Federata Shqiptare e Tenisit në bashkëpunim me Tennis Korça Club organizojnë në qendrën

sportive në qytetin e Korçës, datë 28-29 Shtator, turneun “KORÇA JUNIOR”

-U12

-U16

Djem/Vajza

Regjistrimet janë të hapura.

Për më shumë informacion kontaktoni në numrin 0692182552.

Suksese të gjithë pjesëmarrësve!

REDAKTUAR nga:

“KORÇA BOOM”

Pasuesja 24-vjeçare Fabiana Pecse është shpallur lojtarja më e mirë e ndeshjes së fundit Dinamo-Skënderbeu 0-3, e vlefshme për ndeshjen e javës së dytë të kampionatit kombëtar të volejbollit.

Skënderbeu fitoi bindshëm fundjavën që kaloi ndaj dinamoviteve me shifrat e pastra 3-0, ndërkohë që stafi teknik i Skënderbeut si pas çdo ndeshjeje nxjerr dhe statistikat dhe si kanë luajtur volejbollistet në ndeshje.

Pas analizës dhe mbledhjes së të dhënave del se Fabiana Pesce ka zhvilluar një ndeshje të shkëlqyer dhe jo më kot është shpallur edhe më e mira, gjë që e bëri publike edhe vetë trajneri Orlando Koja.

Kujtojmë që Pesce është nga Venzuela dhe është pasuese, ndërkohë që 24-vjeçarja është më e mira edhe në kampionatin shqiptar dhe jo më kot është një pikë e rëndësishme te Skënderbeu në volejboll për femra.

Tashmë pas çdo ndeshjeje do të shikojmë se cilat do të jenë lojtaret më të mira për Skënderbeun, ndërkohë që ju kujtojmë se ditën e shtunë në orën 14:00 Skënderbeu do të luajë ndeshjen e javës së tretë të kampionatit në shtëpi dhe do të presë Vllazninë.

Suksese Fabiana Pesce!

Suksese Skënderbeut në volejboll për femra!

REDAKTUAR nga:

“KORÇA BOOM”

Shqipëria U-15 luajti pasditen e sotme miqësoren e parë ndaj Malit të Zi U-15 në Podgoricë. Kuqezinjtë barazuan 2-2 me Malin e Zi, teksa për Shqipërinë realizoi dy gola sulmuesi Haxhi Rrena.

Trajneri Armand Dama e nisi me këtë formacion titullar ndeshjen ndaj Malit të Zi U-15: Marsid Hoxha (GK), Endi Cekrezi, Joart Mile, Rian Neza, Riad Syla, Angelos Çomo, Fabio Hyseni, Sean Sulaj, Haxhi Rrena (C), Tom Keqi dhe Erjon Vajushi.

Shqipëria e nisi shumë mirë ndeshjen dhe pas disa momenteve të mira mori avantazhin në minutën 24-t. Kapiteni Haxhi Rrena zhbllokoi takimin pas një aksioni shumë të bukur të kuqezinjve.

Avantazhi i Shqipërisë zgjati vetëm shtatë minuta, pasi Mali i Zi barazoi rezultatin në minutën e 31-të me Luka Vusurovic. Pjesa e parë u mbyll 1-1.

Në fraksionin e dytë kuqezinjtë gjetën sërish rrugën e rrjetës me Haxhi Rrenën. Kapiteni kuqezi i shkoi deri në fund aksionit dhe përfitoi nga gabimi i mbrojtjes kundërshtare. Rrena kaloi edhe portierin dhe e dërgoi topin në rrjetë, duke shënuan golin e dytë personal në këtë sfidë.

Deri në fund u aktivizuan pothuajse të gjithë lojtarët e grumbulluar nga trajneri Armand Dama. Kuqezinjtë mbrojtën mirë avantazhin por në minutën e 78-të Neza shkaktoi penallti që u shndërrua në gol nga Nikola Vukoje. Në fund sfida e parë miqësore u mbyll në barazim me rezultatin 2-2.

Ndeshja e dytë miqësore Shqipëri U15 – Mali i Zi U15 do të luhet më 26 shtator në stadiumin “Reshit Rusi”, në orën 16:00.

REDAKTUAR nga:

“KORÇA BOOM”

Ditën e dielë ndeshja përmbyllëse e javës së 7-të të superligës do të jetë ajo mes Tiranës dhe Skënderbeut, ndeshje e cila do të startojë në orën 19:00 dhe do të luhet në orën 19:00 të mbrëmjes.

Ka qenë klubi i Tiranës që ka nxjerrë në shitje përpara kohe biletat për këtë ndeshje në kryeqytet.

Tirana e cila është organizatore e këtij takimi ka nxjerrë në shitje biletat, ku çmimet variojnë nga 400 lekë në 3000 lekë të reja.

Nga ana tjetër klubi bardheblu u bën thirrje tifozëve që të jenë sa më të shumtë në numër në sfidën ndaj Skënderbeut, pasi Tirana vjen pas 6 barazimeve radhazi dhe kërkon fitoren e parë, por për fitore luan edhe Skënderbeu që ka 1 pikë më shumë se Tirana.

