Unë quhem Laura Guri nxënëse e të XII B dhe këtë vit ndryshe nga herët e tjera po ju prezantohem si kandidante për të dhënë kontributin tim ne Qeverinë e nxënësve dhe në të gjithë shkollën ama këtë herë jo si senatore por si presidente e shkollës sonë.Besoj se shumë nga ju më njihni duke qenë se prej dy vitesh kam qenë e përfshirë në aktivitete jo vetëm brenda por dhe jashtë shkollore,trajnime,klube shkollore,festa e organizime të ndryshme duke dhënë idetë e mia të reja dhe inovative.Mendoj se vlera kryesore e cila më nxiti për të kandiduar është bashkëpunimi madje të qenit pjesëmarrëse në aktivitete më ka mësuar shumë rreth organizimit të tyre dhe të qenit aktive më ka ndihmuar të krijoj një marrëdhënie të mirë me stafin shkollor ,nxënësit si dhe punonjëset sociale të shkollës sonë.Me ambicien time ,guximin,gjithëpërfshirjen,tolerancën,bashkëpunimin ashtu sic e përmenda edhe më sipër si dhe përkushtimin e seriozitetin që jap kur më ngarkohet një punë mendoj se jam një kandidaturë e denjë për presidente në gjimnazin “Raqi Qirinxhi” 2024-2025!Angazhimi im maksimal bashkë me senatorët,mësuesit, drejtorinë dhe me gjithsecilin prej jush do të më ndihmoje ta bëjmë shkollën institucionin tuaj të preferuar!

Për sa i përket planit tim shkollor që propozoj si lidere e Qeverisë së nxënësve po rendis:

1.Dita ndërkombetare e të moshuarve(organizimi i një eskursioni -Vizita në një qendër për të moshuarit)

2.Java portokalli 25 nëntor-10 dhjetor Dita ndërkombëtare për eliminimin e dhunës ndaj grave.(dita me ngjyrë portokalli,veshja e vendosja e bluzave dhe shiritave portokalli;intervistë me psikologen e shkollës dhe realizimi i një këndi informativ)

3.Aktivitete për 28-29 Nëntorin.

4.Dita Botërore e Vullnetarizmit

5.Festat e fundvitit

6.Karnavalet e shkollës(vazhdimi i traditës)

7. 1Eskursion shkollor

8. 2 Ballo

10.Matura

Risitë e mia:

1-Hackathon Social(nxënësit ndahen në grupe për të zhvilluar zgjidhje inovative për probleme sociale duke përfshirë këtu teknologjinë por jo vetëm!)

2-Ballo me kod veshjeje

3-Konkurs për inovacionin e gjelbër(nxënësit konkurrojnë për të krijuar projekte që promovojnë qendrueshmërinë dhe mbrojtjen e mjedisit në këtë ide përfshijmë riciklimin)

4-Maratona e Leximit( konkurs për numrin më të madh të librave të lexuara brenda një jave)

5-Krijimi i këndit të përshtypjeve(nxënësit shkruajnë përshtypjet e tyre)

6-Dhuro një libër për pasurimin e bibliotekës së shkollës

Përse duhet të zgjidhem unë?

-Do jem mbështetja juaj për cdo problematike që mund të hasni!Shkolla është vendi ku ne shpenzojmë një pjesë të mirë të ditës sonë prandaj dhe problematikat nuk mund të evitohen por unë do të jem kudo për ju!

-Aftësi të mira komunikimi

-Qëllimi im është të nxit aktivitete të reja për të përfocuar imazhin e shkollës sonë!

Bëni zgjedhjen e duhur,më zgjidhni mua!

Leading for change!

REDAKTUAR nga:

“KORÇA BOOM”

Përshëndetje të nderuar nxënës dhe mësues/e!

Unë jam Mikael Lipi, nxënës në klasën e XIIA, në seksionin dygjuhësh dhe kam vendosur të shpall kandidaturën time për President të gjimnazit “Raqi Qirinxhi” për vitin shkollor 2024-2025.

