Studenti-Skënderbeu 3-2

(23-25, 25-17, 25-15, 18-25, 15-13)

Skënderbeu: Sotir, Sheehan, Kamenica, Musaka, Driza, Cox, Lumani (L1)/ Shpata, Barçi, Ahmeti, Zhymi, Meço, Kula (L2). Trajner: Arben Prifti

Në javën e dytë të superligës së volejbollit për meshkuj, Skënderbeu ka bërë një paraqitje të mira, por mëkat që nuk fitoi, pasi u mposht 3-2 në kryeqytet nga Studenti, vetëm në pikët e fundit të setit të pestë final.

Skënderbeu me shumë ndryshime këtë sezon, me lojtarë të huaj ka zhvilluar ndeshjen e dytë në transfertë ndaj Studentit, ndërkohë që duhet thënë se seti i parë fitohet nga korçarët 23-25. Dy setet e tjera janë për Studentin që e mund Skënderbeun 25-17 dhe 25-15.

Korçarët e rrjetës zgjohen në setin e katërt që e fitojnë me lehtësi 18-25. Seti i pestë dhe final ka qenë dramatik deri në fund, por dy pikët e fundit i shënojnë volejbollistët e Studentit që fitojnë 3-2 dhe marrin 2 pikë, ndërkohë që Skënderbeu del nga kjo tansfertë me vetëm 1 pikë.

Në ndeshjen tjetër për javën e dytë Partizani ka fituar lehtësisht në Durrës ndaj Teutës 3-0.

Skënderbeu në volejboll për meshkuj ndodhet për momentin në vendin e tretë me 4 pikë, me 1 fitore dhe 1 humbje.

Suksese djemve të volejbollit të Skënderbeut!

REDAKTUAR nga:

“KORÇA BOOM”

Dy javët e para të kampionatit kombëtar të volejbollit kanë filluar me dy fitore për vajzat e trajnerit Orlando Koja. Një fitore 3-1 ndaj Teutës dhe së fundi fitorja 3-0 në kryeqytet ndaj Dinamos, kanë bërë që Skënderbeu të ketë 6 pikë, aq sa ka në fakt edhe Partizani, që ndodhet në krye pasi ka 6 sete të fituara dhe asnjë të pësuar.

Skënderbeu, kandidati numër një për fitimin e trofeut këtë sezon, ka filluar punën për t’u përgatitur për ndeshjen e radhës, teksa do të presë në shtëpi Vllazninë në javën e tretë.

Skënderbeu-Vllaznia luhet të shtunën e 28 shtatorit dhe do të startojë në orën 14:00 të mesditës dhe kjo tashmë është zyrtare në bazë edhe të kalendarit që ka miratuar qysh në fillim të sezonit FSHV-ja.

Padiskutim që vajzat bardhekuqe do të kërkojnë fitoren e tretë radhazi dhe kjo as që diskutohet.

Grupi po shkon drejt kolaudimit të plotë dhe vajzat janë përshtatur me njëra-tjetrën dhe stafi teknik është optimist për vazhdimin e kampionatit të cilin kanë si objektiv ta mbyllin pa asnjë humbje.

Në këtë mënyrë të gjithë tifozët korçarë duhet të jenë në mbështetje të skuadrës së tyre të zemrës këtë të shtunë në orën 14:00 ku i pret përballja Skënderbeu-Vllaznia.

Më poshtë sjellim edhe kalendarin e këtij kampionati me oraret dhe datat e përcaktuara tashmë.