Ndërkohë që tifozët bardheblu nuk do të mungojnë pritet një mbështetje edhe nga tifozët e Skënderbeut, sidomos nga ata korçarë që jetojnë dhe punojnë në kryeqytet, pa përjashtuar se do të udhëtojnë për ta mbështetur skuadrën e tyre të zemrës edhe tifozë nga Korça.

Suksese Skënderbeut të dielën ndaj Tiranës!

REDAKTUAR nga:

“KORÇA BOOM”

Maliqi sapo ka publikuar edhe foton zyrtare me gjithë stafin dhe futbollistët që do të veshin fanelën e Maliqit në sezonin e ri 2024-2025.

Përpara pak ditësh në fakt kanë qenë maliqarët që kanë pubikuar edhe listën zyrtare me emrat e lojtarëve dhe stafit, ndërkohë që në këto momente është bërë zyrtare edhe fotoja përpara ndeshjes së parë të sezonit të ri.

Kategoria e dytë startoi fundjavën që kaloi por maliqarët në bazë të shortit e kishin pushim, ndërkohë që këtë fundjavë do të përballen me Luftëtarin në javën e dytë të Grupit B.

I urojmë suksese Maliqit në sezonin e ri dhe rezultate sa më pozitive.

REDAKTUAR nga:

“KORÇA BOOM”

Komiteti Ekzekutiv i UEFA-s mbajti sot mbledhjen në Pragë ku u morën disa vendime të rëndësishme në lidhje me futbollin europian.

Për herë të parë në historinë e futbollit shqiptar, Komiteti Ekzekutiv i UEFA-s do të zhvillojë një mbledhje zyrtare në Tiranë, nën organizimin e Federatës së Futbollit. Ky event i rëndësishëm do të mbahet më 8 shtator 2025 dhe përbën një moment historik për futbollin shqiptar dhe vetë vendin tonë.

Mbledhja e nivelit më të lartë të organit drejtues të UEFA-s në Tiranë do ta vendosë Shqipërinë në qendër të Europës. Ky zhvillim historik është një dëshmi e rritjes së ndikimit të Shqipërisë në futbollin europian.

Gjatë mbledhjes së Komitetit Ekzekutiv të UEFA-s u morën edhe këto vendime të tjera:

– U aprovua strategjia e re e UEFA-s për futbollin e vajzave 2024-2030.

– U përcaktua fondit i solidaritetit për klubet që nuk marrin pjesë në garat e UEFA-s për periudhën 2024/27

– Finalja e UEFA Champions League 2027 nuk do të zhvillohet në stadiumin San Siro për shkak se komuna e Milanos nuk ka garantuar rinovimin e stadiumit. Komiteti Ekzekutiv i UEFA-s ka hapur sërish procesin e kandidimit dhe vendimin përfundimtar do të merret në periudhën maj/qershor 2025.

– Vendi pritës për Kampionatin Europian të UEFA U-19 Futsal 2025 u caktua Kishinjev, Moldavi.

– Mbledhja e radhës e Komitetit Ekzekutiv të UEFA-s do të zhvillohet në Lozanë, Zvicër më datë 16 dhjetor 2024.

REDAKTUAR nga:

“KORÇA BOOM”

Pas ndeshjes së javës së kaluar, trajneri Ivan Gvozdenoviç është pyetur në lidhje me ndërtimin e formacionit dhe për ata që do të hedhë në fushën e lojës dhe sinqerisht është përgjigjur se: “Mund të them se vërtet është e vështirë, kjo pasi kam në dispozicion 25 futbollistë dhe që të gjithëve mund t’u besosh formacionin.

Por nga ana tjetër kjo është pozitive se kam alternativa për në fushën e lojës, madje ata që vijnë nga stoli i japin edhe më shumë ritëm ekipit”.

Në fakt edhe afrimet e reja nga java në javë japin sinjale shumë pozitive që futbollistët janë gati për të qenë titullarë në fushën e lojës. Duhet thënë se gara është e gjatë dhe kërkon edhe më shumë forca, pasi mund të ketë kartonë, të dëmtuar ose jashtë forme.

Pikërisht këto e bëjnë trajnerin që gjithmonë të thotë se ka një ekip me 25 futbollistë dhe nuk bën ndarje formacioni i parë apo formaioni i dytë.

REDAKTUAR nga:

“KORÇA BOOM”

Dy javët e para të kampionatit kombëtar të volejbollit kanë filluar me dy fitore për vajzat e trajnerit Orlando Koja. Një fitore 3-1 ndaj Teutës dhe së fundi fitorja 3-0 në kryeqytet ndaj Dinamos, kanë bërë që Skënderbeu të ketë 6 pikë, aq sa ka në fakt edhe Partizani, që ndodhet në krye pasi ka 6 sete të fituara dhe asnjë të pësuar.

Skënderbeu, kandidati numër një për fitimin e trofeut këtë sezon, ka filluar punën për t’u përgatitur për ndeshjen e radhës, teksa do të presë në shtëpi Vllazninë në javën e tretë.