Arsyet se përse unë kam vendosur të shpall kandidaturën time për të qënë zëri dhe përfaqësuesi i të gjithë nxënësve të gjimnazit “Raqi Qirinxhi” është, sepse jam një person ambicioz, largpamës, ideator dhe një njeri shumë bashkëpunues me këdo i cili dëshiron të shprehë një talent, një problematikë apo dëshire për ti sjellë gjimnazit dhe nxënësve tanë nje risi në shkollën e tyre.

Kontributi im në organizimin ,ideimin dhe pjesëmarrjen në çdo aktivitet apo konkurs që shkolla ka organizuar, vërteton më së miri aftësite dhe vlerat e mia si nje person që di të organizojë, vlerësoje, analizojë dhe zgjidhë çdo problem për të përfaqësuar sa më denjësisht ,ashtu sic e meriton , gjimnazi “Raqi Qirinxhi”, mesuesit dhe nxenesit e tij.

Për këtë qëllim, do të doja t’iu bëja të ditur planin vjetor shkollor për aktivitetet gjithashtu bashkëngjitur me to, të shpalos dhe idetë e mia të reja për të sjellë risi dhe kënaqesi në realizimin e tyre .

Plani Vjetor Shkollor 2024-2025:

1.Dita Ndërkombëtare e të moshuarve , datë 14 dhjetor.

2.Java portokalli

3.Dita ndërkombëtare kunder dhunës ndaj grave , date 25 nëntor.

4.Dita Ndërkombëtare e Fëmijëve , datat 20 nëntor /1 qershor

5. Aktivitete për Ditën e Pavaresisë dhe Clirimit , datat 28-29 Nentor

6.Dita Botërore e Vullnetarizimt, datë 5 dhjetor

7.Festat e Fundvitit, periudha 25 dhjetor -31 dhjetor

8.Konkursi i Drejtshkrimit

9.Panair me ushqime tradicionale

10. Aktivitete për Festat e 7-8 Marsit

11.Aktiviteti shkollor i shahut dhe pikturës

12.Karnavalet e Shkollës

13. Dy Ballo të Shkollës

14. Muaji i librit

Plani vjetor mbi idetë e reja:

Si fillim për të qënë sa më të qartë dhe produktivë në punën që do të bëjmë, në muajin e ardhshëm, do të organizojmë një sondazh i cili do të vendosë në veprim të gjithë senatorët në klasat e tyre përkatese.

Ata do të shpërndajnë tek nxenesit një format, tek i cili nxënesit mund të shprehin kerkesa të caktuara personale në lidhje me procesin mësimor dhe edukativ, si dhe do të shprehin aftesitë ,preferencat dhe fushat ku ata e ndjejnë veten më komode dhe më produktive. Kështu do të kuptojmë talentin dhe prirjet e secilit nxënës ,si dhe idëtë e tyre .

Rezultatet e këtij sondazhi,do e bëjnë më të lehtë punën tonë në mbledhjen dhe organizimin e grupeve artistike, si dhe atyre shkencore dhe sportive, per të filluar sa më pare me realizimin e objektivave shkollorë dhe njëkohësisht aktivizimin e çdo nxënësi.

Më pas do të hartohet një raport perfundimtar, i cili do të shpallë, të gjitha klubet, të cilat do ti nevojiten shkollës për të realizuar aktivitetet saj dhe nxenesit do ta perfshijnë veten, duke shkruar emër-mbiemër dhe klasën ,në klubin të cilin ata do të dëshirojnë të angazhohen. Ne këtë mënyrë ata do të ndjejnë njëkohësisht edhe përgjegjesinë në realizimin me sukses të çdo aktiviteti në dobi të tyre dhe të gjimnazit në tërësi.

Pasi të jetë kryer me sukses ky proces do të vazhdojmë me aktivitetet e mëposhtme:

1.Kampionati sportiv i klasave

Konkurs ky që do të vërë përballe njëra-tjetrës të gjitha klasat pjesëmarrëse në këtë event në disiplinat football, basketball, volleyball. Me qëllim promovimin e frymës sportive në shkollën tonë, evidentimin e talenteve dhe grumbullimin e tyre për të formuar ekipet sportive në shkollë, të cilat do të përfaqësojnë gjimnazin Raqi Qirinxhi në kompeticionet përkatëse.