Kalendari i Skënderbeut në volejboll për femra 2024-2025

FAZA I

Java 1 Skënderbeu-Teuta 3-1

Java 2 Dinamo-Skënderbeu 0-3

Java 3 Skënderbeu-Vllaznia                    28 shtator 2024     Ora 14:00

Java 4 Barleti Volley-Skënderbeu          5 tetor 2024            Ora 17:00

Java 5 Skënderbeu-Pogradeci                12 tetor 2024          Ora 17:00

Java 6 Skënderbeu-Partizani                  18 tetor 2024          Ora 17:00

Java 7 Tirana-Skënderbeu                       25 tetor 2024          Ora 18:00

FAZA II

Java 8 Teuta-Skënderbeu                        31 janar 2025         Ora 14:00

Java 9 Skënderbeu-Dinamo                    8 shkurt 2025         Ora 17:00

Java 10 Vllaznia-Skënderbeu                  14 shkurt 2025       Ora 14:00

Java 11 Skënderbeu-Barleti Volley       22 shkurt 2025       Ora 17:00

Java 12 Pogradeci-Skënderbeu             14 mars 2025          Ora 17:00

Java 13 Partizani-Skënderbeu                21 mars 2025          Ora 17:00

Java 14 Skënderbeu-Tirana                    28 mars 2025          Ora 17:00

Ishte pritur me interes debutimi i tij me Skënderbeun dhe Albi Doka e ka bërë një gjë të tillë fundjavën që kaloi, teksa u fut në fushën e lojës në minutën e 77-të në atë fitore ndaj Laçit 2-1 të Skënderbeut të rij.

Ka ditë që Albi Doka është bashkuar me skuadrën dhe sigurisht do kohë të përshtatet, apo të arrijë edhe formën e tij optimale, ndërkohë që 27-vjeçari më së fundi e ka bërë debutimin me fanelën bardhekuqe në fushën e lojës.

Sigurisht që për të ishte një risi për vetë faktin se për herë të parë luan në Shqipëri jashtë Tiranës dhe jo me fanelën bardheblu që ishim mësuar ta shikonim.

Albi Doka një ish i Tiranës, sigurisht që ka bërë zgjedhjen më të mirë dhe pas rikthimit nga Hungaria ndjehet më shumë se mirë me këtë fanelë.

Tashmë debutimin e tij të parë me 13-të minuta në fushë e bëri, por për Albi Dokën java e ardhshme do të jetë më shumë se e veçantë. Tirana përballet me Skënderbeun këtë të dielë, ndërkohë që Doka do të jetë ndaj ish-skuadrës së tij dhe fanelës që u rrit.

Gjithsesi Aldi Doka është një profesionist i vërtetë dhe do të japë maksimumin për fanelën tashmë bardhekuqe.

Suskese Aldi!

“Nuk po më pëlqejnë më, por edhe me 11 barazime dilet kampion”, Shkëmbi: Ishim superiorë, derbi s’më emocion shumë

Trajneri i Tiranës, Bledi Shkëmbi, i cili ka marrë edhe epitetin mister barazimi, foli pas derbit ndaj Partizanit, që u mbyll në barazim pa gola. Në prononcimin e dhënë, tekniku korçar ndër të tjera deklaroi:

“Nuk i përgjigjem më pyetjes për ardhjen e fitores. Komplimentoj çunat, bënë ndeshje mjaft të mirë, derbi i parë për shumicën, mendoj se ishim superiorë.

Nuk shikoj ngërç te sulmuesit. Është normale edhe po mos shënosh. Jam i kënaqur me sulmuesit, edhe pse mund të kishin bërë diçka më shumë. Ndeshja derbi është më thellë. Më shumë problem kemi pasur mospërqëndrimin. E patëm në çdo sekondë përqëndrimin.

E bëmë pak herë me Micin dhe Kolën, daljen me qendërmbrojtësit. Ishte direktivë e imja për të qenë më të kujdesshëm. Shpejtësia e futbollistëve të Partizanit, mund të na vinte në vështirësi. Kur mund të kishim mundësi duhet ta bënim. Por për meritë edhe të kundërshtarit nuk e bëmë dot.

Deri para kësaj ndeshje mendoj që kemi bërë mirë. Ishte dhe pak rëndesë psikologjie. Sulmuesit në 30 metrat e fundit kishin një ngërç.

Nuk jam tip që emocionohem shumë, ishte diçka ndryshe nga ndeshjet e tjera, por isha i qetë. Barazimet s’po më pëlqejnë më, vërtet u bëmë pak si shumë. Kemi parë skuadra që me 10-11 barazime kanë dalë edhe kampionë”, – u shpreh Shkëmbi për emisionin “Super Gol” në RTSH Sport.

