasporwn.

Takimi u fokusua në diskutime mbi profesionalizimin e përkthimit letrar, në rolin që kanë shoqatat profesionale nëpërmjet faqeve të tyre në internet për njohjen dhe trajnimin e përkthyesve, ndërsa pjesë e tij është edhe workshopi, ku pjesëmarrësit do të diskutojnë bazuar në përkthime që kanë realizuar nxënës të seksionit dygjuhësh, shkolla e mesme e përgjithshme “ Raqi Qirinxhi”, të cilët kanë përzgjedhur pjesë nga autorë shqipfolës në frëngjisht.

Disa nga librat përkthyer znj. Noygues i dhuroi për bibliotekën e FEF.

REDAKTUAR nga:

“KORÇA BOOM”

Pogradec

Në zbatim të programit “Siguria e të rinjve”, në shkollën 9-vjeçare Dunicë, u zhvillua një orë edukative me nxënësit e klasave të gjashta.

Gjatë kësaj ore u trajtuan temat dhuna në shkollë dhe në familje, bullizmi dhe bullizmi kibernetik, trafikimi i qenieve njerëzore dhe

siguria në internet.

Nxënësit u njohën me llojet e dhunës në shkollë dhe në familje, me bullizmin dhe shfaqjen e tij në forma të ndryshme, shkaqet e dhunës në shkollë dhe në familje, masat parandaluese ndaj bullizmit dhe dhunës në përgjithësi.

Gjatë orës edukative, nxënësit treguan interes dhe drejtuan pyetje të ndryshme mbi temat që u diskutuan.

REDAKTUAR nga:

“KORÇA BOOM”

SOT NË UNIVERSITETIN “FAN S. NOLI”

Studentë të programeve të studimit Bachelor dhe të programeve profesionale 2-vjeçare po zhvillojnë provimin e formimit dhe temen për mbrojtjen e diplomës.

SUKSESE!

REDAKTUAR nga:

“KORÇA BOOM”

– Biblioteka Publike”Mitrush Kuteli” –

Vogëlushët e kopshtit “Tomka Laçka” së bashku me mësueset Monika dhe Mira vizituan ambientet e bibliotekës.

Dëgjuan me vëmendje përrallën “Derrkuci që bëri dush” nga autori Tasim Gjokutaj si dhe zhvilluam nje bisedë rreth këtij libri.

Faleminderit vogëlushëve për këtë ditë të bukur!

REDAKTUAR nga:

“KORÇA BOOM”

Ekoturizmi në Prespë, zonë kyçe e Balkania Route, luan një rol të rëndësishëm në ruajtjen e biodiversitetit të pasur dhe trashëgimisë kulturore të rajonit, duke promovuar një zhvillim miqësor me mjedisin për komunitetet lokale.

Kjo nismë e organizatës PPNEA, jo vetëm që u ofron vizitorëve mundësinë e njohjes me peizazhet dhe speciet unike të Prespës, por gjithashtu mbështet nismat e vazhdueshme për ruajtjen e faunës së rrezikuar.

25 nxënës nga shkollat e mesme “Dy dëshmorët” në Pustec dhe “Abdulla Progri” në Progër prezantuan idetë e tyre për të formësuar të ardhmen e ekoturizmit. Ata diskutuan mbi sfidat e së shkuarës, pengesat aktuale dhe dhanë zgjidhje kreative për të çuar përpara këtë sektor kaq të rëndësishëm Më pas vizituam fshatin Goricë e Vogël për një ekspeditë në terren, ku nxënësit morën pjesë në monitorimin e shpendëve të ujit si çafkat dhe karabullakët, duke mësuar nga afër për rolin e tyre jetik në ekosistemin lokal.

Liqenet e Prespës janë thelbësore për këto lloje, duke shërbyer si habitate kritike për folezimin, ushqimin dhe migrimin. Me një larmi të pasur shpendësh të ujit, Parku Kombëtar i Prespës është një zonë kyçe për ruajtjen e tyre.

REDAKTUAR nga:

“KORÇA BOOM”