2.Skena Shqiptare

Aktivitet i cili do të sjellë risi dhe përkrahje nga nxënësit vëçanërisht të apasionuarit pas aktrimit. Skena Shqiptare do të bëjë të mundur vënien në jëtë të shfaqeve të ndryshme shqiptare ,të cilat do të riinterpretohen nga nxenesit tanë. Qëllimi është njohja dhe vlerësimi nga të gjithë nxënësit ,e veprave të mëdha të autor

REDAKTUAR nga:

“KORÇA BOOM”

Korçë/Vijojnë takimet informuese dhe sensibilizuese në shkolla.

Në zbatim të marrëveshjes së bashkëpunimit mes Ministrisë së Brendshme dhe Ministrisë së Arsimit dhe Sportit, për programin “Siguria e të rinjve”, shërbimet e Policisë kanë vijuar takimet sensibilizuese me nxënësit e shkollës 9-vjeçare të fshatit Çaushli.

Gjatë takimit të zhvilluar nga ndihmësspecialisti i DVP Korçë, me nxënësit dhe stafin pedagogjik të kësaj shkolle, u bashkëbisedua për çështje që lidhen me trafikimin e qenieve njerëzore, bullizmin dhe format e shfaqes së tij, për dhunën në shkollë dhe në familje, për sigurinë që ofron interneti.

Punonjësit e Policisë kishin përgatitur materiale ilustruese për nxënësit, për të pasur një bashkëbisedim më të thjeshtë dhe më praktik ndërmjet tyre. Nxënësit treguan interes për çështjet që u diskutuan dhe iu drejtuan pyetje të ndryshme, punonjësve të Policisë.

REDAKTUAR nga:

“KORÇA BOOM”

DITA EVROPIANE E GJUHËVE-VEPRIMTARI NË UNIVERSITETIN “FAN S. NOLI”

Në kuadër të Ditës Evropiane të Gjuhëve, në mjediset e UNIKO po zhvillohet veprimtaria me temë: “Mbi praktikën e përkthimit letrar shqip-frëngjisht bazuar në përvojën e Evelyne Noygues, përkthyese letrare në Francë.

Kjo veprimtari vjen si një bashkëpunim i departamentit të Gjuhwve tw Huaja INIKO me Aleancën Franceze të Korçës dhe me Qendrën e Botimeve pwr Diasporwn.

Takimi u fokusua në diskutime mbi profesionalizimin e përkthimit letrar, në rolin që kanë shoqatat profesionale nëpërmjet faqeve të tyre në internet për njohjen dhe trajnimin e përkthyesve, ndërsa pjesë e tij është edhe workshopi, ku pjesëmarrësit do të diskutojnë bazuar në përkthime që kanë realizuar nxënës të seksionit dygjuhësh, shkolla e mesme e përgjithshme “ Raqi Qirinxhi”, të cilët kanë përzgjedhur pjesë nga autorë shqipfolës në frëngjisht.

Disa nga librat përkthyer znj. Noygues i dhuroi për bibliotekën e FEF.

REDAKTUAR nga:

“KORÇA BOOM”

Pogradec

Në zbatim të programit “Siguria e të rinjve”, në shkollën 9-vjeçare Dunicë, u zhvillua një orë edukative me nxënësit e klasave të gjashta.

Gjatë kësaj ore u trajtuan temat dhuna në shkollë dhe në familje, bullizmi dhe bullizmi kibernetik, trafikimi i qenieve njerëzore dhe

siguria në internet.

Nxënësit u njohën me llojet e dhunës në shkollë dhe në familje, me bullizmin dhe shfaqjen e tij në forma të ndryshme, shkaqet e dhunës në shkollë dhe në familje, masat parandaluese ndaj bullizmit dhe dhunës në përgjithësi.

Gjatë orës edukative, nxënësit treguan interes dhe drejtuan pyetje të ndryshme mbi temat që u diskutuan.