REDAKTUAR nga:

“KORÇA BOOM”

Java që sapo lamë pas ka qenë mjaft pozitive për legjionarët kuqezi që aktivizohen me klubet e tyre në Europë dhe jo vetëm. Shumë prej lojtarëve të Kombëtares kanë dhënë kontributin e tyre me gola e asiste, si edhe kanë zhvilluar paraqitje shumë të mira në fushë.

Qazim Laçi debutoi me gol me skuadrën e Sparta Prague në UEFA Champions League. Mesfushori kuqezi e nisi si titullar ndaj Salzburg dhe vulosi fitoren fantastike 3-0 të skuadrës së tij në minutën e 58-të. Një gol mjaft i bukur nga Laçi, i cili me shumë klas arriti të nxirrte blof dy mbrojtësit kundërshtarë, duke e dërguar topin në rrjetë.

Një debutim fantastik edhe për Jasir Asanin në Champions-in e Azisë. Sulmuesi kuqezi realizoi tre gola spektakolar që në takimin e parë me Gwangju ndaj Yokohama F. Marinos. Asani zhbllokoi takimin në minutën e 2-të, e më pas shënoi edhe në të 55-ën dhe në fundin e ndeshjes (90+2). Gjithashtu, Asani dha edhe një asist në minutën e 68-të që u shndërrua në gol nga Mikeltadze.

Myrto Uzuni shënoi golin e dytë radhazi me ekipin e Granada në kampionat. Sulmuesi kuqezi realizoi në minutën e 77-të në barazimin 2-2 ndaj Malaga.

Rrugën e rrjetës këtë javë e gjeti edhe Taulant Seferi. Që në ndeshjen e parë si titullar me skuadrën e re Bodrumspor, Seferi ishte menjëherë vendimtar pasi shënoi gol dhe vulosi fitoren minimale 1-0 ndaj Hatayspor. Në fund të sfidës sulmuesi kuqezi u përzgjodh edhe lojtari i ndeshjes me notën 8.1 nga sajti i specalizuar për statistika sofascore.

Impakt pozitiv në ndeshjen e parë si titullar la edhe Nedim Bajrami. Mesfushori i Kombëtares shqiptare dha kontributin e tij me një asist në fitoren 3-0 të Rangers ndaj Dundee FC.

Në Seria A, Ylber Ramadani vijon me paraqitjet e mira. Këtë herë mesfushori kuqezi asistoi për golin e parë të Lecce në barazimin 2-2 ndaj Parma.

Këtë javë titullarë me skuadrat e tyre u aktivizuan edhe Thomas Strakosha, Berat Gjimshiti, Arlind Ajeti, Marash Kumbulla, Ardian Ismajli, Enea Mihaj, Amir Abrashi, Mirlind Daku dhe Arbnor Muja ndërkohë dhanë kontributin e tyre si zëvendësues edhe Ivan Balliu, Kristjan Asllani, Arbër Hoxha dhe Sebastjan Spahiu.

REDAKTUAR nga:

“KORÇA BOOM”

Ishte një javë që i ka shkuar mirë Skënderbeut, kjo së pari se mori vetë tre pikë kundër Laçit dhe e ka ngjitur në renditje.

Kjo falë edhe barazimeve të kësaj javë. Janë tre barazime që nuk i kanë lejuar gjashtë skuadrat të shkëputen nga korçarët, kjo pasi po të kishte fitore të ndonjë nga kjo treshe krijohej një diferencë, kështu kanë barazuar, Dinamo, Elbasani, Teuta, Egnatia, Tirana e Partizani.

Kështu ekipet kanë mrarë nga vetëm një pikë dhe korçarët ndodhen në mesin e artë të renditjes me shumë pak pikë nga ekipet e kreut dhe po ashtu edhe nga fundi.

Gara duket se është mjaft e fortë dhe nuk ka diferenca pikësh të dukshme dhe ndërkohë edhe ekipe të frikshme, pasi duket se të gjitha mund të gabojnë dhe të humbasin në çdo fushë.

REDAKTUAR nga:

“KORÇA BOOM”

Edhe në këtë sezon të ri që ka startuar tashmë nuk mungojnë gjyqtarët nga Kolegjiumi i Korçës.