Skënderbeu-Vllaznia luhet të shtunën e 28 shtatorit dhe do të startojë në orën 14:00 të mesditës dhe kjo tashmë është zyrtare në bazë edhe të kalendarit që ka miratuar qysh në fillim të sezonit FSHV-ja.

Padiskutim që vajzat bardhekuqe do të kërkojnë fitoren e tretë radhazi dhe kjo as që diskutohet.

Grupi po shkon drejt kolaudimit të plotë dhe vajzat janë përshtatur me njëra-tjetrën dhe stafi teknik është optimist për vazhdimin e kampionatit të cilin kanë si objektiv ta mbyllin pa asnjë humbje.

Në këtë mënyrë të gjithë tifozët korçarë duhet të jenë në mbështetje të skuadrës së tyre të zemrës këtë të shtunë në orën 14:00 ku i pret përballja Skënderbeu-Vllaznia.

Më poshtë sjellim edhe kalendarin e këtij kampionati me oraret dhe datat e përcaktuara tashmë.

Kalendari i Skënderbeut në volejboll për femra 2024-2025

FAZA I

Java 1 Skënderbeu-Teuta 3-1

Java 2 Dinamo-Skënderbeu 0-3

Java 3 Skënderbeu-Vllaznia                    28 shtator 2024     Ora 14:00

Java 4 Barleti Volley-Skënderbeu          5 tetor 2024            Ora 17:00

Java 5 Skënderbeu-Pogradeci                12 tetor 2024          Ora 17:00

Java 6 Skënderbeu-Partizani                  18 tetor 2024          Ora 17:00

Java 7 Tirana-Skënderbeu                       25 tetor 2024          Ora 18:00

FAZA II

Java 8 Teuta-Skënderbeu                        31 janar 2025         Ora 14:00

Java 9 Skënderbeu-Dinamo                    8 shkurt 2025         Ora 17:00

Java 10 Vllaznia-Skënderbeu                 14 shkurt 2025       Ora 14:00

Java 11 Skënderbeu-Barleti Volley       22 shkurt 2025       Ora 17:00

Java 12 Pogradeci-Skënderbeu             14 mars 2025          Ora 17:00

Java 13 Partizani-Skënderbeu                21 mars 2025          Ora 17:00

Java 14 Skënderbeu-Tirana                    28 mars 2025          Ora 17:00

REDAKTUAR nga:

“KORÇA BOOM”

Kursi për trajnerët e licencës UEFA C, i organizuar nga Federata Shqiptare e Futbollit në zonën e Korçës ka mbyllur me sukses edicionin e tij të dytë me diplomimin e 33 pjesëmarrësve që ishin pjesë e këtij kursi.

Në ceremoninë e organizuar me grupin e trajnerëve më të rinj korçarë ishte i pranishëm anëtari i Komitetit Ekzekutiv të FSHF-së, Ylli Çekiçi, sekretari i Shoqatës Rajonale të Korçës, z. Renato Rapi, dhe përfaqësuesi i FSHF-së, z. Alban Tafaj. Anëtari i KE-së së FSHF-së, Ylli Çekiçi i uroi shumë suksese të gjithë të licencuarve dhe i ftoi të ndjekin ëndrrën e tyre dhe të kontribuojnë për të zhvilluar futbollin në vendin tonë.

Kursi për trajnerët e licencës UEFA C zgjati rreth 3 muaj, teksa të gjitha leksionet janë zhvilluar në qytetin e Korçës nën kujdesin e Shoqatës Rajonale të Futbollit Korçë, pasi sipas direktivave të UEFA-s, “licenca” duhet të shkojë te trajneri, për të pasur një shpërndarje të këtij kursi në të gjithë vendin dhe për të përmirësuar dhe për të rritur cilësinë e trajnerëve.

Trajnerët e rinj mund të ushtrojnë profesionin e trajnerit në futbollin amator dhe mund të punojnë si zëvendës-trajnerë me ekipet e moshave që marrin pjesë në kampionatet e të gjitha niveleve të organizuara nga FSHF në vend. Ky kurs është një hap i rëndësishëm në formimin dhe kualifikimin e trajnerëve të rinj, të cilët do të kontribuojnë në zhvillimin e futbollit në nivel lokal dhe kombëtar.

REDAKTUAR nga:

“KORÇA BOOM”

“Nuk e mendoja se Tirana do të ishte me paraqitje të mira.”

Këto janë fjalët e zv/trajnerit të korçarëve Gentjan Liço kur e pyet se si e shikon ai ekipin kundërshtar të radhës.

Madje Liço ka vazhduar më tej: “Është një ekip me shumë lëvizje gjatë merkatos, ka futbollistë mjaft të talentuar që kanë grintë në fushën e lojës dhe madje interpretojnë lojë.

Do të jetë një ndeshje e fortë, por ne kemi treguar se me ekipe të kësaj kategorie zhvillojmë lojra shumë të mira dhe për rrjedhojë nuk na mungojnë as rezulatet.”

Kjo tregon se korçarët e vlerësojnë shumë kundërshtarin dhe e kanë të qartë se duhet shumë përqëndrim dhe duhet mjaft punë për të dalë me një fitore nga kjo ndeshje.

REDAKTUAR nga:

“KORÇA BOOM”