REDAKTUAR nga:

“KORÇA BOOM”

SOT NË UNIVERSITETIN “FAN S. NOLI”

Studentë të programeve të studimit Bachelor dhe të programeve profesionale 2-vjeçare po zhvillojnë provimin e formimit dhe temen për mbrojtjen e diplomës.

SUKSESE!

REDAKTUAR nga:

“KORÇA BOOM”

– Biblioteka Publike”Mitrush Kuteli” –

Vogëlushët e kopshtit “Tomka Laçka” së bashku me mësueset Monika dhe Mira vizituan ambientet e bibliotekës.

Dëgjuan me vëmendje përrallën “Derrkuci që bëri dush” nga autori Tasim Gjokutaj si dhe zhvilluam nje bisedë rreth këtij libri.

Faleminderit vogëlushëve për këtë ditë të bukur!

REDAKTUAR nga:

“KORÇA BOOM”

Ekoturizmi në Prespë, zonë kyçe e Balkania Route, luan një rol të rëndësishëm në ruajtjen e biodiversitetit të pasur dhe trashëgimisë kulturore të rajonit, duke promovuar një zhvillim miqësor me mjedisin për komunitetet lokale.

Kjo nismë e organizatës PPNEA, jo vetëm që u ofron vizitorëve mundësinë e njohjes me peizazhet dhe speciet unike të Prespës, por gjithashtu mbështet nismat e vazhdueshme për ruajtjen e faunës së rrezikuar.

25 nxënës nga shkollat e mesme “Dy dëshmorët” në Pustec dhe “Abdulla Progri” në Progër prezantuan idetë e tyre për të formësuar të ardhmen e ekoturizmit. Ata diskutuan mbi sfidat e së shkuarës, pengesat aktuale dhe dhanë zgjidhje kreative për të çuar përpara këtë sektor kaq të rëndësishëm Më pas vizituam fshatin Goricë e Vogël për një ekspeditë në terren, ku nxënësit morën pjesë në monitorimin e shpendëve të ujit si çafkat dhe karabullakët, duke mësuar nga afër për rolin e tyre jetik në ekosistemin lokal.

Liqenet e Prespës janë thelbësore për këto lloje, duke shërbyer si habitate kritike për folezimin, ushqimin dhe migrimin. Me një larmi të pasur shpendësh të ujit, Parku Kombëtar i Prespës është një zonë kyçe për ruajtjen e tyre.

REDAKTUAR nga:

“KORÇA BOOM”

Vijon puna pranë Kabineteve Dentare të Shërbimit Stomatologjik pranë NJVKSH Korçë dhe prane Kabineteve Dentare të pozicionuara në shkollat 9- vjeçare:

“Stavri Themeli”, “Sotir Gura” dhe në shkollën e mesme te bashkuar “ Bardhyl Pojani”.

Fëmijët e moshës 0-18 vjeç mund të marrin shërbimin e nevojshëm pranë këtyre kabineteve dentare nga e hëna deri ditën e premte.

REDAKTUAR nga:

“KORÇA BOOM”

Si gjithmonë me rastin e Ditëve Evropiane të Trashëgimisë Muzeu i Arsimit organizon aktivitete me në qendër nxënësit e shkollave.

Për këtë vit duke u bazuar në temën: “Rrugë, rrjete dhe lidhje”, planifikuam lojën “Kërko thesarin” në bashkëpunim me klasën e IV të shkollës “Sotir Gurra”.

Loja konsistonte në gjetjen e një objekti të trashëgimisë kulturore i nxjerrë nga arkivat dhe i fshehur në muze. Për ta gjetur nxënësit duhet të kalonin në disa hapa duke mësuar ndërkohë historinë e Mësonjëtores dhe të disa personaliteteve kyç që luftuan për vazhdimësinë e shkollës.

Pasi nxënësit gjetën objektin, u diskutua rreth mbrojtjes, konservimit dhe transmetimit të qëndrueshëm të trashëgimisë tek brezat e ardhshëm.

REDAKTUAR nga:

“KORÇA BOOM”