Sot po sjellim për të gjithë ndjekësit e portalit tonë edhe foton e mësipërme, ku janë katër gjyqtarë nga qyteti juglindor që kanë pozuar në ndeshjen e kategorisë së dytë mes Sopotit dhe Luzit 2008.

Në këtë ndeshje katërshja nga qyteti i Korçës janë: Jetmir Potka, Bariokels Hamzaj, Ervin Kotemelo dhe Enea Zaçellari.

Këta katër gjyqtarë nuk janë të vetmtit, pasi Kolegjiumi i Korçës ka edhe shumë gjyqtarë të tjerë që padiskutim gjykojnë në kategori të ndryshme.

Ju urojmë suksese këtyre gjyqtarëve dhe të tjerëve nga qyteti juglindor.

REDAKTUAR nga:

“KORÇA BOOM”

Java e 6-të e kampionatit “Abissnet Superiore” uli siparin mbrëmë me dy takimet e fundit AF Elbasani – Egnatia dhe Teuta – Dinamo City.

Të dy takimet u mbyllën në barazim. Në “Elbasan Arena” ndeshja AF Elbasani – Egnatia përfundoi 0-0, ndërsa në “Niko Dovana” sfida Teuta – Dinamo City 1-1.

Po dje u zhvillua edhe takimi Vllaznia – Bylis. Në “Loro Boriçi” shkodranët regjistruan fitoren e tretë radhazi, pasi mundën Bylisin 2-0.

Të shtunën u luajtën dy ndeshjet e tjera të javës së gjashtë. Derbi i kryeqytetit Partizani – Tirana në “Air Albania “ u mbyll në barazim pa gola 0-0, ndërsa në Korçë Skënderbeu mundi Laçi 2-1.

JAVA E GJASHTË E SUPERLIGËS

TË SHTUNËN 21 SHTATOR 2024 

SKËNDERBEU-LAÇI 2-1

PARTIZANI-TIRANA 0-0

TË DIELËN 22 SHTATOR 2024 

VLLAZNIA-BYLIS 2-0

ELBASANI-EGNATIA 0-0

TEUTA-DINAMO 1-1

REDAKTUAR nga:

“KORÇA BOOM”

Java e shtatë e Superiores është planifikuar të zhvillohen në 3 ditë. Siparin do ta ngrejë supersfida mes Egnatias dhe Partizanit e planifikuar për t’u zhvilluar ditën e premte prej orës 16:00.  

E shtuna vjen me dy duele interesante, ajo mes Laçit dhe Teutës në orën 16:00 dhe Dinamo-Vllaznia në orën 19:00. 

Java e shtatë mbyllet ditën e diel me dy duelet e fundit. Në orën 16:00, Bylisi do të masë forcën me Elbasanin ndërkohë që në orën 19:00, Tirana do të ketë përballë Skënderbeun.  

AXHENDA E JAVËS SË SHTATË: 

E PREMTE: 

EGNATIA-PARTIZANI ORA 16:00 

E SHTUNË: 

LAÇI-TEUTA ORA 16:00 

DINAMO-VLLAZNIA ORA 19:00 

E DIELË

BYLIS-ELBASANI ORA 16:00 

TIRANA-SKËNDERBEU ORA 19:00  

REDAKTUAR nga:

“KORÇA BOOM”

Penalltia e akorduar nga gjyqtari Andi Koçi në minutën e 72-të në duelin mes Skënderbeut dhe Laçit, shkaktoi polemika të shumta. Kjo situatë është analizuar edhe ne ish-gjyqtari Klajdi Kola, i cili i ftuar në studion e emisionit “Super Gol” në RTSH, në rolin e moviolistit, ndër të tjera deklaroi: 

“Nuk ka pse të jetë i diskutuar, nuk duhet të kemi penallti të tilla. Kjo ndërhyrje edhe në qoftë se aty ka kontakt, se duket sikur ka një kontakt të lehtë, nuk duhet të vërshëllehen këto lloj faullesh, as në mesfushë dhe as brenda zonës. Nuk kemi të bëjmë me penallti”, deklaroi Klajdi Kola.

REDAKTUAR nga:

“KORÇA BOOM”